ರಾಮೇಶ್ವರಂನಲ್ಲಿ 108 ಅಡಿ ಎತ್ತರದ ಹನುಮಂತನ ವಿಗ್ರಹ ಸ್ಥಾಪನೆಗೆ ಶಂಕುಸ್ಥಾಪನೆ

February 24, 2022

10:11 PM

ಮಿರರ್‌ ಡೆಸ್ಕ್‌

ಶ್ರೀಹರೀಶ್ ಚಂದರ್ ನಂದ ಎಜುಕೇಶನ್ ಮತ್ತು ಚಾರಿಟೇಬಲ್ ಟ್ರಸ್ಟ್‌ನಿಂದ ರಾಮೇಶ್ವರಂನಲ್ಲಿ ಹನುಮಾನ್ ದೇವರ 108 ಅಡಿ ಎತ್ತರದ ವಿಗ್ರಹವನ್ನು ಸ್ಥಾಪಿಸಲಾಗುತ್ತಿದೆ.ಬುಧವಾರ ರಾಮೇಶ್ವರಂನಲ್ಲಿ ವಿಗ್ರಹದ ಶಂಕುಸ್ಥಾಪನೆ ಕಾರ್ಯಕ್ರಮ ನಡೆಯಿತು.

ಇನ್ನೆರಡು ವಿಗ್ರಹಗಳು ಹಿಮಾಚಲ ಪ್ರದೇಶ ಮತ್ತು ಗುಜರಾತ್ ನಲ್ಲಿವೆ. ರಾಮೇಶ್ವರಂನಲ್ಲಿ ಮೂರನೇ ವಿಗ್ರಹವಾಗಿದ್ದು ನಾಲ್ಕನೇ ವಿಗ್ರಹಕ್ಕೆ ಸ್ಥಳ ಗುರುತಿಸುವ ಯೋಜನೆ ಇದೆ. ಕಲ್ಲಿನಲ್ಲಿ ವಿಗ್ರಹ ನಿರ್ಮಾಣವು ಮಾರ್ಚ್‌ನಿಂದ ಪ್ರಾರಂಭವಾಗಲಿದ್ದು, ಎರಡು ವರ್ಷಗಳಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

ರಾಷ್ಟ್ರೀಯ ಸ್ವಯಂಸೇವಕ ಸಂಘದ (ಆರ್‌ಎಸ್‌ಎಸ್) ಅಖಿಲ ಭಾರತ ಪ್ರಧಾನ ಕಾರ್ಯದರ್ಶಿ ದತ್ತಾತ್ರೇಯ ಹೊಸಬಾಳೆ ಅವರ ಸಮ್ಮುಖದಲ್ಲಿ ಪ್ರತಿಷ್ಠಾನ ಸಮಾರಂಭವನ್ನು ಆಯೋಜಿಸಲಾಗಿದೆ ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.