ಅನುಮತಿ ನೀಡಿದರೆ ಅಡಿಕೆ ಖರೀದಿಗೆ ಸಿದ್ದ :ಪಂಜ ಅಡಿಕೆ ವರ್ತಕರು

ಪಂಜ :ಅಡಿಕೆ ಹಾಗೂ ಇನ್ನಿತರ ಕೃಷಿ ಉತ್ಪನ್ನಗಳನ್ನು ಖರೀದಿಸಲು ಖಾಸಗಿ ವ್ಯಾಪಾರಿಗಳು ಸಿದ್ಧರಿದ್ದಾರೆ ಎಂದು ಪಂಜ ಹಾಗೂ ಬಳ್ಪದ ಅಡಿಕೆ ವ್ಯಾಪಾರಿಗಳು ತಿಳಿಸಿದ್ದಾರೆ.

ಅಡಿಕೆ ಹಾಗೂ ಇನ್ನಿತರ ಕೃಷಿ ಉತ್ಪನ್ನಗಳನ್ನು ಖರೀದಿಗೆ ಆಡಳಿತವು ಅನುಮತಿ ಕೊಡುವುದಾದರೆ ನಿಗದಿತ ಸಮಯದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಂಡು ಸರಕಾರ, ಆಡಳಿತದ ನಿಯಮಗಳೊಂದಿಗೆ ಅಡಿಕೆ ಬೆಳೆಗಾರರಿಗೆ ಅನುಕೂಲವಾಗಲು ನಿಗದಿತ ಪ್ರಮಾಣದಲ್ಲಿ ಅಡಿಕೆ ಖರೀದಿಸಲಾಗುವುದು ಎಂದು ಪಂಜದ ಹಾಗೂ ಬಳ್ಪದ ಅಡಿಕೆ ವರ್ತಕರು ತಿಳಿಸಿದ್ದಾರೆ.