ಕೀಟನಾಶಕಗಳ ಪರ್ಯಾಯ ಬಳಕೆಯತ್ತ ನಡೆಯುತ್ತಿದೆ ಲಸಿಕೆ ಸಂಶೋಧನೆ

ಆಹಾರ ವಸ್ತುಗಳಿಗೆ ವಿಪರೀತ ರಾಸಾಯನಿಕ ಬಳಕೆಯಾಗುತ್ತಿದೆ. ಅದರಲ್ಲೂ ಕೀಟನಾಶಕ ಬಳಕೆ ಮಾಡದೆ ತರಕಾರಿ ಸಹಿತ ಆಹಾರ ಬೆಳೆ ಸಾಧ್ಯವೇ ಇಲ್ಲ ಎಂಬ ಮಾತು ಬರುತ್ತಿದೆ. ಇದೀಗ ಸಂಶೋಧನಕರು ಸಸ್ಯಗಳಿಗೆ ಬರುವ ವೈರಲ್ ಸೋಂಕಿನ ವಿರುದ್ಧ ಕೀಟನಾಶಕಗಳ ಪರ್ಯಾಯ ಬಳಕೆಯತ್ತ ಸಂಶೋಧನೆ ಮಾಡುತ್ತಿದ್ದಾರೆ.

ಗಿಡಗಳಿಗೆ ಬರುವ ವೈರಸ್‌ಗಳ ವಿರುದ್ಧ ಸಸ್ಯಗಳಿಗೆ ಲಸಿಕೆ ಹಾಕುವ ಹೊಸ ವಿಧಾನವನ್ನು ಕೀಟಗಳು ಮತ್ತು ಪರಿಸರಕ್ಕೆ ಹಾನಿಕಾರಕ ವಿಷಕಾರಿ ಕೀಟನಾಶಕಗಳಿಗೆ ಪರ್ಯಾಯವಾಗಿ ಬಳಸಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ.

ಮಾರ್ಟಿನ್ ಲೂಥರ್ ವಿಶ್ವವಿದ್ಯಾಲಯದ ತಂಡವು ಅಭಿವೃದ್ಧಿಪಡಿಸಿದ ಈ ವಿಧಾನವು ಸಸ್ಯಗಳಲ್ಲಿನ ವಿಭಿನ್ನ ರೋಗಕಾರಕಗಳನ್ನು ಎದುರಿಸಲು ಅನುಗುಣವಾಗಿ ಲಸಿಕೆಗಳನ್ನು ವೇಗವಾಗಿ ಪತ್ತೆಹಚ್ಚಲು ಮತ್ತು ಉತ್ಪಾದಿಸಲು ಸಹಾಯ ಮಾಡುತ್ತದೆ.

ವೈರಸ್ ದಾಳಿಯ ಸಮಯದಲ್ಲಿ, ಸಸ್ಯಗಳು ಎರಡು ಹಂತದ ಸೂಕ್ಷ್ಮ ರಕ್ಷಣಾ ಚಟುವಟಿಕೆ ಇದೆ. ಅದು ಅವುಗಳನ್ನು ಸೋಂಕಿನ ಸ್ಥಳದಲ್ಲಿ ಮತ್ತು ಅದರ ರಚನೆಯ ಉದ್ದಕ್ಕೂ ರಕ್ಷಿಸುತ್ತದೆ. ಇದರಲ್ಲಿ   ವೈರಸ್ ವಿರುದ್ಧ ಸಸ್ಯಗಳೇ ಹೋರಾಡಲು ಬೇಕಾಗುವ ಶಕ್ತಿ ನೀಡುತ್ತದೆ, ಅದರ ಜೊತೆಗೆ  ರೋಗನಿರೋಧಕ ಶಕ್ತಿ ಹೆಚ್ಚು ಮಾಡುತ್ತದೆ.

ಇಂದು ರೋಗ ಬಾಧಿತ ವೈರಸ್ ಕೊಲ್ಲುವ ಸಲುವಾಗಿ ಬಹುಪಾಲು ಜನರು ಔಷಧಿ ಸಿಂಪಡನೆ ಮಾಡುತ್ತಾರೆ. ಇದರಿಂದ ಗಿಡಕ್ಕೆ ಬೇಕಾದ ಅಂಶಗಳೂ ಸಾಯುತ್ತವೆ. ಹೀಗಾಗಿ ಗಿಡಗಳಿಗೆ ಬೇಕಾದ ಪ್ರೋಟೀನ್ ಹಾಗೂ ಇತರ ವಸ್ತುಗಳು ಇಲ್ಲವಾಗಿ ಪ್ರತೀ ಬಾರಿಯೂ ಗಿಡಕ್ಕೆ ರಾಸಾಯನಿಕ ಬಳಕೆ ಮಾಡಲೇಬೇಕಾದ ಅನಿವಾರ್ಯತೆ ಬರುತ್ತದೆ. ಆದರೆ ಈ ಮಾದರಿಯಲ್ಲಿ ಅಂತಹ ಅವಶ್ಯಕತೆ ಇರುವುದಿಲ್ಲ.

ಆರಂಭದಲ್ಲಿ ಸಂಶೋಧನಾ ತಂಡವು ಟೊಮೆಟೊ ಮತ್ತು ತಂಬಾಕಿನ ಮೇಲೆ ದಾಳಿ ಮಾಡುವ ಮಾದರಿ ವೈರಸ್‌ನಿಂದ ತಂಬಾಕು ಸಸ್ಯ ಎನ್ ಬೆಂಥಾಮಿಯಾನಾದ ಎರಡು ಗುಂಪುಗಳಿಗೆ ಸೋಂಕು ತಗುಲಿತು. ಒಂದು ಗುಂಪಿಗೆ ಹೆಚ್ಚು ಪರಿಣಾಮಕಾರಿಯಾದ ಅಣುಗಳೊಂದಿಗೆ ಲಸಿಕೆ ನೀಡಲಾಯಿತು.

ಆದರೆ ಇನ್ನೊಂದು ಗುಂಪು ಯಾವುದೇ ಚಿಕಿತ್ಸೆಯನ್ನು ಪಡೆಯಲಿಲ್ಲ. ಆರು ವಾರಗಳ ನಂತರ, ಶೇಕಡಾ 90 ರಷ್ಟು ಲಸಿಕೆ ಹಾಕಿದ ಸಸ್ಯಗಳು ಸೋಂಕಿನ ಯಾವುದೇ ಲಕ್ಷಣಗಳನ್ನು ಕಂಡುಬರಲಿಲ್ಲ. ಆದರೆ ಲಸಿಕೆ ನೀಡದ ಎಲ್ಲಾ ಸಸ್ಯಗಳು ವೈರಸ್‌ನಿಂದ ಕೊಲ್ಲಲ್ಪಟ್ಟವು ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.

ಆದರೆ ಈ ಲಸಿಕೆಯ ಅವಧಿ ಎಷ್ಟು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಲಸಿಕೆಗಳನ್ನು ದೊಡ್ಡ ಪ್ರಮಾಣದಲ್ಲಿ ಹೇಗೆ ಉತ್ಪಾದಿಸುವುದು ಮತ್ತು ಇವುಗಳನ್ನು ಸಸ್ಯಗಳಿಂದ ಹೇಗೆ  ಹೀರಿಕೊಳ್ಳಬಹುದು ಎಂಬುದರ ಬಗ್ಗೆಯೂ ಅಧ್ಯಯನ ನಡೆಯುತ್ತಿದೆ.