ತಾಲೂಕು ಆಸ್ಪತ್ರೆಗೆ ಭೇಟಿ ನೀಡಿದವರು 14 ದಿನ ಮನೆಯಲ್ಲಿರಿ ಎಂಬ ಪ್ರಕಟಣೆ ನೀಡಿಲ್ಲ- ತಾಲೂಕು ಆಸ್ಪತ್ರೆ ಆಡಳಿತ ಸ್ಪಷ್ಟನೆ

ಸುಳ್ಯ: ಸುಳ್ಯ ತಾಲ್ಲೂಕು ಆಸ್ಪತ್ರೆ ಸುಳ್ಯ ಇಲ್ಲಿಗೆ ಭೇಟಿ ನೀಡಿದವರು 14 ದಿನ ಮನೆಯಲ್ಲಿ ಇರುವುದು ಎಂಬ ಪ್ರಕಟಣೆ ಆಸ್ಪತ್ರೆ ಆಡಳಿತ ನೀಡಿಲ್ಲ. 14 ದಿನಗಳಲ್ಲಿ ಭೇಟಿ ನೀಡಿದವರು ಆಡಳಿತ ವೈದ್ಯಾಧಿಕಾರಿಯವರನ್ನು 9448152792 ರಲ್ಲಿ ಸಂಪರ್ಕ ಮಾಡಬಹುದು ಎಂದು ಸುಳ್ಯ ಸರಕಾರಿ ಆಸ್ಪತ್ರೆಯ ಆಡಳಿತ ವೈದ್ಯಾಧಿಕಾರಿ ಡಾ.ಕರುಣಾಕರ ಸ್ಪಷ್ಟನೆ ನೀಡಿದ್ದಾರೆ.

ಸುಳ್ಯದ ಸರಕಾರಿ ಆಸ್ಪತ್ರೆಗೆ ಈ ಒಂದು ವಾರದಲ್ಲಿ ಭೇಟಿ ಕೊಟ್ಟವರು ದಯವಿಟ್ಟು 15 ದಿನ ಮನೆಯಿಂದ ಹೊರಗೆ ಬಾರದೆ ಸ್ವಯಂ ಹೋಂ ಕ್ವಾರೆಂಟೈನ್ ಒಳಗಾಗಿ ನಿಮ್ಮ ಮನೆಯವರನ್ನು ಹಾಗೆ ಪುಟ್ಟ ಸುಳ್ಯವನ್ನು ರಕ್ಷಣೆ ಮಾಡಿ ಎಂಬ ಸಂದೇಶವೊಂದು ಕಳೆದ ಎರಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಹಿನ್ನಲೆಯಲ್ಲಿ ಆಸ್ಪತ್ರೆಯ ಆಡಳಿತ ವೈದ್ಯಾಧಿಕಾರಿಯವರು ಈ ಸ್ಪಷ್ಟನೆ ನೀಡಿದ್ದಾರೆ.
ವೈದ್ಯರು ಸೇರಿ 6 ಮಂದಿಗೆ ಕೊರೋನಾ ಪಾಸಿಟಿವ್ ಬಂದ ಹಿನ್ನಲೆಯಲ್ಲಿ ಸುಳ್ಯ ತಾಲೂಕು ಆಸ್ಪತ್ರೆಯನ್ನು ಸೀಲ್ ಡೌನ್ ಮಾಡಿದ ಬಳಿಕ ಈ ರೀತಿಯ ಸಂದೇಶವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತಿದೆ.