ಪಂಪ್ ವೆಲ್ ಮೇಲ್ಸೇತುವೆ ಕಾಮಗಾರಿ ಪೂರ್ಣ : “ಪಂಪ್ವೆಲ್ ಬಲೆ…. ಇತ್ತೆ ಪಂಪ್ವೆಲ್ ಬಲೆ….!”

ಮಂಗಳೂರು: ಅನೇಕ ಸಮಯಗಳಿಂದ ಟ್ರೋಲ್ ಆಗುತ್ತಿದ್ದ ಮಂಗಳೂರು ಪಂಪ್ ವೆಲ್ ಮೇಲ್ಸೇತುವೆಯ ಕಾಮಗಾರಿ ಪೂರ್ತಿಯಾಗಿದೆ. ನಾಳೆ(ಜ.31) ಉದ್ಘಾಟನೆಗೊಳ್ಳುವ ನಿರೀಕ್ಷೆ ಇದೆ. ನಾಳೆಯೇ… ಇತ್ತೆ ಬಲೆ.. ಪಂಪ್ವೆಲ್ ಬಲೆ… ಪಂಪ್ವೆಲ್ ಬಲೆ…..!

Advertisement

ಅನೇಕ ಸಮಯಗಳಿಂದ ಉದ್ಘಾಟನಾ ಕಾಮಗಾರಿ ಮುಂದೂಡಿ ಮುಂದೂಡಿ ಜನಸಾಮಾನ್ಯರಿಂದ ಟ್ರೋಲ್ ಗೆ ಒಳಗಾಗಿ ಕೊನೆಗೂ ಇದಾಗದು ಎಂದೂ ಶಪಿಸಿದ್ದ ಮಂಗಳೂರಿನ ಪಂಪ್ ವೆಲ್ ಕಾಮಗಾರಿ ಪೂರ್ತಿಗೊಂಡಿದ್ದು ಜ.31 ರಂದು ಉದ್ಘಾಟನೆಗೊಳ್ಳುವ ನಿರೀಕ್ಷೆ ಇದೆ. ಈ ಹಿಂದೆ ಅಧಿಕಾರಿಗಳು ಹಾಗೂ ಗುತ್ತಿಗೆದಾರರು ನೀಡಿರುವ ಭರವಸೆಯಂತೆ ಜ.1 ರಂದು ಉದ್ಘಾಟನೆಯಾಗಬೇಕಿತ್ತು. ಇದೀಗ ಜನವರಿ ಅಂತ್ಯದ ವೇಳೆಗೆ ಉದ್ಘಾಟನೆಗೊಳ್ಳಲಿದೆ.

ಈ ಕಾಮಗಾರಿಯನ್ನು ಸಂಸದ ನಳಿನ್ ಕುಮಾರ್ ಕಟೀಲ್ ಅವರು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳೊಂದಿಗೆ ವೀಕ್ಷಿಸಿದರು.
ಶಾಸಕ ವೇದವ್ಯಾಸ್ ಕಾಮತ್, ಮನಪಾ ಸದಸ್ಯ ಸುಧೀರ್ ಶೆಟ್ಟಿ ಕಣ್ಣೂರು, ಮಂಗಳೂರು ವಿಧಾನಸಭಾ ಕ್ಷೇತ್ರದ ನಿಕಟಪೂರ್ವ ಅಧ್ಯಕ್ಷರಾದ  ಸಂತೋಷ್ ಕುಮಾರ್ ರೈ ಬೋಳಿಯಾರ್ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.