ಮೂಡಿಗೆರೆ: ಕಳೆನಾಶಕ ಕುಡಿದ 3 ವರ್ಷದ ಮಗು ಮೃತ್ಯು

ಮೂಡಿಗೆರೆ: ತೋಟಕ್ಕೆ ಸಿಂಪಡಿಸುವ ಕಳೆನಾಶಕವನ್ನು ಜ್ಯೂಸ್ ಎಂದು ಭಾವಿಸಿ ಕುಡಿದ 3 ವರ್ಷದ ಮಗು ಸಾವು-ಬದುಕಿನ ನಡುವೆ ಹೋರಾಡಿ ಮಂಗಳವಾರ ಮೃತಪಟ್ಟಿದೆ.  ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ದುರ್ಗದಹಳ್ಳಿಯ  ಪ್ರವೀಣ್ ಎಂಬವರ ಮಗು ಅಗಸ್ತ್ಯ ಮೃತಪಟ್ಟ ಬಾಲಕ. ತೋಟದ ಕಳೆಗೆ ಔಷಧಿ ಸಿಂಪಡಣೆ ಮಾಡಲೆಂದು ಮನೆ ತಂದಿರಿಸಿದ್ದ ಔಷಧಿಯನ್ನು  ಜ್ಯೂಸ್ ಎಂದು ಭಾವಿಸಿ ಅ.24 ರಂದು ಬಾಲಕ ಸೇವಿಸಿದ್ದ. ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿ ಹೆಚ್ಚಿನ ಚಿಕಿತ್ಸೆಗೆ ಬೆಂಗಳೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಮಂಗಳವಾರ ಬಾಲಕ ಮೃತಪಟ್ಟಿದ್ದಾನೆ.

Advertisement