ವಿದ್ಯುತ್ ಬಳಕೆದಾರರ ಮನವಿಗೆ ಸ್ಪಂದಿಸಿದ ಮೆಸ್ಕಾಂ : ಅಲೆಕ್ಕಾಡಿಯಲ್ಲಿ 2 ದಿನ ಬಿಲ್ ಪಾವತಿಗೆ ಅವಕಾಶ

July 1, 2019

8:21 PM

The Rural Mirror ಸುದ್ದಿಜಾಲ

ನಿಂತಿಕಲ್ಲು: ಕಳೆದ ಕೆಲವು ವರ್ಷಗಳಿಂದ ಅಲೆಕ್ಕಾಡಿ, ಮುರುಳ್ಯ, ಎಣ್ಮೂರು ಮತ್ತು ಎಡಮಂಗಲ ಗ್ರಾಮಸ್ಥರು ಪ್ರತೀ ತಿಂಗಳ 27 ರಂದು ಅಲೆಕ್ಕಾಡಿಯಲ್ಲಿ ವಿದ್ಯುತ್ ಬಿಲ್ ಪಾವತಿಸುತ್ತಿದ್ದರು. ತಿಂಗಳಿಗೆ ಒಂದು ಬಾರಿ ಮಾತ್ರ ಅವಕಾಶವಿದ್ದುದ್ದರಿಂದ ಕೆಲವೊಮ್ಮೆ ತೀವ್ರ ನೂಕುನುಗ್ಗಲು ಆಗುತ್ತಿತ್ತು. ಇದಕ್ಕಾಗಿ ವಿದ್ಯುತ್ ಬಳಕೆದಾರರು ಮನವಿ ಮಾಡಿದ್ದರು. ಈ ಮನವಿಗೆ ಸ್ಪಂದಿಸಿದ ಮೆಸ್ಕಾಂ ಇದೀಗ ವಿದ್ಯುತ್ ಬಿಲ್ ಪಾವತಿಸಲು ಒಂದು ದಿನದ ಹೆಚ್ಚುವರಿ ಅವಕಾಶವನ್ನು ಕಲ್ಪಿಸಲಾಗಿದೆ. ಇನ್ನು ಮುಂದೆ ಪ್ರತೀ ತಿಂಗಳ 13ರಂದು ಮತ್ತು 27ರಂದು ವಿದ್ಯುತ್ ಬಿಲ್ ಪಾವತಿಸಲು ನಿಗದಿಪಡಿಸಲಾಗಿದೆ.