ಜಗತ್ತು ಆಧುನೀಕರಣಕ್ಕೆ ಒಡ್ಡಿಕೊಳ್ಳುತ್ತಿದ್ದಂತೆ ಪ್ರಕೃತಿ, ಪರಿಸರ ಕ್ಷೀಣವಾಗುತ್ತಿದೆ. ಭೂಮಿ ತಾಯನ್ನು ನಿಕೃಷ್ಟವಾಗಿ ಕಂಡು ತಮ್ಮ ಏಳಿಗೆಯನ್ನು ಮಾಡ ಹೊರಟಿದ್ದಾನೆ ಮಾನವ. ದಿನದಿಂದ ದಿನಕ್ಕೆ ಮರಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಉಷ್ಣತೆ, ಬರಗಾಲ, ನೆರೆ, ಪ್ರಕೃತಿ ವಿಕೋಪಗಳು ತಾರಕ್ಕೇರುತ್ತಿದೆ. ಇದನ್ನು ಮನಗಂಡ ಕರ್ನಾಟಕ ಅರಣ್ಯ ಇಲಾಖೆ ಮಹತ್ ಕಾರ್ಯಕ್ಕೆ ಕೈ ಹಾಕಿದೆ.
ಕರ್ನಾಟಕದಲ್ಲಿ ಮರಗಿಡಗಳ ಉದ್ಯಾನವನ #TreePark ಅನ್ನು ಸ್ಥಾಪಿಸಲು 3,000 ಎಕರೆಗಿಂತಲೂ ಹೆಚ್ಚಿನ ಅರಣ್ಯ ಪ್ರದೇಶವನ್ನು ಮೀಸಲಿರಿಸಲಾಗಿದೆ. ಅಟಲ್ ಬಿಹಾರಿ ವಾಜಪೇಯಿ ಬೊಟಾನಿಕಲ್ ಉದ್ಯಾನ ನಿರ್ಮಾಣಕ್ಕೆ ಜರಕಬಂಡೆ ಕಾವಲ್ ಅರಣ್ಯ ಭಾಗದ 305 ಎಕರೆಯನ್ನು ಬಳಸಿಕೊಳ್ಳಲಾಗುತ್ತದೆ ಎಂದು ಅರಣ್ಯ ಇಲಾಖೆ ತಿಳಿಸಿದೆ. ಈ ಕುರಿತು ಮಾಹಿತಿ ನೀಡಿರುವ ಇಲಾಖೆ, ಟ್ರೀ ಪಾರ್ಕ್ ಸ್ಥಾಪಿಸಲು 2556.68 ಎಕರೆ ಅರಣ್ಯ ಭೂಮಿಯನ್ನು ಮಾರ್ಪಡಿಸಲಾಗಿದೆ ಎಂದು ತಿಳಿಸಿದ್ದು, ಮೀಸಲು ಅರಣ್ಯವು 1275.543 ಎಕರೆಗಳನ್ನು ಹೊಂದಿದೆ, ನಂತರ ಘೋಷಿತ (ವಿಭಾಗ 4) ಅರಣ್ಯ (401.69 ಎಕರೆ), ಜಿಲ್ಲಾ ಅರಣ್ಯ (337 ಎಕರೆ) ಮತ್ತು ಉಳಿದವುಗಳನ್ನು ಇತರ ಭೂಪ್ರದೇಶವಾಗಿ ಘೋಷಿಸಲಾಗಿದೆ ಎಂದು ತಿಳಿಸಿದೆ. 711 ಎಕರೆಯಲ್ಲಿ ಹರಡಿರುವ ಕಾಡುಗೋಡಿ ಟ್ರೀ ಪಾರ್ಕ್ ಕುರಿತು ಇಲಾಖೆ ಮಾಹಿತಿ ಹಂಚಿಕೊಂಡಿಲ್ಲ.
ನೈಸರ್ಗಿಕ ಕಾಡುಗಳಿಗಿಂತ ಭಿನ್ನವಾಗಿ, #TreePark ಗಳು ಸಾಮಾನ್ಯವಾಗಿ ಮೂಲಭೂತ ಸೌಕರ್ಯಗಳ ಸ್ಥಾಪನೆಯನ್ನು ಒಳಗೊಂಡಿರುತ್ತವೆ, ಇದು ವಿರಾಮಕ್ಕಾಗಿ ಬರುವ ಜನರಿಗೆ ಅನುಕೂಲತೆ ಮತ್ತು ಸೌಕರ್ಯಗಳನ್ನು ಒದಗಿಸುವುದರ ಮೇಲೆ ಕೇಂದ್ರೀಕರಿಸುತ್ತದೆ. ಅಂದರೆ ಶೌಚಾಲಯಗಳು ಮತ್ತು ಸೈಕಲ್ ಟ್ರ್ಯಾಕ್ಗಳ ವ್ಯವಸ್ಥೆ ಇರುತ್ತದೆ.
ಅರಣ್ಯ ಜಾಗದಲ್ಲಿ ಬಿಡಿಎ ಕಾಂಪ್ಲೆಕ್ಸ್:”ವಾಸ್ತವವಾಗಿ ಇಂತಹ ಯೋಜನೆಗಳ ವಿರುದ್ಧ ಆರೋಪ ಕೇಳಿ ಬರುತ್ತಿದ್ದು, ಅರಣ್ಯ ಇಲಾಖೆಯ ಆಕ್ಷೇಪದ ನಡುವೆಯೂ ಬಿಡಿಎ ಉತ್ತರಹಳ್ಳಿಯ ಮಾನವತೆ ಕಾವಲ್ನಲ್ಲಿ 41 ಎಕರೆ ಗುಂಟಾ ಅರಣ್ಯದಿಂದ 15 ಎಕರೆ ಜಾಗದಲ್ಲಿ ಬಡಾವಣೆ ನಿರ್ಮಿಸಿತ್ತು, ಈ ಕುರಿತು ಹೈಕೋರ್ಟ್ ಮೆಟ್ಟಿಲೇರಬೇಕಿತ್ತು. ನ್ಯಾಯಾಲಯದ ಆದೇಶ ನಮ್ಮ ಪರವಾಗಿದ್ದು, ಭೂಮಿಯನ್ನು ಬಿಡಿಎ ಅರಣ್ಯಕ್ಕೆ ಹಿಂತಿರುಗಿಸಬೇಕಿತ್ತು,’’ ಎಂದು ಇಲಾಖೆಯ ಅಧಿಕಾರಿಯೊಬ್ಬರು ತಿಳಿಸಿದ್ದದಾರೆ.
ಭೂ ಬಳಕೆಯಲ್ಲಿನ ಬದಲಾವಣೆ, ವಿಶೇಷವಾಗಿ ನೈಸರ್ಗಿಕ ಪರಿಸರದಲ್ಲಿ ಮಾನವ-ವನ್ಯಜೀವಿ ಸಂಘರ್ಷಕ್ಕೆ ಪ್ರಾಥಮಿಕ ಕಾರಣವಾಗಿದೆ ಎಂದು ಅಧ್ಯಯನಗಳು ಸೂಚಿಸಿವೆ. ಮತ್ತು ಸಂಘರ್ಷ ಪೀಡಿತ ಜಿಲ್ಲೆಗಳಲ್ಲಿಯೂ ಸಹ, ನಾಲ್ಕು ಟ್ರೀ ಪಾರ್ಕ್ಗಳನ್ನು ರಚಿಸಲು ಅರಣ್ಯ ಭೂಮಿಯನ್ನು ಬಳಸಲಾಗಿದೆ. ಚಾಮರಾಜನಗರ, ಹಾಸನ ಮತ್ತಿತರ ಜಿಲ್ಲೆಗಳಲ್ಲಿ ಇದೇ ರೀತಿ ಅರಣ್ಯ ಪ್ರದೇಶಗಳು ಬಳಕೆಯಾಗಿವೆ ಎಂದು ಇಲಾಖೆಯ ತಿಳಿಸಿದೆ. ದರು. ನೈಸರ್ಗಿಕ ಅರಣ್ಯವನ್ನು ನಾವು ಸೃಷ್ಟಿಸಲು ಸಾಧ್ಯವಿಲ್ಲ. ಅರಣ್ಯ ಇಲಾಖೆ ಟ್ರೀ ಪಾರ್ಕ್ನಂತಹ ಯೋಜನೆಗಳನ್ನು ಕೊನೆಗೊಳಿಸಬೇಕಾಗಿದೆ” ಎಂದು ಅಧಿಕಾರಿ ತಿಳಿಸಿದ್ದಾರೆ.
