ಅಬುಧಾಬಿಯಲ್ಲಿ ಇಂಧನ ಟ್ಯಾಂಕರ್‌ಗಳ ಮೇಲೆ ಡ್ರೋನ್ ದಾಳಿ | ಇಬ್ಬರು ಭಾರತೀಯರು ಮೃತ |

ಅಬುಧಾಬಿ ರಾಷ್ಟ್ರೀಯ ತೈಲ ಕಂಪೆನಿಯ ಡಿಪೋಗಳ ಪೈಕಿ  ಮೂರು ಇಂಧನ ಟ್ಯಾಂಕ್‌ಗಳು ಸೋಮವಾರ ಡ್ರೋನ್ ದಾಳಿಯಿಂದ ಸ್ಫೋಟಗೊಂಡಿದೆ . ಇಬ್ಬರು ಭಾರತೀಯರು ಸೇರಿದಂತೆ ಮೂವರು ಮೃತಪಟ್ಟಿದ್ದು ಒಟ್ಟು 6 ಮಂದಿ ಗಂಭೀರ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಸರ್ಕಾರಿ ಸ್ವಾಮ್ಯದ ಕಂಪೆನಿ ಎಡಿಎನ್‌ಒಸಿಯ ಇಂಧನ ಟ್ಯಾಂಕರ್ ಬಳಿಯ ಮಿಸ್ಫಾ ಪ್ರದೇಶದಲ್ಲಿ ಇಂಧನ ಸಾಗಿಸುವ ಮೂರು ಟ್ಯಾಂಕರ್‌ಗಳ ಮೇಲೆ ದಾಳಿ ನಡೆದಿದೆ. ಈ ದಾಳಿಯಲ್ಲಿ ಒಟ್ಟು ಮೂವರು ನಾಗರಿಕರು ಸಾವನ್ನಪ್ಪಿದ್ದಾರೆ. ಮೃತರಲ್ಲಿ ಇಬ್ಬರು ಭಾರತೀಯರಾಗಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.ಸ್ಫೋಟದ ಕುರಿತಾದ ಪ್ರಾಥಮಿಕ ತನಿಖೆಯಲ್ಲಿ ಡ್ರೋನ್ ಹಾರಾಟ ಕಂಡುಬಂದಿದೆ ಎಂದು ಪೊಲೀಸ್ ಮೂಲಗಳು ವರದಿ ನೀಡಿದೆ.