ದೇಶದಲ್ಲಿ ಆಹಾರ ಉತ್ಪಾದನೆ ಹಾಗೂ ಮಾರುಕಟ್ಟೆಯ ಜೊತೆಗೆ ಇತ್ತೀಚೆಗೆ ಆಹಾರ ಸಂಸ್ಕರಣೆ ಮತ್ತು ಕಿರು ಆಹಾರ ಉದ್ಯಮಗಳ ಕಡೆಗೂ ಸರ್ಕಾರ ಹೆಚ್ಚಿನ ಆದ್ಯತೆ ನೀಡುತ್ತಿದೆ. ಈ ಹಿನ್ನೆಲೆಯಲ್ಲಿ ಅನುಕೂಲವಾಗಲು ಎಲ್ಲಾ ಪೋರ್ಟಲ್ ಒಳಗೊಂಡ ಒಂದೇ ಪೋರ್ಟಲ್ ಸರ್ಕಾರ ರಚನೆ ಮಾಡಿದೆ.
ಆಹಾರ ಸಂಸ್ಕರಣೆ ಮತ್ತು ಕೃಷಿ ಸಚಿವಾಲಯಗಳು ನಡೆಸುವ ವಿವಿಧ ಯೋಜನೆಗಳಿಗಾಗಿ ಸರ್ಕಾರವು ಜಂಟಿ ಒಂದೇ ಪೋರ್ಟಲ್ ಪ್ರಾರಂಭಿಸಿದೆ. ಕೃಷಿ ಸಚಿವಾಲಯ ಮತ್ತು ಆಹಾರ ಸಂಸ್ಕರಣಾ ಉದ್ಯಮಗಳ ಸಚಿವಾಲಯವು ಜಂಟಿಯಾಗಿ ಕೃಷಿ ಮೂಲಸೌಕರ್ಯ ನಿಧಿ (AIF), ಪ್ರಧಾನ ಮಂತ್ರಿ ಮೈಕ್ರೋ ಫುಡ್ ಪ್ರೊಸೆಸಿಂಗ್ ಎಂಟರ್‌ಪ್ರೈಸಸ್ (PMFME) ಯೋಜನೆ ಮತ್ತು ಪ್ರಧಾನ ಮಂತ್ರಿ ಕಿಸಾನ್ ಸಂಪದಾ ಯೋಜನೆ (PMKSY) ನಡುವೆ ಒಂದೇ ಪೋರ್ಟಲ್ ಪ್ರಾರಂಭಿಸಿದೆ. ದೇಶದ ಆಹಾರ ಸಂಸ್ಕರಣಾ ಉದ್ಯಮಗಳಿಗೆ ಪೋರ್ಟಲ್ ಅತ್ಯಂತ ನೆರವಾಗಲಿದೆ.
ಪ್ರಧಾನ ಮಂತ್ರಿ ಕಿಸಾನ್ ಸಂಪದಾ ಯೋಜನೆಯು ಆಹಾರ ಸಂಸ್ಕರಣಾ ಕೈಗಾರಿಕೆಗಳ ಸಚಿವಾಲಯದ ಕೇಂದ್ರ ವಲಯದ ಯೋಜನೆಯಾಗಿದ್ದು, ರೈತನಿಂದ ಚಿಲ್ಲರೆ ಮಾರಾಟದವರೆಗಿನ ಸಮರ್ಥ ಪೂರೈಕೆ ಸರಪಳಿ ನಿರ್ವಹಣೆಯೊಂದಿಗೆ ಆಧುನಿಕ ಮೂಲಸೌಕರ್ಯಗಳನ್ನು ಸೃಷ್ಟಿಸಲಾಗುತ್ತದೆ.
ಈ ಯೋಜನೆಯಡಿಯಲ್ಲಿ, ಸಾಮಾನ್ಯರಿಗೆ 35% ಅರ್ಹ ಯೋಜನಾ ವೆಚ್ಚದ ಅನುದಾನವನ್ನು ಮತ್ತು SC/ST ವಿಭಾಗದ ಜನರಿಗೆ 50% ಅನುದಾನವನ್ನು ಒದಗಿಸಲಾಗಿದೆ, ಆಯಾ ಉಪ-ಯೋಜನೆಯ ಪ್ರಕಾರ ಗರಿಷ್ಠ 5 ಕೋಟಿಯಿಂದ 15 ಕೋಟಿಗೆ ಒಳಪಟ್ಟಿರುತ್ತದೆ ನೆರವು ನೀಡಲಾಗುತ್ತದೆ.
