ಪುತ್ತೂರು: ಅಡಿಕೆ ಮಾರುಕಟ್ಟೆ ಒಮ್ಮೆಲೇ ಏರಿಕೆ ಕಂಡಿದೆ. ಹೊಸ ಅಡಿಕೆ , ಹಳೆ ಅಡಿಕೆ ಹಾಗೂ ಡಬ್ಬಲ್ ಚೋಲ್ ಧಾರಣೆಯಲ್ಲೂ ಏರಿಕೆಯಾಗಿದೆ.
ಈಗ ಅಧಿಕೃತವಾಗಿ 400 ರೂಪಾಯಿ ಧಾರಣೆಯನ್ನು ಅಡಿಕೆ ಕಂಡಿದೆ. ಹೊಸ ಅಡಿಕೆ 330 ರೂಪಾಯಿ, ಹಳೆ ಅಡಿಕೆ 400 ರೂಪಯಿ ಹಾಗೂ ಡಬ್ಬಲ್ ಚೋಲ್ 410 ರೂಪಾಯಿಗೆ ಏರಿಕೆಯಾಗಿದೆ.
ಗುರುವಾರ ಹೊಸ ಅಡಿಕೆ 300 ರೂಪಾಯಿ, ಹಳೆ ಅಡಿಕೆ 383 ರೂಪಯಿ ಹಾಗೂ ಡಬ್ಬಲ್ ಚೋಲ್ 400 ರೂಪಾಯಿ ಧಾರಣೆ ಇದ್ದರೆ ಶುಕ್ರವಾರ ಒಮ್ಮೆಲೇ ಧಾರಣೆ ಏರಿಕೆಯಾಗಿದೆ. ಹೊಸ ಅಡಿಕೆಗೆ 30 ರೂಪಾಯಿಯಷ್ಟು ಏರಿಕೆಯಾಗಿದೆ. ಇದುವರೆಗಿನ ದಾಖಲೆಗಳ ಪ್ರಕಾಋ ಈ ರೀತಿಯ ಏರಿಕೆ ಮೊದಲ ಬಾರಿಯಾಗಿದೆ. ಧಾರಣೆ ಏರಿಕೆಯಾಗುತ್ತಲೇ ಅಡಿಕೆ ಮಾರುಕಟ್ಟೆ ವಲಯದಲ್ಲಿ ಸಂಚಲನ ಮೂಡಿಸಿದೆ. ಕಳೆದ ಒಂದು ವಾರದಿಂದ ಖಾಸಗಿ ವಲಯದಲ್ಲಿ ಧಾರಣೆ ಏರಿಕೆಯಾಗುತ್ತಲೇ ಇತ್ತು. ಇದೀಗ ಕ್ಯಾಂಪ್ಕೋ ಕೂಡಾ ಧಾರಣೆ ಏರಿಕೆ ಮಾಡಿದೆ. ಈ ಮೂಲಕ ಅಧಿಕೃತವಾಗಿ ಸಾರ್ವಕಾಲಿಕ ದಾಖಲೆಯ ಧಾರಣೆ ಕಂಡಿದೆ. ಮುಂದೆ ಏರಿಕೆಯ ನಿರೀಕ್ಷೆ ಇದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಹೇಳುತ್ತಾರೆ. ಅಡಿಮೆ ಆಮದು ಆಗದೇ ಇದ್ದರೆ ಧಾರಣೆ ಏರಿಕೆ ನಿರೀಕ್ಷೆ ಮಾಡಲಾಗುತ್ತಿದೆ.