ಏರಿದ ಅಡಿಕೆ ಧಾರಣೆ | ಹಳೆ ಅಡಿಕೆ ಈಗ 560 ರೂಪಾಯಿ | ಹೊಸ ಅಡಿಕೆ ಧಾರಣೆಯಲ್ಲೂ ಏರಿಕೆ ನಿರೀಕ್ಷೆ |

ಅಡಿಕೆ ಧಾರಣೆಯಲ್ಲಿ ಮತ್ತೆ ಏರಿಕೆ ಕಂಡಿದೆ. ಹಳೆ ಅಡಿಕೆ ಧಾರಣೆಯಲ್ಲಿ ಮತ್ತೆ 5 ರೂಪಾಯಿ ಕ್ಯಾಂಪ್ಕೋ ಏರಿಕೆ ಮಾಡಿದೆ.   ಸದ್ಯ 560 ರೂಪಾಯಿಗೆ ಖರೀದಿ ನಡೆಯುತ್ತಿದೆ. ಖಾಸಗಿ ಮಾರುಕಟ್ಟೆಯಲ್ಲೂ ಅಡಿಕೆ ಧಾರಣೆ ಏರಿಕೆಯಾಗಿದ್ದು 565 ರೂಪಾಯಿಗೆ ಖರೀದಿ ನಡೆಸುವ ಬಗ್ಗೆ ದೂರವಾಣಿ ಕರೆಗಳು ಬರುತ್ತಿವೆ.

ಎರಡು ವಾರಗಳ ಹೊಸ ಅಡಿಕೆ ಧಾರಣೆಯಲ್ಲಿ  5 ರೂಪಾಯಿ ಕ್ಯಾಂಪ್ಕೋ ಏರಿಕೆ ಮಾಡಿತ್ತು. 445 ರೂಪಾಯಿಗೆ ಹೊಸ ಅಡಿಕೆ ಖರೀದಿ ನಡೆಯಿತು. ಅದಾದ ಬೆನ್ನಲ್ಲೇ ಹಳೆ ಅಡಿಕೆ ಧಾರಣೆಯಲ್ಲೂ ಏರಿಕೆ ಕಂಡಿತು. 555 ರೂಪಾಯಿಗೆ ಏರಿದ ಬಳಿಕ ಇದೀಗ ಮತ್ತೆ  5 ರೂಪಾಯಿ ಏರಿಕೆ ಕಂಡು 560 ರೂಪಾಯಿಗೆ ಮಾರುಕಟ್ಟೆ ಏರಿಕೆ ಕಂಡಿದೆ. ಧಾರಣೆ ಏರಿಕೆ ಬಳಿಕವೂ ಮಾರುಕಟ್ಟೆಗೆ ಹಳೆ ಅಡಿಕೆ ಪೂರೈಕೆ ಆಗುತ್ತಿಲ್ಲ. ಹೊಸ ಅಡಿಕೆಯೂ ಬೇಡಿಕೆಯಷ್ಟು ಪೂರೈಕೆ ಆಗುತ್ತಿಲ್ಲ. ಹೀಗಾಗಿ ಮತ್ತೆ ಹೊಸ ಅಡಿಕೆ ಧಾರಣೆಯೂ ಕೊಂಚ ಏರಿಕೆ ನಿರೀಕ್ಷೆ ಇದೆ.