Arecanut_Market | ಅಡಿಕೆಗೆ ಅಧಿಕೃತವಾಗಿ ತಲುಪಿತು ದಾಖಲೆ ಧಾರಣೆ | ಕ್ಯಾಂಪ್ಕೋ ಧಾರಣೆ 500 |

ಚಾಲಿ ಅಡಿಕೆ ದಾಖಲೆಯ ಧಾರಣೆ ಅಧಿಕೃತವಾಗಿ ದಾಖಲಾಯಿತು. ಅಡಿಕೆ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಚಾಲಿ ಅಡಿಕೆಯಲ್ಲಿ ಹೊಸ ಅಡಿಕೆ ಹಾಗೂ ಹಳೆ ಅಡಿಕೆ ಎರಡಕ್ಕೂ 500+ ಧಾರಣೆ ದಾಖಲೆಯಾಗಿದೆ. ಸೋಮವಾರ ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಚಾಲಿ ಹೊಸ ಅಡಿಕೆ 500 ರೂಪಾಯಿ ಹಾಗೂ ಹಳೆ ಅಡಿಕೆ 515 ರೂಪಾಯಿಗೆ ಖರೀದಿ ನಡೆಯುತ್ತಿದೆ. ಈ ಮೂಲಕ ಅಧಿಕೃತವಾಗಿ ಅಡಿಕೆ ಧಾರಣೆ 500 ರೂಪಾಯಿಗೆ ತಲುಪಿದೆ. ಬೆಳೆಗಾರರು ಈ ಮಾರುಕಟ್ಟೆ ಖುಷಿ ನೀಡಿದೆ. ಇನ್ನೆಷ್ಟು ಏರಿಕೆ ಎನ್ನುವುದಕ್ಕಿಂತಲೂ 500  ರೂಪಾಯಿಗೆ ಆಗಿದೆ ಎನ್ನುವುದರಲ್ಲಿ ಈಗಿನ ಮಾರುಕಟ್ಟೆಯಲ್ಲಿ ಖುಷಿ ಪಡುವುದು  ಉತ್ತಮವಾಗಿದೆ ಎನ್ನುವುದು  ಮಾರುಕಟ್ಟೆ ವಲಯದ ಅಭಿಪ್ರಾಯ.

ಇದೇ ವೇಳೆ ಖಾಸಗಿ ವಲಯದಲ್ಲಿ 505 ರಿಂದ 510  ರೂಪಾಯಿ ವರೆಗೆ ಹೊಸ ಅಡಿಕೆ ಹಾಗೂ 515 ರಿಂದ 520  ಹಳೆ ಅಡಿಕೆ ಖರೀದಿ ನಡೆಯುತ್ತಿದೆ.