Arecanut_Market_Update| ಅಡಿಕೆ ಧಾರಣೆ ಎರಡು ದಿನಗಳಿಂದ ಸ್ಥಿರ |

ಅಡಿಕೆ ಮಾರುಕಟ್ಟೆ ಕಳೆದ ಎರಡು ದಿನಗಳಿಂದ ಅಡಿಕೆ ಮಾರುಕಟ್ಟೆ ಸ್ಥಿರವಾಗಿದೆ. ಕಳೆದ ವಾರ ಇಡೀ ಏರಿಕೆಯ ಹಾದಿಯಲ್ಲಿಯೇ ಇದ್ದ ಮಾರುಕಟ್ಟೆ ಈ ವಾರ ಬಹುಪಾಲು ಸ್ಥಿರವಾಗಿಯೇ ಇರುವ ಲಕ್ಷಣಗಳು ಕಾಣಿಸಿವೆ. ಮಂಗಳವಾರ ಕ್ಯಾಂಪ್ಕೋ ತನ್ನ ಮಾರುಕಟ್ಟೆ ದರದಲ್ಲಿ  ಏರಿಕೆ ಮಾಡಿಲ್ಲ ಹೊಸ ಅಡಿಕೆ 500 ರೂಪಾಯಿ ಹಾಗೂ ಹಳೆ ಅಡಿಕೆ 515  ರೂಪಾಯಿಗೆ ಖರೀದಿ ಮಾಡಿದೆ. ಖಾಸಗಿ ವ್ಯಾಪಾರಿಗಳು ಕೂಡಾ ಇದೇ ಧಾರಣೆಯಲ್ಲಿ  ಇದ್ದಾರೆ. ಕೆಲವು ಕಡೆಗಳಲ್ಲಿ  ಮಾತ್ರವೇ ಖಾಸಗಿ ವ್ಯಾಪಾರಿಗಳು ಹೊಸ ಅಡಿಕೆಗೆ 505-510  ರೂಪಾಯಿವರೆಗೂ ಖರೀದಿ ಮಾಡುತ್ತಿದ್ದಾರೆ. ಹಳೆ ಅಡಿಕೆಯ ಖರೀದಿಯಲ್ಲಿ ಯಾವುದೇ ಏರಿಕೆ ಮಾಡಿಲ್ಲ. ಅಡಿಕೆ ಬೆಳೆಗಾರರು ಈ ವಾರದಿಂದ ನಿತ್ಯವೂ ಅಡಿಕೆ ಮಾರುಕಟ್ಟೆಯನ್ನು ಗಮನಿಸಿಕೊಳ್ಳುವುದು  ಉತ್ತಮ.