ದುಬಾರಿಯಾಗಲಿವೆ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನಗಳ ಬೆಲೆ

May 23, 2023

3:27 PM

ಮಿರರ್‌ ಡೆಸ್ಕ್

ಕಡಿಮೆ ಇಂಧನ ವೆಚ್ಚ ಹಾಗೂ ಪರಿಸರ ಸ್ನೇಹಿ ಎಂಬ ಕಾರಣಕ್ಕೆ ಇತ್ತೀಚೆಗೆ ಹೆಚ್ಚು ಜನಾಕರ್ಷಣೆ ಪಡೆಯುತ್ತಿರುವ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನಗಳು ಜೂ. 1ರಿಂದ ದುಬಾರಿಯಾಗಲಿವೆ.

ವಿದ್ಯುತ್‌ ಚಾಲಿತ ವಾಹನಗಳಿಗೆ ಉತ್ತೇಜನ ನೀಡುವ ‘ಫೇಮ್‌-2’ ಯೋಜನೆಯ ಸಬ್ಸಿಡಿಯನ್ನು ಕೇಂದ್ರ ಸರಕಾರವು ಪ್ರತಿ ಕಿಲೋವ್ಯಾಟ್‌ಗೆ 5,000 ರೂಪಾಯಿ ಕಡಿತಗೊಳಿಸಿ, ಜೂ. 1ರಿಂದ 10,000 ರೂಪಾಯಿ ನೀಡಲಿದೆ. ಮೊದಲು 15,000 ರೂ. ಸಬ್ಸಿಡಿ ಇತ್ತು. ಮಾತ್ರವಲ್ಲ, ಇ-ದ್ವಿಚಕ್ರ ವಾಹನಗಳ ಖರೀದಿಗೆ ನೀಡುತ್ತಿದ್ದ ಪ್ರೋತ್ಸಾಹ ಧನವನ್ನೂ ಸರಕಾರವು ಶೇ. 15ಕ್ಕೆ ಇಳಿಸಿದೆ. ಮೊದಲು ಶೇ. 40ರಷ್ಟು ಇನ್ಸೆಂಟಿವ್‌ ಅನ್ನು ನೀಡಲಾಗುತ್ತಿತ್ತು. ಈ ಪರಿಣಾಮ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನಗಳಿಗೆ ದುಬಾರಿಯಾಗಲಿವೆ.