ಇದ್ದಕ್ಕಿದ್ದ ಹಾಗೆ ಆಗಸದಿಂದ ನೆಲಕ್ಕೆ ಬಿದ್ದ ನೂರಾರು ಹಕ್ಕಿಗಳು: ವಿಡಿಯೋ ವೈರಲ್

ಹೃದಯ ವಿದ್ರಾವಕ ಘಟನೆಯೊಂದು ಮೆಕ್ಸಿಕೋದ ಕುವಾಹ್ಟೆಮೊಕ್ ನಗರದಲ್ಲಿ ನಡೆದಿದೆ. ನೂರಾರು ವಲಸೆ ಹಕ್ಕಿಗಳು ಇದ್ದಕ್ಕಿದ್ದಂತೆ ನೆಲದ ಮೇಲೆ ಬಿದ್ದಿದೆ. ಹಳದಿ ಬಣ್ಣದ ತಲೆಯುಳ್ಳ ಕಪ್ಪು ಹಕ್ಕಿಗಳ ಹಿಂಡು ಒಂದೇ ಸಲಕ್ಕೆ ನೆಲಕ್ಕೆ ಬಿದ್ದಿರುವ ವಿಡೀಯೋ ಸಿಸಿಟಿವಿ ಕ್ಯಾಮಾರಾದಲ್ಲಿ ಸೆರೆಯಾಗಿದೆ.

Advertisement

ಈ ವರ್ಷದ ಸಮಯದಲ್ಲಿ ಕೆನಡಾದಿಂದ ಮೆಕ್ಸಿಕೊಕ್ಕೆ ಪ್ರಯಾಣಿಸುವ ಈ ಹಲವಾರು ವಲಸೆ ಹಕ್ಕಿಗಳು, ಫೆಬ್ರವರಿ 7-2022 ರಂದು ಕ್ವಾಹ್ಟೆಮೊಕ್‌ನ ರಸ್ತೆಗಳಲ್ಲಿ ಮತ್ತು ಪಾದಚಾರಿ ಮಾರ್ಗಗಳಲ್ಲಿ ಸತ್ತು ಬಿದ್ದಿರುವುದನ್ನು ಸ್ಥಳಿಯರು ಗುರುತಿಸಿದ್ದಾರೆ ಎಂದು ಮೆಕ್ಸಿಕನ್ ಪತ್ರಿಕೆ ಎಲ್ ಹೆರಾಲ್ಡೊಡಿ ಚಿಹುವಾಹುವಾದಲ್ಲಿ ವರದಿಯಾಗಿದೆ.

ಹಠಾತ್ ವಿದ್ಯುದಾಘಾತದಿಂದ ಸಾವು ಸಂಭವಿಸಿರಬಹುದು ಎಂದು ಪಶುವೈದ್ಯರು ಉಲ್ಲೇಖಿಸಿದ್ದಾರೆ. ಅಲ್ಲದೆ 100 ಕ್ಕೂ ಹೆಚ್ಚು ಪಕ್ಷಿಗಳ ಮೃತದೇಹ ದೊರಕಿದೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ. 5ಜಿ ತಂತ್ರಜ್ಞಾನವೇ ಈ ರೀತಿ ಪಕ್ಷಿಗಳ ಮಾರಣಹೋಮ ನಡೆಯಲು ಕಾರಣ ಎಂದು ಹಲವಾರು ದೂರಿದ್ದಾರೆ.