ಬ್ರೆಜಿಲ್‌ನಲ್ಲಿ ದೋಣಿಗಳ ಮೇಲೆ ಕುಸಿದ ಬಂಡೆಯ ಗೋಡೆ | ಏಳು ಮಂದಿ ಸಾವು ಒಂಬತ್ತು ಮಂದಿಗೆ ಗಂಭೀರ |

January 9, 2022

10:33 PM

ಮಿರರ್‌ ಡೆಸ್ಕ್‌

ಆಗ್ನೇಯ ಬ್ರೆಜಿಲ್‌ನಲ್ಲಿ ಶನಿವಾರಂದು ಜಲಪಾತದ ಕೆಳಗೆ ಬಂಡೆಯ ಗೋಡೆಯೊಂದು ವಾಟಾರ್‌ಬೋಟ್‌ಗಳ ಮೇಲೆ ಕುಸಿದು ಬಿದ್ದು ಕನಿಷ್ಠ ಏಳು ಜನರು ಸಾವನ್ನಪ್ಪಿದ್ದಾರೆ ಮತ್ತು ಒಂಬತ್ತು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇನ್ನೂ 23 ಮಂದಿಗೆ ಲಘು ಗಾಯಗಳಾಗಿ ಚಿಕಿತ್ಸೆ ನೀಡಲಾಗಿದೆ ಎಂದು ಅಲ್ಲಿನ ಅಗ್ನಿಶಾಮಕ ಇಲಾಖೆ ಹೇಳಿದೆ.

ಈ ಪ್ರದೇಶದಲ್ಲಿ ಎರಡು ವಾರಗಳಿಂದ ಭಾರೀ ಮಳೆಯಾಗಿದ್ದು, ಇದರಿಂದ ಬಂಡೆಯ ಮುಖಗಳು ಸಡಿಲಗೊಂಡು ಈ ಅಫಾಘತವೂ ಸಂಭವಿಸಿದೆ. ಘಟನಾ ಸ್ಥಳದಲ್ಲಿ ಮುಳುಗುಗಾರರು ಶೋಧನಾ ಕಾರ್ಯ ನಡೆಸಿದ್ದಾರೆ. ಮೂವರು ಪತ್ತೆಯಾಗಿದ್ದು, ಇನ್ನೂ ಕಾಣೆಯಾದವರಿಗಾಗಿ ಕಾರ್ಯ ಮುಂದುವರೆದಿದೆ ಎಂದು ಅಗ್ನಿಶಾಮಕ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.