ಚಿಲಿಪಿಲಿ | ಹೂವಿನ ಹಕ್ಕಿಯ ಬಣ್ಣದ ಲೋಕದಲ್ಲಿ ಕಪ್ಪು ಸೂರಕ್ಕಿ

ಬೆಳಗ್ಗೆ  ಗರಿಕೆ ಕೊಯ್ಯಲು ಕೆಳಗೆ ಬಗ್ಗುತ್ತಿದ್ದಂತೆ  ಕಿವಿಯ ಪಕ್ಕದಲ್ಲೇನೋ  ಹಾರಿದಂತಾಯಿತು. ಅದೇನೆಂದು ನೋಡಿದಾಗ  ದಾಸವಾಳ ಹೂವಿನ ಗಿಡದಿಂದ ಹಾರಿದ ಪುಟ್ಟ ಕಪ್ಪು ಹಕ್ಕಿ.  ಚೂಪಾಗಿ ಬಗ್ಗಿರುವ ಕೊಕ್ಕಿನ  ಮಿರುಗುವ  ಹಸಿರು ಮಿಶ್ರಿತ ಕಪ್ಪು   ಸೂರಕ್ಕಿ. ಹೂವಿನ ಹಕ್ಕಿಯೆಂದೇ ಗುರುತಿಸ್ಪಡುತ್ತದೆ. ಕಮಾನಿನಂತೆ ಬಾಗಿರುವ ಕೊಕ್ಕು  ಈ ಹಕ್ಕಿಯ‌ ಪ್ರಮುಖ ಆಕರ್ಷಣೆ.

ಈ ಹಕ್ಕಿ ತನ್ನ ಉದ್ದನೆಯ ಕೊಕ್ಕಿನಿಂದ  ಸ್ಟ್ರಾ ದಂತೆ ಹೂವಿನೊಳಗಿನಿಂದ ಮಕರಂದವನ್ನು ಹೀರುತ್ತವೆ.  ಹಾಗಾಗಿ ಹೂ ಅರಳುವ ಸಮಯದಲ್ಲಿ ತೋಟದಲ್ಲಿ ಈ ಹಕ್ಕಿಗಳದ್ದೇ ಪಾರುಪತ್ಯ.  ಮಕರಂದದೊಂದಿಗೆ ,ಜೇಡ, ಕೀಟಗಳೂ ಇವುಗಳ ಆಹಾರವಾಗಿವೆ.  ಪ್ರಪಂಚದಾದ್ಯಂತ 130 ಜಾತಿಯ ಸೂರಕ್ಕಿಗಳನ್ನು ಗುರುತಿಸಲಾಗಿದೆ.