ರೆಡ್ ವುಡ್ಸ್ ಖ್ಯಾತಿ ಪಡೆಯಲು ಅದರದೇ ಅನೇಕ ವಿಶೇಷತೆಗಳನ್ನು ಹೊಂದಿದೆ. ಜಗತ್ತಿನಲ್ಲೇ ಅತಿ ಹಿರಿಯ ಮತ್ತು ಅತಿ ಎತ್ತರದ ” Living thing / ಸಜೀವ ವಸ್ತು” ಅಂತ ಹೇಳಲಾಗುವ ಕೋಸ್ಟ್ ರೆಡ್ ವುಡ್ ಮರ, ಎರಡು ಸಾವಿರ ವರ್ಷ ಬದುಕಬಲ್ಲದು, 380 ಅಡಿ ಎತ್ತರ ಬೆಳೆಯಬಲ್ಲದು. ಮರದ ಬುಡ, ತನ್ನ ಪರಿಧಿಯನ್ನು ಇಪ್ಪತ್ತೈದು ಅಡಿಗಳಷ್ಟು ವಿಸ್ತರಿಸಬಲ್ಲದು.
ದಕ್ಷಿಣ ಕ್ಯಾಲಿಫೋರ್ನಿಯಾದ ಸಮುದ್ರ ತೀರದಲ್ಲಿ ಹಬ್ಬಿರುವ ಈ ಮರದ ಕಾಡು, ಅದೆಷ್ಟೋ ಶತಶತಮಾನಗಳ ಘಟನೆಗಳಿಗೆ ಸಾಕ್ಷಿಯಾಗಿ ನಿಂತಿದೆ. ವಿಶೇಷವಾಗಿ ಕರಾವಳಿ ರೆಡ್ವುಡ್ಗಳು ಅಥವಾ ಸಿಕ್ವೊಯಾ ಸೆಂಪರ್ವೈರೆನ್ಸ್, ಗ್ರಹದ ಅತಿ ಎತ್ತರದ ಮರಗಳಾಗಿವೆ. ಅವರು ಸುಮಾರು 400 ಅಡಿಗಳಷ್ಟು ಎತ್ತರವನ್ನು ತಲುಪಬಹುದು, ಇದು 37-ಅಂತಸ್ತಿನ ಗಗನಚುಂಬಿ ಕಟ್ಟಡಕ್ಕೆ ಸರಿಸುಮಾರು ಸಮನಾಗಿರುತ್ತದೆ-ಎಷ್ಟು ಎತ್ತರವಾಗಿದೆ ಅಂದರೆ, ರೆಡ್ ವುಡ್ ಮರದ ಕೆಳಗೆ ನಿಂತರೆ, ಇಡೀ ದಿನ ಪ್ರಯತ್ನಿಸಿದರು ಸ್ಪಷ್ಟವಾಗಿ ಮೇಲ್ಭಾಗವನ್ನು ನೋಡಲಾಗುವುದಿಲ್ಲ.
ಬರೀ ಹತ್ತು, ಹೆಚ್ಚೆಂದರೆ ಇಪ್ಪತ್ತು ಅಡಿ ಆಳಕ್ಕೆ ಬೇರು ಇಳಿಸುವ ಈ ಮರ, ಅಂಥ ಅಗಾಧವಾದ ದೈತ್ಯ ದೇಹವನ್ನು ಹೊರುವುದು ಹೇಗೆ? ಆಳವಿಲ್ಲದ ಬೇರುಗಳಿಲ್ಲದಿದ್ದರೂ ಅಷ್ಟೆತ್ತರ ಬೆಳೆದು ನಿಲ್ಲುವುದು ಹೇಗೆ? ಅಷ್ಟೆಲ್ಲ ವರ್ಷ ಬದುಕುವುದು ಹೇಗೆ?
ರೆಡ್ ವುಡ್ ಮರದ ತೊಗಟೆಯೇ ಸುಮಾರು ಒಂದು ಅಡಿಯಷ್ಟು ದಪ್ಪವಿದ್ದು, ಅದರಲ್ಲಿರುವ ಟೆನಿನ್ ಎಂಬ ಜೀವದ್ರವ, ಕೀಟಗಳು ಕೊರೆಯದಂತೇ, ಬೆಂಕಿ ಸುಡದಂತೇ, ರೆಂಬೆಗಳು ಮುರಿಯದಂತೇ ತೊಗಟೆಯನ್ನು ಗಟ್ಟಿಯಾಗಿಸುತ್ತದೆ. ಅತಿಹೆಚ್ಚು ತೇವಾಂಶವಿರುವ ಕಾಂಡಗಳಿರುವ ಕಾರಣ ಕಾಡ್ಗಿಚ್ಚೂ ಸುಡಲಾರದ ಮರವಿದು. ಜೊತೆಗೆ ಮರಗಳಲ್ಲೆಲ್ಲ, ಅತಿ ಹೆಚ್ಚು ಕಾರ್ಬನ್ ಡೈ ಆಕ್ಸೈಡ್ ಹೀರುವ ಮರವಾಗಿದ್ದು, ಗ್ಲೋಬಲ್ ವಾರ್ಮಿಂಗ್ ನ ಸಂದರ್ಭದಲ್ಲಿ ಇದರ ಉಪಯುಕ್ತತೆ ಅಪಾರ. ಎತ್ತರದಲ್ಲಿ ಮಾತ್ರ ಗೂಡು ಕಟ್ಟಿ ಮರಿ ಮಾಡಬಲ್ಲ ಹತ್ತು ಹಲವು ಪಕ್ಷಿಗಳಿಗೆ, ತವರು ಈ ಮರ!
ಇದು ತುಂಬ ತುಂಬ ವಿಶೇಷ ನೋಡಿ! : ರೆಡ್ ವುಡ್ ಮರದ ಬೇರುಗಳು ಮೇಲ್ಮುಖವಾಗಿ ಬೆಳೆದು, ಇನ್ನೊಂದು ರೆಡ್ ವುಡ್ ಮರದ ಬೇರಿಗೋಸ್ಕರ ನೂರಾರು ಮೀಟರ್, ನೆಲದೊಳಗೇ ಹಬ್ಬಿ ಹುಡುಕುತ್ತವೆ. ಸಿಕ್ಕ ಬೇರುಗಳನ್ನು ಗಟ್ಟಿಯಾಗಿ ಒಂದಕ್ಕೊಂದು ಹೆಣೆದುಕೊಳ್ಳುತ್ತವೆ. ಭೂಮಿಯಡಿಯಲ್ಲಿ ಬೇರುಗಳ ಜಾಲ ಹರಡಿ, ಪ್ರತೀ ಮರವೂ ಇನ್ನೊಂದು ಮರಕ್ಕೆ ಆಧಾರವಾಗಿ ನಿಲ್ಲುತ್ತದೆ. ಪುಟ್ಟ ಸಸಿಗಳನ್ನೂ ತಮ್ಮ ಬೇರಿನೊಳಕ್ಕೆ ಬೆಸೆದುಕೊಂಡು, ಅವೂ ತಮ್ಮಂತೇ ಬೆಳೆಯಲು ಉತ್ತೇಜಿಸುತ್ತವೆ. ಒಂದರೊಟ್ಟಿಗೇ ಇನ್ನೊಂದೂ ಮುಗಿಲೆತ್ತರಕ್ಕೆ ಬೆಳೆದು, ರೆಡ್ ವುಡ್ ಛಾವಣಿಯಾಗಿ ಹರಡುತ್ತವೆ.
ಚಿಕ್ಕ ವಯಸ್ಸಿನ ಕುಕನೂರಿನ ಶಿವಾನಂದ ಕ್ರಿಕೆಟ್ ಫೀಲ್ಡಿಂಗ್ ಮಾಡುತ್ತಿದ್ದ. ಚಂಡು ಕಳ್ಳಿಯ ಪೊದೆಯಲ್ಲಿ…
ಬಹುತೇಕ ಕೊಳೆತು ಮಣ್ಣುಪಾಲಾಗುವ ಗೇರುಹಣ್ಣಿಗೂ(Cashew fruit) ಮೌಲ್ಯವಿದೆ. ಆದರೆ ಮೌಲ್ಯವರ್ಧನೆ(Value addition) ಮಾಡಿದಾಗ ಮಾತ್ರ!…
ಬಿದಿರು(Bamboo) ನಾನಾರಿಗಲ್ಲದವಳು ಎಂಬ ಸಂತ ಶಿಶುನಾಳ ಶರೀಪರ(Shishunala Sharifa) ಹಾಡನ್ನು ನೀವು ಕೇಳಿರುತ್ತೀರಿ.…
ಇಂದು ಮೊಬೈಲ್ ಫೋನ್(Mobile Phone) ಪ್ರತಿಯೊಬ್ಬರ ಜೀವನದ ಅವಿಭಾಜ್ಯ ಅಂಗವಾಗಿದೆ. ಫೋನ್ ಅನ್ನು…
ಕಳೆದ ಬಾರಿ ಕೆಂಪು ಮೆಣಸಿನಕಾಯಿ(Red chilli) ಬೆಲೆ(Price hike) ಗಗನಕ್ಕೇರಿತ್ತು. ಈ ಬಾರಿ…
ಈಗಿನ ಪ್ರಕಾರ ಮುಂದಿನ 10 ದಿನಗಳವರೆಗೂ ರಾಜ್ಯದ ಅಲ್ಲಲ್ಲಿ ಮಳೆ ಮುಂದುವರಿಯುವ ಲಕ್ಷಣಗಳಿವೆ.