ಕ್ಷಣದಿಂದ ಕ್ಷಣಕ್ಕೆ ಹದಗೆಡುತ್ತಿದೆ ದೆಹಲಿಯ ಗಾಳಿ : ಗರ್ಭದಲ್ಲಿರೋ ಮಗುವಿಗೂ ಅಪಾಯ : 30 ಸಿಗರೇಟ್‌ನ ಹೊಗೆಯಷ್ಟು ವಿಷಕಾರಿಯಾಗಿದೆ ವಾತಾವರಣ

ಇದು ರಾಷ್ಟ್ರ ರಾಜಧಾನಿ. ದೇಶದ ಬಹುತೇಕ ರಾಜಕೀಯ ಚಟುವಟಿಕೆ, ಆಡಳಿತ ನಡೆಯೋದು, ಸಂಸತ್ತೇ ಅಲ್ಲಿದೆ. ಆದರೆ ಅಲ್ಲಿನ ವಾತಾವರಣ ದೇವರಿಗೇ ಪ್ರೀತಿ. ದೆಹಲಿಯ(Delhi) ವಾತಾವರಣ (Weather) ಕ್ಷಣದಿಂದ ಕ್ಷಣಕ್ಕೆ ಹದಗೆಡುತ್ತಿದೆ. ಕೇಂದ್ರೀಯ ಮಾಲಿನ್ಯ ನಿಯಂತ್ರಣ ಮಂಡಳಿ (CPCB) ನೀಡಿದ ಮಾಹಿತಿ ಪ್ರಕಾರ ದೆಹಲಿಯ ಒಟ್ಟಾರೆ ವಾಯು ಗುಣಮಟ್ಟ ಸೂಚ್ಯಂಕ (AQI) ತೀವ್ರವಾಗಿ ಇಳಿಕೆ ಕಂಡಿದೆ.

ರಾಷ್ಟ್ರೀಯ ರಾಜಧಾನಿ ಪ್ರದೇಶದ (NCR) ಇತರ ಭಾಗಗಳಲ್ಲಿನ ಗಾಳಿಯ ಗುಣಮಟ್ಟವು ದೆಹಲಿಯಂತೆಯೇ ಇಳಿಕೆ ಕಂಡಿದೆ ಎನ್ನಲಾಗಿದೆ. ಈ ಮಧ್ಯೆ ದೆಹಲಿ ಹಾಗೂ ಸುತ್ತಮುತ್ತಲಿನ ಗಾಳಿಯಲ್ಲಿನ ವಿಷ ಪ್ರಮಾಣದ ಬಗ್ಗೆ ಮೇದಾಂತ ಆಸ್ಪತ್ರೆಯ ಹಿರಿಯ ಶ್ವಾಸಕೋಶ ತಜ್ಞ ಡಾ.ಅರವಿಂದ್ ಕುಮಾರ್ ಆಘಾತಕಾರಿ ಮಾಹಿತಿ ನೀಡಿದ್ದಾರೆ. ದೆಹಲಿ ಹಾಗೂ ಅದರ ಸುತ್ತಮುತ್ತಲಿನ ಪ್ರದೇಶಗಳ ವಾಯುಮಾಲಿನ್ಯದ ಕುರಿತು ಮೇದಾಂತ ಆಸ್ಪತ್ರೆಯ ಹಿರಿಯ ಶ್ವಾಸಕೋಶ ತಜ್ಞ ಡಾ. ಅರವಿಂದ್ ಕುಮಾರ್ ಅವರು ಆಘಾತಕಾರಿ ಮಾಹಿತಿ ನೀಡಿದ್ದಾರೆ. ಎಲ್ಲ ವಯೋಮಾನದವರ ಮೇಲೂ ವಾಯು ಮಾಲಿನ್ಯದಿಂದ ಪ್ರತಿಕೂಲ ಪರಿಣಾಮ ಉಂಟಾಗುತ್ತಿದೆ ಎಂದಿದ್ದಾರೆ.

ಹುಟ್ಟಲಿರುವ ಮಗುವಿನ ಮೇಲೂ ವಾಯುಮಾಲಿನ್ಯದ ಪರಿಣಾಮ: ಹೌದು, ಹುಟ್ಟಲಿರುವ ಮಗುವಿನ ಮೇಲೂ ವಾಯುಮಾಲಿನ್ಯದ ಪರಿಣಾಮ ಉಂಟಾಗುತ್ತಿದೆಯಂತೆ. ಮಗು ಉಸಿರಾಡದ ಕಾರಣ ಹುಟ್ಟಲಿರುವ ಮಗುವಿಗೆ ಹೇಗೆ ತೊಂದರೆಯಾಗುತ್ತದೆ ಎಂದು ನೀವು ಆಶ್ಚರ್ಯಪಡಬಹುದು. ಆದರೆ ಆ ಮಗುವಿನ ತಾಯಿ ಉಸಿರಾಟದಿಂದ ಮಗುವಿಗೆ ಅಪಾಯ ಬರುತ್ತಿದೆಯಂತೆ. ಜೀವಾಣುಗಳು ಅವಳ ಶ್ವಾಸಕೋಶಕ್ಕೆ ಹೋಗುತ್ತವೆ; ಶ್ವಾಸಕೋಶದ ಮೂಲಕ ಅವು ರಕ್ತಕ್ಕೆ ಹೋಗುತ್ತವೆ ಮತ್ತು ಆ ಮೂಲಕ ಅವು ಭ್ರೂಣವನ್ನು ತಲುಪಿ ಹಾನಿಯನ್ನುಂಟುಮಾಡುತ್ತವೆ ಎಂದಿದ್ದಾರೆ.

30 ಸಿಗರೇಟ್‌ನಷ್ಟು ವಿಷಕಾರಿಯಾಗಿದೆ ಗಾಳಿ..! : ಮಗು ಜನಿಸಿದಾಗ ಅದು ಉಸಿರಾಡಲು ಪ್ರಾರಂಭಿಸುತ್ತಾರೆ. ಆದರೆ ದೆಹಲಿ ಸುತ್ತಮುತ್ತಲಿನ ಗಾಳಿಯ ಗುಣಮಟ್ಟವು ಸುಮಾರು 450-500 ಆಗಿದೆ, ಇದು ದೇಹಕ್ಕೆ ಹಾನಿಯ ವಿಷಯದಲ್ಲಿ ಸುಮಾರು 25-30 ಸಿಗರೇಟ್‌ಗಳಿಗೆ ಸಮನಾಗಿರುತ್ತದೆ ಅಂತ ವೈದ್ಯರು ಎಚ್ಚರಿಸಿದ್ದಾರೆ.

ಎಷ್ಟಿದೆ ಗಾಳಿ ಗುಣಮಟ್ಟ?: AQI ಘಾಜಿಯಾಬಾದ್‌ನಲ್ಲಿ 377, ಗ್ರೇಟರ್ ನೋಯ್ಡಾದಲ್ಲಿ 490, ಫರಿದಾಬಾದ್‌ನಲ್ಲಿ 449 ಮತ್ತು ಗುರುಗ್ರಾಮ್‌ನಲ್ಲಿ 392 ದಾಖಲಾಗಿದೆ. ಸೊನ್ನೆ ಮತ್ತು 50 ರ ನಡುವಿನ AQI ‘ಉತ್ತಮ’, 51 ರಿಂದ 100 ‘ತೃಪ್ತಿದಾಯಕ’, 101 ರಿಂದ 200 ‘ಮಧ್ಯಮ’, 201 ರಿಂದ 300 ‘ಕಳಪೆ’, 301 ರಿಂದ 400 ‘ಅತ್ಯಂತ ಕಳಪೆ’ ಮತ್ತು 401 ರಿಂದ 500 ‘ಕಳಪೆ’ ‘ಗಂಭೀರ’ ಎಂದು ಪರಿಗಣಿಸಲಾಗಿದೆ.

ತೀವ್ರವಾಗಿದೆ ವಾಯುಮಾಲಿನ್ಯ!: ದೆಹಲಿಯ ಇತರ ಪ್ರದೇಶಗಳಲ್ಲಿ ವಾಯು ಮಾಲಿನ್ಯವು ತುಂಬಾ ‘ತೀವ್ರ’ವಾಗಿದೆ.  ಕೇಂದ್ರೀಯ ಮಾಲಿನ್ಯ ನಿಯಂತ್ರಣ ಮಂಡಳಿ (CPCB) ಪ್ರಕಾರ, AQI 453 ಡಾ. ಕರ್ಣಿ ಸಿಂಗ್ ಶೂಟಿಂಗ್ ರೇಂಜ್ ಮತ್ತು ಶಾದಿಪುರದಲ್ಲಿ ದಾಖಲಾಗಿದೆ. ಆನಂದ್ ವಿಹಾರ್‌ನಲ್ಲಿ 448, ವಜೀರ್‌ಪುರದಲ್ಲಿ 442, ಪಂಜಾಬಿ ಬಾಗ್‌ನಲ್ಲಿ 435, ಬವಾನಾದಲ್ಲಿ 434, ಓಖ್ಲಾದಲ್ಲಿ 432 ಮತ್ತು ಆರ್‌ಕೆ ಪುರಂನಲ್ಲಿ 431 ಎಕ್ಯೂಐ ದಾಖಲಾಗಿದೆ.

The weather of Delhi is getting worse by the minute. According to the Central Pollution Control Board (CPCB) data, Delhi's overall Air Quality Index (AQI) has dropped sharply. The air quality in other parts of the National Capital Region (NCR) is said to have deteriorated similar to that of Delhi. In the meantime, Dr. Arvind Kumar, Senior Pulmonologist of Medanta Hospital, has given shocking information about the amount of poison in the air in Delhi and its surroundings.

- ಅಂತರ್ಜಾಲ ಮಾಹಿತಿ