ಅತೀ ಹೆಚ್ಚು ಹಾವುಗಳಿರುವ ವಿಶ್ವದ 10 ದೇಶಗಳು ಯಾವೆಲ್ಲಾ ನಿಮಗೆ ಗೊತ್ತಿದೆಯೇ?

January 6, 2026

6:57 AM

ರೂರಲ್‌ ಮಿರರ್ ಸುದ್ದಿಜಾಲ

ಹಾವುಗಳು ಎಂದರೆ ಎಲ್ಲರಿಗೂ ಹೆದರಿಕೆ. ನಮ್ಮ ದೇಶದಲ್ಲಿ ಹಾವು ಅಂದರೆ ಎಷ್ಟೂ ಹೆದರುತ್ತೇವೋ ಅಷ್ಟೇ ಪೂಜಿಸುತ್ತೇವೆ ಕೂಡಾ. ಹಾವು ಅಂದ ಕೂಡಲೇ ಎಲ್ಲವೂ ಅಪಾಯಕಾರಿಯಲ್ಲ. ಒಂದು ರೀತಿಯಲ್ಲಿ ಹೇಳುವುದಾದರೆ ಹಾವುಗಳು ಇಲಿಗಳ ಸಂಖ್ಯೆಯನ್ನು ನಿಯಂತ್ರಿಸುವ ಮೂಲಕ ಪರಿಸರದ ಸಮತೋಲನವನ್ನು ಕಾಯ್ದುಕೊಳ್ಳುತ್ತದೆ. ಹಾವುಗಳು ಇಲ್ಲದಿದ್ದರೆ ಇಲಿಗಳ ಸಂಖ್ಯೆ ಹೆಚ್ಚಾಗಲೂ ಬಹುದು. ಹಾವುಗಳನ್ನು ಪ್ರಕೃತಿಯ ಒಂದು ಭಾಗವಾಗಿ ನೋಡುವುದು ಈಗ ಉತ್ತಮ ಎಂದು ಪರಿಸರ ವಿಜ್ಞಾನಿಗಳು ಹೇಳುತ್ತಾರೆ.

ಒಟ್ಟಾರೆಯಾಗಿ ಹೇಳುವುದಾರೆ, ನಮ್ಮ ಜಗತ್ತಿನಲ್ಲಿ ಕೇವಲ 600 ಹಾವುಗಳು ಮಾತ್ರ ವಿಷಪೂರಿತವಾಗಿದ್ದು, ಆದರಲ್ಲಿ 200 ಜಾತಿಯ ಹಾವುಗಳು ಮಾತ್ರ ಮನುಷ್ಯರಿಗೆ ಗಂಭೀರ ಅಪಾಯವನ್ನು ಉಂಟುಮಾಡುತ್ತದೆ. ಸಂಶೋಧಕರ ಪ್ರಕಾರ ಜೀವವೈವಿಧ್ಯದ ಮಾಹಿತು ಆಧಾರದ ಮೇಲೆ, ಅತಿ ಹೆಚ್ಚು ಹಾವುಗಳ ತಳಿಗಳನ್ನು ಹೊಂದಿರುವ ದೇಶಗಳ ಪಟ್ಟಿ ಈ ಕೆಳಗಿನಂತಿವೆ:

ಮೆಕ್ಸಿಕೋ: 438 ಜಾತಿಯ ಹಾವುಗಳು
ಬ್ರೆಜಿಲ್: 420 ವಿವಿಧ ಹಾವುಗಳು
ಇಂಡೋನೇಷ್ಯಾ: 376 ಜಾತಿಯ ಹಾವುಗಳು
ಭಾರತ: 305 ಜಾತಿಯ ಹಾವುಗಳು
ಕೊಲಂಬಿಯಾ: 301 ಜಾತಿಯ ಹಾವುಗಳು
ಚೀನಾ: 246 ಜಾತಿಯ ಹಾವುಗಳು
ಈಕ್ವೇಡಾ: 241 ಜಾತಿಯ ಹಾವುಗಳು
ವಿಯೆಟ್ನಾಂ: 226 ಜಾತಿಯ ಹಾವುಗಳು
ಮಲೇಷ್ಯಾ: 216 ಜಾತಿಯ ಹಾವುಗಳು
ಆಸ್ಟ್ರೇಲಿಯಾ: 215 ಜಾತಿಯ ಹಾವುಗಳು.