ನಾಯಿಗಳಿಗೆ ಹರಡುತ್ತಿವೆ ಮೆದುಳು ಜ್ವರ | ಕರಾವಳಿ ಜಿಲ್ಲೆಗಳಲ್ಲಿ ಇರಲಿ ಎಚ್ಚರ |

ನಾಯಿಗಳಿಗೆ ಜ್ವರ ಹಾಗೂ ಲಿವರ್‌ ಸೋಂಕು ಸಂಬಂಧಿತ ಜ್ವರ ಹೆಚ್ಚಾಗಿ ಕಾಣಿಸಲಾರಂಭಿಸಿದೆ. ಈಗಾಗಲೇ ಮಂಗಳೂರು ಸೇರಿದಂತೆ ವಿವಿಧ ಕಡೆಗಳಲ್ಲಿ ನಾಯಿಗಳಿಗೆ ಜ್ವರಬಾಧೆ ಕಾಣಿಸಿಕೊಂಡಿದೆ. ಮೆದುಳು ಜ್ವರ ಆರಂಭವಾದರೆ ನಾಯಿಗಳು ಬಹುಪಾಲು ಸಾವನ್ನಪ್ಪುತ್ತದೆ. ಹೀಗಾಗಿ ಎಚ್ಚರಿಕೆ ಅಗತ್ಯವಾಗಿದೆ.

Advertisement

ನಾಯಿಗಳ ಮೆದುಳು ಜ್ವರ ಲಕ್ಷಣದ ಸಾಂಕ್ರಾಮಿಕ ರೋಗವಾಗಿದೆ. ʼಕ್ಯಾನೈನ್‌ ಡಿಸ್ಟೆಂಪರ್‌’ ಹೆಸರಿನ ಈ ಜ್ವರ ಬಂದರೆ ನಾಯಿಗಳು ಬದುಕುಳಿಯುವುದು ಕಷ್ಟವಾಗಿದೆ. ಒಂದು ನಾಯಿಯಿಂದ ಮತ್ತೊಂದು ನಾಯಿಗೆ ಗಾಳಿಯ ಮೂಲಕ ಈ ಹರಡುವ ಈ ಕಾಯಿಲೆಗೆ ಸೂಕ್ತ ಲಿಸಿಕೆ ಇಲ್ಲ. ಜ್ವರ ಬರುವ ಮುನ್ನವೇ ಮುಂಜಾಗ್ರತಾ ಲಸಿಕೆ ಹಾಕಿಕೊಳ್ಳುವುದೇ ಸೂಕ್ತವಾದ ಪರಿಹಾರವಾಗಿದೆ. ನಾಯಿಗಳಿಗೆ ವರ್ಷಂಪ್ರತಿ ಲಸಿಕೆ ಹಾಕುವ ಮೂಲಕ ಈ ರೋಗ ಬಾರದಂತೆ ತಡೆಗಟ್ಟಬಹುದು.