`ಶುಗರ್ ಫ್ರೀ’(Sugar Free) ಎಂಬ ಹೆಸರಿನಲ್ಲಿ ಕೃತಕ ಸಿಹಿಕಾರಕಗಳ(Artificial sweet) ಟ್ರೆಂಡ್(Trend) ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಶುಗರ್ ಫ್ರೀ ಎಂಬ ಹೆಸರಿನಲ್ಲಿ ಸಿಹಿತಿಂಡಿಗಳ(Sweets) ಬಗೆ ಮಾತ್ರವಲ್ಲದೆ ಹಲವು ಪಾನೀಯ(Drinks), ಆಹಾರ(Food) ಪದಾರ್ಥಗಳೂ ಮಾರಾಟವಾಗುತ್ತಿವೆ. ಉತ್ತಮ ಆರೋಗ್ಯವನ್ನು(Good health) ಕಾಪಾಡಿಕೊಳ್ಳುವ ಉದ್ದೇಶದಿಂದ ಶುಗರ್ ಫ್ರೀಯನ್ನು ಸೇವಿಸುವುದರಿಂದ ನೀವು ತುಂಬಾ ಅನಾರೋಗ್ಯಕ್ಕೆ ಒಳಗಾಗಬಹುದು, ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು.
ಸಕ್ಕರೆ ಮಧುಮೇಹಕ್ಕೆ(Diabetes) ಕಾರಣವಾಗಬಹುದು ಎಂದು ಹಲವರು ಭಯಪಡುತ್ತಾರೆ. ಅವರು ಸಕ್ಕರೆ ತಿನ್ನುವುದನ್ನು ನಿಲ್ಲಿಸುತ್ತಾರೆ. ಸಕ್ಕರೆಯಲ್ಲಿರುವ ಕ್ಯಾಲೋರಿಗಳು ಸ್ಥೂಲಕಾಯತೆಯನ್ನು ಹೆಚ್ಚಿಸುತ್ತವೆ ಎಂಬ ಕಾರಣಕ್ಕೆ ಕೆಲವರು ಸಕ್ಕರೆ ತಿನ್ನುವುದನ್ನು ನಿಲ್ಲಿಸುತ್ತಾರೆ. ಕಾರಣ ಏನೇ ಇರಲಿ, ನೀವು ಸಕ್ಕರೆಯನ್ನು ತಿನ್ನುವುದಿಲ್ಲ ಎಂದು ನಿರ್ಧರಿಸುವವರೆಗೆ ಪ್ರಕರಣವು ಉತ್ತಮವಾಗಿರುತ್ತದೆ. ಆದರೆ, ನಮ್ಮ ನಾಲಿಗೆಯನ್ನು ನಿಯಂತ್ರಿಸಲು ಸಾಧ್ಯವಾಗದೆ ಸಕ್ಕರೆಯ ಬದಲಿಗೆ “ಶುಗರ್ ಫ್ರೀ” ಎಂಬ ಹೆಸರಿನಲ್ಲಿ ಕೃತಕ ಸಿಹಿಕಾರಕಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದಾಗ ವಿಭಿನ್ನ ಸಮಸ್ಯೆಗಳು ಪ್ರಾರಂಭವಾಗುತ್ತದೆ. ಡಯೆಟಿಷಿಯನ್-ಪೌಷ್ಠಿಕತಜ್ಞ ಶಿವಾನಿ ಕಂಡ್ವಾಲ್ ಅವರು ನ್ಯೂಸ್ 18 ಗೆ ಹೇಳುತ್ತಾರೆ, ಮಾರುಕಟ್ಟೆಯಲ್ಲಿ ಸಕ್ಕರೆ ಮುಕ್ತ ಉತ್ಪನ್ನಗಳ ದೀರ್ಘಾವಧಿಯ ಸೇವನೆಯು ಹಾನಿಕಾರಕವಾಗಿದೆ. ವಾಸ್ತವವಾಗಿ, ಶುಗರ್ ಫ್ರೀ ಎಂಬ ಹೆಸರಿನಲ್ಲಿ ಕೃತಕ ಸಿಹಿಕಾರಕ ‘ಆಸ್ಪರ್ಟೇಮ್'(Aspartame) ಅನ್ನು ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ.
ಆಸ್ಪರ್ಟೇಮ್ ಸಾಮಾನ್ಯ ಸಕ್ಕರೆಗಿಂತ ಸುಮಾರು 200 ಪಟ್ಟು ಸಿಹಿಯಾಗಿರುತ್ತದೆ. ಇಲ್ಲಿ ವಿಪರ್ಯಾಸವೆಂದರೆ ಆಸ್ಪರ್ಟೇಮ್ ಎಂಬ ಈ ರಾಸಾಯನಿಕವು ಹೆಚ್ಚಿನ ತಾಪಮಾನದಲ್ಲಿ ವಿಷಕಾರಿ ವಸ್ತುವಾಗಿ ಬದಲಾಗಬಹುದು ಮತ್ತು ನಾವು ಅದನ್ನು ಬಲವಾದ-ಬಿಸಿ ಚಹಾಕ್ಕೆ ಬಳಸುತ್ತೇವೆ. ಶುಗರ್ ಫ್ರೀ ನಂತಹ ಉತ್ಪನ್ನಗಳ ದೀರ್ಘಾವಧಿಯ ಸೇವನೆಯು ಮಾನಸಿಕ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಆಹಾರ ತಜ್ಞ-ಪೌಷ್ಠಿಕತಜ್ಞ ಶಿವಾನಿ ಕಂಡ್ವಾಲ್ ಹೇಳಿದ್ದಾರೆ. ಇದಲ್ಲದೇ ನಿರಂತರವಾಗಿ ಶುಗರ್ ಫ್ರೀ ಬಳಸುವವರಲ್ಲಿ ತಲೆನೋವು, ಮಾನಸಿಕ ಒತ್ತಡ, ಹೃದಯದ ಸಮಸ್ಯೆಗಳು, ಹೃದಯ ಬಡಿತದ ಸಂಖ್ಯೆಯನ್ನು ಹೆಚ್ಚಿಸುವಲ್ಲಿ ಸಮಸ್ಯೆ ಸಂಭವಿಸುತ್ತವೆ.
ಆಹಾರತಜ್ಞ-ಪೌಷ್ಠಿಕತಜ್ಞ ಶಿವಾನಿ ಕಂಡ್ವಾಲ್ ಅವರ ಪ್ರಕಾರ, ಕೆಲವು ಅಂತರರಾಷ್ಟ್ರೀಯ ಅಧ್ಯಯನಗಳಲ್ಲಿ, ದೀರ್ಘಕಾಲದವರೆಗೆ ಶುಗರ್ ಫ್ರೀ ನಂತಹ ಉತ್ಪನ್ನಗಳನ್ನು ಸೇವಿಸುವ ಜನರಲ್ಲಿ 92 ರೀತಿಯ ಅಡ್ಡ ಪರಿಣಾಮಗಳನ್ನು ಗಮನಿಸಲಾಗಿದೆ. ಶುಗರ್ ಫ್ರೀ ನಂತಹ ಉತ್ಪನ್ನಗಳ ಸೇವನೆಯ ಹೆಚ್ಚಳವು ಅನೇಕ ಸಮಸ್ಯೆಗಳಿಗೆ ವಿಶೇಷವಾಗಿ ಕಣ್ಣು, ಕಿವಿ, ತಲೆ, ಜಠರಗರುಳಿನ, ಮಾನಸಿಕ ಅಸ್ವಸ್ಥತೆಗಳು, ಚರ್ಮದ ಅಸ್ವಸ್ಥತೆಗಳಿಗೆ ಕಾರಣವಾಗಿದೆ. ಈ ಬಗ್ಗೆ ಅಮೆರಿಕದ ಪೌಷ್ಟಿಕತಜ್ಞ ಡಾ. ಜಾನೆಟ್ ಸ್ಟಾರ್ ಹಲ್ ಅವರ ಪ್ರಕಾರ ಆಸ್ಪರ್ಟೇಮ್ನ ನಿರಂತರ ಬಳಕೆಯು ದೇಹದ ಎಲ್ಲಾ ಭಾಗಗಳಲ್ಲಿ ಸುಮಾರು 92 ರೀತಿಯ ಅಡ್ಡ ಪರಿಣಾಮಗಳನ್ನು ಉಂಟುಮಾಡುತ್ತದೆ, ಇದು ವ್ಯಕ್ತಿಯನ್ನು ತುಂಬಾ ಅನಾರೋಗ್ಯಕ್ಕೆ ಒಳಪಡಿಸುತ್ತದೆ. ಆಸ್ಪರ್ಟೇಮ್ ಅನ್ನು ಚಹಾ ಅಥವಾ ಕೋಕ್‌ನಂತಹ ಪಾನೀಯಗಳಲ್ಲಿ ಬಳಸುವುದರಿಂದ ಅದು ದೇಹದ ಎಲ್ಲಾ ಭಾಗಗಳನ್ನು ತಲುಪುತ್ತದೆ ಮತ್ತು ಅಂಗಾಂಶಗಳಲ್ಲಿ ಸಂಗ್ರಹವಾಗುತ್ತದೆ ಮತ್ತು ಕಾಲಾನಂತರದಲ್ಲಿ ಅದರ ಅಡ್ಡಪರಿಣಾಮಗಳು ದೇಹದಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ ಎಂದು ಅವರು ಹೇಳಿದರು.
ಡಯೆಟಿಷಿಯನ್-ಪೌಷ್ಠಿಕತಜ್ಞ ಶಿವಾನಿ ಕಂಡ್ವಾಲ್ ಮಾತನಾಡಿ, ಮಧುಮೇಹ ಇಲ್ಲದ ಜನರು ಸಕ್ಕರೆ ಮುಕ್ತವನ್ನು ಏಕೆ ಸೇವಿಸುತ್ತಾರೆ ಎಂಬುದು ಗ್ರಹಿಕೆಗೆ ಮೀರಿದೆ. ನೀವು ಮಧುಮೇಹ ಹೊಂದಿದ್ದರೆ ಅಥವಾ ನೀವು ಸ್ಥೂಲಕಾಯತೆಯನ್ನು ತಪ್ಪಿಸಲು ಪ್ರಯತ್ನಿಸುತ್ತಿದ್ದರೆ, ಸಿಹಿತಿಂಡಿಗಳನ್ನು ತಿನ್ನುವುದನ್ನು ನಿಲ್ಲಿಸಿ. ಸಿಹಿಕಾರಕಗಳಾಗಿ ಲಭ್ಯವಿರುವ ಎಲ್ಲಾ ಕೃತಕ ಸಿಹಿಕಾರಕಗಳು ಒಂದಲ್ಲ ಒಂದು ರೀತಿಯಲ್ಲಿ ದೇಹಕ್ಕೆ ಹಾನಿಕಾರಕ. ಸ್ಥೂಲಕಾಯವನ್ನು ತಪ್ಪಿಸಲು ಅನೇಕ ಜನರು ಶುಗರ್ ಫ್ರೀ ತಿನ್ನುತ್ತಾರೆ ಎಂದು ಅನೇಕ ಬಾರಿ ನೋಡಲಾಗಿದೆ. ಆದಾಗ್ಯೂ, ನಂತರ ಶುಗರ್ ಫ್ರೀ ಕಾರಣ ಅವರ ಸ್ಥೂಲಕಾಯತೆ ಹೆಚ್ಚಾಗಿದೆ ಎಂದು ಕಂಡುಬಂದಿದೆ ಎಂದು ಅವರು ಹೇಳಿದರು.
ಕನ್ನಡಕ್ಕೆ: ಡಾ. ಪ್ರ. ಅ. ಕುಲಕರ್ಣಿ
