2026 ಎಲ್ ನಿನೊ ಎಚ್ಚರಿಕೆ..! ಭಾರತ ಸೇರಿ ಏಷ್ಯಾದಲ್ಲಿ ಬರ-ಬಿಸಿಲಿನ ಡಬಲ್ ಶಾಕ್

ಜಗತ್ತಿನ ಪ್ರಮುಖ ಹವಾಮಾನ ವಿದ್ಯಮಾನವಾದ ಎಲ್‌ ನಿನೋ ಮತ್ತೆ ಸಕ್ರಿಯಗೊಳ್ಳುವ ಸಾಧ್ಯತೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಭಾರತ ಸೇರಿದಂತೆ ಏಷ್ಯಾದ ಹಲವು ದೇಶಗಳಲ್ಲಿ ಬರ ಮತ್ತು ಹೆಚ್ಚಿದ ಉಷ್ಣತೆಯ ಅಪಾಯ ಎದುರಾಗುವ ಸೂಚನೆಗಳು ದೊರಕಿವೆ.

ಹವಾಮಾನ ತಜ್ಞರ ಪ್ರಕಾರ, 2026ರ ದ್ವಿತೀಯಾರ್ಧದಲ್ಲಿ ಎಲ್ ನಿನೊ ಪ್ರಭಾವ ಕಾಣಿಸಿಕೊಳ್ಳಬಹುದು. ಇದರ ಪರಿಣಾಮವಾಗಿ ಭಾರತ, ಆಗ್ನೇಯ ಏಷ್ಯಾ ಮತ್ತು ಆಸ್ಟ್ರೇಲಿಯಾದಲ್ಲಿ ಕಡಿಮೆ ಮಳೆ ಮತ್ತು ಹೆಚ್ಚಿದ ತಾಪಮಾನ ಸಂಭವಿಸಬಹುದು.

ಹವಾಮಾನ ಮುನ್ಸೂಚನೆ ಏನು ಹೇಳುತ್ತದೆ? :  ಜಪಾನ್ ಹವಾಮಾನ ಸಂಸ್ಥೆಯ ಪ್ರಕಾರ, ಉತ್ತರ ಗೋಳಾರ್ಧದ ಬೇಸಿಗೆಯಲ್ಲಿ ಎಲ್ ನಿನೊ ಬೆಳೆಯುವ ಸಾಧ್ಯತೆ 70% ಇದೆ.  ಅಮೆರಿಕದ ಹವಾಮಾನ ಮುನ್ಸೂಚನಾ ಕೇಂದ್ರವು ಮೇ-ಜುಲೈ ನಡುವೆ 61% ಸಾಧ್ಯತೆ ಎಂದು ಅಂದಾಜಿಸಿದೆ.  ಚೀನಾ ಹವಾಮಾನ ಅಧಿಕಾರಿಗಳು ಮೇ ತಿಂಗಳಿಂದ ವರ್ಷದ ಅಂತ್ಯದವರೆಗೆ ಈ ಪರಿಸ್ಥಿತಿ ಮುಂದುವರಿಯಬಹುದು ಎಂದು ತಿಳಿಸಿದ್ದಾರೆ.
ಭಾರತೀಯ ತಜ್ಞರು ಈ ಬಾರಿಯ ಮಾನ್ಸೂನ್ ಸಾಮಾನ್ಯಕ್ಕಿಂತ ಕಡಿಮೆಯಾಗುವ ಸಾಧ್ಯತೆಯನ್ನು ಸೂಚಿಸಿದ್ದಾರೆ.

ಭಾರತ ಮತ್ತು ಏಷ್ಯಾಕ್ಕೆ ದೊಡ್ಡ ಹೊಡೆತ :  ಹವಾಮಾನ ಮಾದರಿಗಳ ಪ್ರಕಾರ, ಎಲ್ ನಿನೊದ ಪರಿಣಾಮ ಏಷ್ಯಾದಲ್ಲಿ ಹೆಚ್ಚು ತೀವ್ರವಾಗಿರುತ್ತದೆ.
ಭಾರತದಲ್ಲಿ ಮಾನ್ಸೂನ್ ಮೇಲೆ ಕೃಷಿ ಅವಲಂಬಿತವಾಗಿರುವುದರಿಂದ, ಕಡಿಮೆ ಮಳೆ ಬೆಳೆ ಇಳುವರಿಯನ್ನು ಕಡಿಮೆ ಮಾಡುವ ಅಪಾಯವಿದೆ.

ಆಸ್ಟ್ರೇಲಿಯಾ & ಆಗ್ನೇಯ ಏಷ್ಯಾದಲ್ಲಿ ಬರ ಭೀತಿ :  ಮೇ-ಆಗಸ್ಟ್ ಅವಧಿಯಲ್ಲಿ ಆಸ್ಟ್ರೇಲಿಯಾದ ಪೂರ್ವ ಭಾಗದಲ್ಲಿ ಕಡಿಮೆ ಮಳೆಯಾಗುವ ಸಾಧ್ಯತೆ ಇದೆ. ಆಗ್ನೇಯ ಏಷ್ಯಾದಲ್ಲಿಯೂ ಶಾಖ ಮತ್ತು ಬರಗಾಲದ ಪರಿಣಾಮ ಹೆಚ್ಚಾಗಬಹುದು.

ಅಮೆರಿಕದಲ್ಲಿ ಮಿಶ್ರ ಪರಿಣಾಮ :  ಏಷ್ಯಾದಲ್ಲಿ ಬರಗಾಲದ ಭೀತಿ ಇದ್ದರೂ, ಅಮೆರಿಕದ ಮಧ್ಯಪಶ್ಚಿಮ ಭಾಗದಲ್ಲಿ ಕೃಷಿ ಪರಿಸ್ಥಿತಿ ಉತ್ತಮವಾಗಿರಬಹುದು. ಆದರೆ ಕೆಲವೆಡೆ ಅಧಿಕ ಮಳೆಯು ಕೊಯ್ಲಿಗೆ ಸಮಸ್ಯೆ ಉಂಟುಮಾಡಬಹುದು.

ಎಲ್ ನಿನೊ ಮತ್ತು ಲಾ ನಿನಾ ಎಂದರೇನು? :  ಪೆಸಿಫಿಕ್ ಮಹಾಸಾಗರದ ಮೇಲ್ಮೈ ತಾಪಮಾನ ಹೆಚ್ಚಾದಾಗ ಎಲ್ ನಿನೊ ಉಂಟಾಗುತ್ತದೆ, ಇದು ಜಾಗತಿಕ ಹವಾಮಾನದಲ್ಲಿ ವ್ಯತ್ಯಾಸ ಉಂಟುಮಾಡುತ್ತದೆ. ಇದರ ವಿರುದ್ಧವಾಗಿ ಲಾ ನಿನಾ ಸಂದರ್ಭದಲ್ಲಿ ಸಮುದ್ರದ ತಾಪಮಾನ ಕಡಿಮೆಯಾಗುತ್ತದೆ ಮತ್ತು ಕೆಲವೆಡೆ ಹೆಚ್ಚು ಮಳೆಯಾಗುತ್ತದೆ.

ಎಷ್ಟು ಬಾರಿ ಸಂಭವಿಸುತ್ತದೆ? : ಎಲ್ ನಿನೊ: ಪ್ರತಿ 3–5 ವರ್ಷಕ್ಕೆ, ಲಾ ನಿನಾ: ಪ್ರತಿ 3–7 ವರ್ಷಕ್ಕೆ ಸಂಭವಿಸುತ್ತದೆ.

ಹಿಂದಿನ ಪರಿಣಾಮಗಳು : 

• 2015-16: ಭಾರತದಲ್ಲಿ ದುರ್ಬಲ ಮಾನ್ಸೂನ್, ಏಷ್ಯಾದಲ್ಲಿ ಬರ
• 2009-10: ಅಕ್ಕಿ, ಗೋಧಿ ಉತ್ಪಾದನೆ ಕುಸಿತ
• 1997-98: ಭಾರೀ ಬರ ಮತ್ತು ಪ್ರವಾಹ

 ಕೃಷಿ ಮತ್ತು ಆರ್ಥಿಕತೆಗೆ ಹೊಡೆತ :  ಕಡಿಮೆ ಮಳೆಯಾಗಿ ಹೆಚ್ಚಿದ ಬಿಸಿಲು ಕಾರಣದಿಂದ ಬೆಳೆ ಇಳುವರಿ ಕುಸಿತ, ಆಹಾರ ಕೊರತೆ ಹಾಗೂ ಬೆಲೆ ಏರಿಕೆ ಕಂಡುಬರುತ್ತದೆ.

ಏನು ಮಾಡಬೇಕು? :  ತಜ್ಞರು ಸೂಚಿಸಿದ ಕ್ರಮಗಳಂತೆ ಮುಂಚಿತ ಹವಾಮಾನ ಯೋಜನೆ, ನೀರು ಸಂರಕ್ಷಣೆ, ಬರ ತಾಳುವ ಬೆಳೆಗಳ ಬಳಕೆ, ರೈತರಿಗೆ ವಿಮೆ ಮತ್ತು ನೆರವು ಅಗತ್ಯ ಇದೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

El Niño is likely to return in 2026, raising concerns of drought and heat across Asia, including India. Weather agencies predict weaker monsoons, reduced crop yields, and rising temperatures. Early preparedness and climate-resilient strategies are crucial to reduce impacts on agriculture and livelihoods.