ಕಳೆದ ಕೆಲವು ಸಮಯದಿಂದ ರಬ್ಬರ್ ಧಾರಣೆ ಇಳಿಕೆಯ ಹಾದಿಯಲ್ಲಿದೆ. ಸದ್ಯ ಸ್ಥಿರತೆ ಸಾಧಿಸಿದ್ದರೂ 200 ರೂಪಾಯಿಗಿಂತ ಕಡಿಮೆ ಧಾರಣೆ ಇದ್ದರೆ ಬೆಳೆಗಾರರಿಗೆ ನಷ್ಟವಾಗುತ್ತಿದೆ. ಹೀಗಾಗಿ ಕೇರಳದಲ್ಲಿ ಸಣ್ಣ ಪ್ರಮಾಣದ ರಬ್ಬರ್ ಹೊಂದಿರುವ ಬೆಳೆಗಾರರು ಮಾರಾಟವನ್ನು ನಿಲ್ಲಿಸುವ ಅಭಿಯಾನ ಆರಂಭಿಸಿದ್ದಾರೆ.…..ಮುಂದೆ ಓದಿ….
ರಬ್ಬರ್ ಧಾರಣೆ ತೀವ್ರ ಕುಸಿತದ ಹಿನ್ನೆಲೆಯಲ್ಲಿ ರಬ್ಬರ್ ಬೆಳೆಗಾರರು ಆತಂಕಕ್ಕೆ ಒಳಗಾಗಿದ್ದಾರೆ. ರಾಷ್ಟ್ರೀಯ ರಬ್ಬರ್ ಉತ್ಪಾದಕರ ಒಕ್ಕೂಟಗಳ ಒಕ್ಕೂಟ ಹಾಗೂ ಕೇರಳದ ಸಣ್ಣಪ್ರಮಾಣದ ರಬ್ಬರ್ ಬೆಳೆಗಾರರ ಸಂಘವು ರಬ್ಬರ್ ಉತ್ಪಾದನೆಯಲ್ಲಿ ಸರಿಯಾದ ಧಾರಣೆ ಸಿಗದೇ ಇದ್ದರೆ ಬೆಳೆಗಾರರಿಗೆ ತೀವ್ರ ನಷ್ಟವಾಗುವುದರಿಂದ ಸದ್ಯ ರಬ್ಬರ್ ಮಾರಾಟವನ್ನು ನಿಲ್ಲಿಸಲು ನಿರ್ಧರಿಸಿದ್ದಾರೆ. ಪ್ರತಿ ಕಿಲೋಗ್ರಾಂಗೆ 200 ರೂಪಾಯಿ ಲಭ್ಯವಾಗಬೇಕು ಎನ್ನುವುದು ಬೆಳೆಗಾರರ ಅಪೇಕ್ಷೆಯಾಗಿದೆ. ರಬ್ಬರ್ ಮಾರಾಟ ಸ್ಥಗಿತಗೊಳಿಸುವ ಅಭಿಯಾನದ ಭಾಗವಾಗಿ, ಕೇರಳದ ರಬ್ಬರ್ ಬೆಳೆಯುವ ಪ್ರದೇಶಗಳಲ್ಲಿ ಸಮಾವೇಶಗಳು ಮತ್ತು ರಾಲಿಗಳನ್ನು ನಡೆಸಲು ನಿರ್ಧರಿಸಿದ್ದಾರೆ. ರಬ್ಬರ್ ಬೆಲೆ ಪ್ರತಿ ಕಿಲೋಗ್ರಾಂಗೆ ₹ 200 ಕ್ಕಿಂತ ಹೆಚ್ಚಾಗುವವರೆಗೆ ಈ ಅಭಿಯಾನ ಮುಂದುವರಿಯಲಿದೆ.
ಟೈಯರ್ ಕಂಪನಿಗಳು ರಬ್ಬರ್ ಆಮದು ಮಾಡಿಕೊಳ್ಳುವ ಮೂಲಕ ಅವರಿಗೆ ನಷ್ಟವಾಗಿದೆ. ಈ ನಷ್ಟವನ್ನು ಈಗ ರಬ್ಬರ್ ಬೆಳೆಗಾರರ ಮೇಲೆ ಹೇರುತ್ತಿರುವುದು ಸರಿಯಲ್ಲ. ಇಲ್ಲಿನ ರಬ್ಬರ್ ಉತ್ಪಾದನೆ ಇದ್ದರೂ ಆಮದು ಮಾಡಿಕೊಂಡ ಕಂಪನಿಗಳಿಗೆ ಈಗ ನಷ್ಟವಾಗಿದೆ. ಇದಕ್ಕೆ ಬೆಳೆಗಾರರು ಹೊಣೆಯಲ್ಲ ಎಂದು ಎನ್‌ಸಿಆರ್‌ಪಿಎಸ್‌ನ ಪ್ರಧಾನ ಕಾರ್ಯದರ್ಶಿ ಬಾಬು ಜೋಸೆಫ್ ಮಾಧ್ಯಮಗಳಿಗೆ ಹೇಳಿದ್ದಾರೆ.ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ರಬ್ಬರ್ ಮಾರುಕಟ್ಟೆಯಲ್ಲಿನ ಈ ವ್ಯತ್ಯಾಸದ ಸಂದರ್ಭ ಮಧ್ಯಪ್ರವೇಶಿಸಿ ಸೂಕ್ತ ಕ್ರಮ ಕೈಗೊಳ್ಳಲು ಹಿಂದೇಟು ಹಾಕುತ್ತಿದೆ. ತಕ್ಷಣವೇ ಬೆಳೆಗಾರರಿಗೆ ಸೂಕ್ತವಾದ ಧಾರಣೆ ಸಿಗುವಂತೆ ಕ್ರಮ ಕೈಗೊಳ್ಳಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.
ರಬ್ಬರ್ ಬೆಲೆ ಆಗಸ್ಟ್ ತಿಂಗಳಲ್ಲಿ ಪ್ರತಿ ಕಿಲೋಗ್ರಾಂಗೆ 247 ರೂಪಾಯಿ ತಲುಪಿದ್ದು, ಈಗ 175-185 ರ ಆಸುಪಾಸಿಗೆ ಇಳಿದಿದೆ, ಇದು ಅತ್ಯಂತ ಕನಿಷ್ಟ ಧಾರಣೆಯಾಗಿದೆ.
Natural Rubber rate is declining. Now the Rubber Growers’ Association have dicided to temporarily hold t the sale of rubber. This decision was made to prevent significant losses for growers due to the lack of proper retention in rubber production.The growers are demanding ₹200 per kilogram for rubber. Conventions and rallies are being planned in the rubber growing areas of Kerala as part of the campaign to stop the sale of rubber. The campaign will persist until the price of rubber surpasses ₹200 per kilogram.
