ಕೃಷಿಕರ ತೋಟದಲ್ಲಿಬಿದ್ದು ಹಾಳಾಗುವ , ಗ್ರಾಮೀಣ ಭಾಗದಲ್ಲಿ ಬಳಕೆಯಾಗದ ಹಲವು ಕೃಷಿ ಉತ್ಪನ್ನಗಳು ಇವೆ. ಆದರೆ ಇದೆಲ್ಲವೂ ನಗರದಲ್ಲಿ ಬೇಡಿಕೆ ಇದೆ, ಇನ್ನೊಂದು ಕಡೆ ತೀರಾ ಅಗತ್ಯದ ವಸ್ತುವಾಗುತ್ತದೆ. ಹಾಗಾದರೆ ಇದನ್ನು ಲಿಂಕ್‌ ಮಾಡುವವರು ಯಾರು..? ಹೇಗೆ..?. ಇಲ್ಲೊಂದು ಕಡೆ ಸೇವಾ ಕಾರ್ಯದ ರೂಪದಲ್ಲಿ ಈ ಕೆಲಸ ನಡೆಯುತ್ತಿದೆ. ಇತರ ಕಡೆಗೂ ಇದೊಂದು ಮಾದರಿ ಕೆಲಸ.…… ಮುಂದೆ ಓದಿ……
ಬಂಟ್ವಾಳ ತಾಲೂಕಿನ ಪುಣಚದಲ್ಲಿ ಒಂದು ತಂಡ ಇದೆ. ಇವರು ಕೃಷಿಕರ ತೋಟದಲ್ಲಿರುವ ಹಲಸು, ಬಾಳೆ ಹಾಗೂ ಇತರ ವಸ್ತುಗಳನ್ನು ಸಂಗ್ರಹಿಸಿ ಒಂದು ವಾಹನದಲ್ಲಿ ತುಂಬಿ ಆಶ್ರಮಗಳಿಗೆ ಕಳುಹಿಸುವ ಕೆಲಸವನ್ನು ಕಳೆದ ಮೂರು ವರ್ಷಗಳಿಂದ ಮಾಡುತ್ತಿದ್ದಾರೆ. ಕನ್ಯಾನ, ದೈಗೋಳಿ ಆಶ್ರಮ ಹಾಗೂ ಇತರ ಕೆಲವು ಅಗತ್ಯ ಇರುವ ಕಡೆ ತಮ್ಮದೇ ಖರ್ಚಿನಲ್ಲಿ ಕಳುಹಿಸುತ್ತಿದ್ದಾರೆ. ಯಾವುದೇ ರಾಸಾಯನಿಕ ಗೊಬ್ಬರ ಅಥವಾ ಔಷಧಿ ಸ್ಪ್ರೇ ಮಾಡದೆ ಇರುವ ಏಕೈಕ ತರಕಾರಿ ಅಂದರೆ ಅದು ಹಲಸು. ಇದು ಪ್ರಕೃತಿ ನೀಡಿದ ಅತ್ಯಂತ ದೊಡ್ಡ ಕೊಡುಗೆ, ಆದರೆ ಎಲ್ಲವನ್ನೂ ಕೃಷಿಕನಿಗೆ ಬಳಕೆ ಮಾಡಲು ಸಾಧ್ಯವಾಗುವುದಿಲ್ಲ. ಹಲಸು ಮೌಲ್ಯವರ್ಧನೆ ಅಥವಾ ಹಲಸು ಆದಾಯ ತರುವಂತಹ ಕೆಲಸಗಳು ನಡೆಯುತ್ತಿದ್ದರೂ ಗ್ರಾಮೀಣ ಭಾಗದಲ್ಲಿ ಅಷ್ಟ ಮಟ್ಟಿಗಿನ ಕೆಲಸವೂ ಆಗಿಲ್ಲ. ಆದರೆ ವ್ಯರ್ಥವಾಗುವ ಅಥವಾ ಕೃಷಿಕರಿಗೆ ಬಳಕೆ ಮಾಡಿ ಉಳಿಯುವ ಹಲಸು ಸೇವಾಶ್ರಮಗಳಿಗೆ ಅಗತ್ಯ ಇದೆ. ಸೇವಾ ಆಶ್ರಮದಲ್ಲಿ ಆಶ್ರಯ ಪಡೆದಿರುವ ವ್ಯಕ್ತಿಗಳಿಗೆ ಯಾವಾಗಲಾದರೊಮ್ಮೆ ಲಭ್ಯವಾಗುವ ಹಲಸು ವಿಶೇಷವಾದ ಆಹಾರವಾಗುತ್ತದೆ. ಅಲ್ಲಿ ಸಾಕುವ ದನಗಳಿಗೆ ಇದು ಅತ್ಯುತ್ತಮ ಆಹಾರವೂ ಆಗುತ್ತದೆ. ಹಣ್ಣು ಇದ್ದಲ್ಲಿ ತಿನ್ನಲು ಮತ್ತು ತಿಂಡಿ ಮಾಡಲು ಉಪಯೋಗ ಮಾಡುತ್ತಾರೆ. ಬೆಳೆದದ್ದು ಉಪ್ಪು ಸೊಳೆ ಹಾಕಿ ಶೇಖರಣೆ ಮಾಡಿ ಇಡುತ್ತಾರೆ. ಅದರಲ್ಲಿ ಉಳಿದ ಭಾಗ ರೆಚ್ಚೆ ಮತ್ತು ಹಲಸಿನ ಬೀಜ ದನಗಳಿಗೆ ಬೇಯಿಸಿ ಹಾಕಲಾಗುತ್ತೆ. ಹೀಗಾಗಿ ಹಲಸಿನಲ್ಲಿ ಎಸೆಯುವ ಯಾವ ಅಂಶಗಳೂ ಇಲ್ಲ. ಈ ಕಾರಣದಿಂದ ಊರಿನಿಂದ ಹಲಸು ಸಂಗ್ರಹಿಸಿ ವಾಹನದಲ್ಲಿ ಕಳುಹಿಸುವ ಕೆಲಸ ನಡೆಯುತ್ತದೆ.ಇದರ ನೇತೃತ್ವವನ್ನು ಸಹಕಾರಿ ಕ್ಷೇತ್ರದಲ್ಲಿ ಸಕ್ರಿವಾಗಿರುವ ದೇವಿಪ್ರಸಾದ್‌ ಪುಣಚ ವಹಿಸಿಕೊಂಡಿದ್ದರು. ಕಳೆದ ಮೂರು ವರ್ಷಗಳಿಂದ ಈ ಸೇವಾ ಕಾರ್ಯ ನಡೆಯುತ್ತಿದೆ. ಪುಣಚ ಗ್ರಾಮದಿಂದ ಎರಡು ಪಿಕಪ್ ಹಲಸು, ತೆಂಗಿನ ಕಾಯಿ, ಬಾಳೆಗೊನೆ ಕನ್ಯಾನ ಭಾರತ್ ಸೇವಾಶ್ರಮಕ್ಕೆ ಈಗಾಗಲೇ ತಲುಪಿಸಲಾಗಿದೆ.
ಇದೇ ಮಾದರಿಯಲ್ಲಿ ನಮ್ಮ ಊರಿನಲ್ಲೂ ನಾವು ಮಾಡಬಹುದಾದ ಸೇವಾ ಕಾರ್ಯ ಇದು. ಊರಿನ ಆಸು ಪಾಸಿನಲ್ಲಿರುವ ಸೇವಾ ಆಶ್ರಮ, ಶಾಲೆಗಳು, ದೇವಸ್ಥಾನಗಳಿಗೆ, ಗೋಶಾಲೆಗಳಿಗೆ ಪೂರೈಕೆ ಮಾಡುವ ಮೂಲಕ ವ್ಯರ್ಥವಾಗುವ ಒಂದು ವಸ್ತುವನ್ನು ಬಳಕೆಯಾಗುವಂತೆ ಮಾಡಬಹುದಾಗಿದೆ.ಈ ನಿಟ್ಟಿನಲ್ಲಿ ಇದೊಂದು ಮಾದರಿ ಸೇವೆ.
In recent times, an increasing number of farmers have embarked on a commendable initiative to distribute jackfruit free of charge to their local communities. This philanthropic gesture is largely driven by an abundant harvest, which often results in surplus produce that could otherwise go to waste. By offering jackfruit for free, farmers not only help in reducing food wastage but also promote the nutritional benefits of this tropical fruit.The distribution effort further aids in raising awareness about jackfruit’s versatility as a food source, encouraging more people to incorporate it into their meals. Farmers have also reported positive social impacts, as this initiative fosters a stronger sense of community and goodwill among residents.The free distribution of jackfruit by farmers illustrates an exemplary model of resource management and community engagement.
