ಬೆಂಗಳೂರಿನ ಅಪಾರ್ಟ್‌ಮೆಂಟ್‌ನಲ್ಲಿ ಬೆಂಕಿ | ಇಬ್ಬರು ಸಜೀವ ದಹನ |

ಬೆಂಗಳೂರಿನ ದೇವರಚಿಕ್ಕನಹಳ್ಳಿಯಲ್ಲಿನ ಆಶ್ರಿತ್ ಅಪಾರ್ಟ್‌ಮೆಂಟ್‌ನಲ್ಲಿ ಗ್ಯಾಸ್‌ ಸಿಲಿಂಡರ್‌ ಸ್ಫೋಟಗೊಂಡು  ಮೂವರು  ಮೃತಪಟ್ಟಿದ್ದಾರೆ . ಮೂರನೇ ಮಹಡಿಯಲ್ಲಿದ್ದ  ಇಬ್ಬರು ಸಜೀವದಹನವಾಗಿದ್ದಾರೆ. ಪ್ಲಾಟ್‌ ನ ಮೂರು ಮಹಡಿಯಲ್ಲಿ  ಬೆಂಕಿಯ ಕೆನ್ನಾಲಿಗೆ ಹರಡಿಕೊಂಡಿತ್ತು.

ಮಧ್ಯಾಹ್ನ 3.30ರ ವೇಳೆಗೆ ಸಿಲಿಂಡರ್ ಸೋರಿಕೆಯಾಗಿದ್ದು ತಕ್ಷಣವೇ ಬೆಂಕಿ ಹತ್ತಿಕೊಂಡಿದೆ. ಬೆಂಕಿಯ ಕೆನ್ನಾಲಿಗೆಗೆ ಇಬ್ಬರು ಮಹಿಳೆಯರು ಸಜೀವ ದಹನವಾಗಿದ್ದಾರೆ. ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ. 210  ನೇ ಪ್ಲಾಟ್‌ನಲ್ಲಿದ್ದ  ಲಕ್ಷ್ಮೀದೇವಿ (82),  ಭಾಗ್ಯ ರೇಖಾ (59) ಸಜೀವ ದಹನಗೊಂಡವರು ಎಂದು ತಿಳಿದುಬಂದಿದೆ. ಬೆಂಕಿ ಹತ್ತಿಕೊಂಡು ತಕ್ಷಣವೇ ಬೆಂಕಿ ವ್ಯಾಪಿಸಿದ ಕಾರಣ ಪ್ಲಾಟ್‌ ನಿಂದ ಹೊರಬರಲಾಗದೆ ಇಬ್ಬರು ಮಹಿಳೆಯರು ಒದ್ದಾಟ ನಡೆಸಿ ಪ್ರಾಣ ಉಳಿಸುವಂತೆ ಅಂಗಲಾಚುತ್ತಿದ್ದರು. ಕೊನೆಗೆ ಬೆಂಕಿ ವ್ಯಾಪಿಸಿ ದಹನವಾದರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಅಗ್ನಿಶಾಮಕದಳದ ಸಿಬಂದಿಗಳು ಸ್ಥಳಕ್ಕೆ ಆಗಮಿಸಿ ಬೆಂಕಿ ನಂದಿಸಲು ಪ್ರಯತ್ನಿಸಿದರು.