ಕುಟುಂಬದ ಯಜಮಾನಿ ಅಥವಾ ಆಕೆಯ ಪತಿ ಆದಾಯ ತೆರಿಗೆ ಅಥವಾ ಜಿಎಸ್ ಟಿ ಕಟ್ಟುತ್ತಿದ್ದರೆ ಅಂತಹವರಿಗೆ ಸರ್ಕಾರದಿಂದ ಗೃಹಲಕ್ಷಿ ಯೋಜನೆಯ ಮೂಲಕ ಬರುತ್ತಿದ್ದ 2000 ತೆಗೆದುಕೊಳ್ಳುವಂತಿಲ್ಲ ಎಂಬ ನಿಯಮವಿದ್ದರೂ. ಅದೇಷ್ಟೋ ಐಟಿ ಪಾವತಿದಾರರೂ ಕೂಡ ಗೃಹಲಕ್ಷಿ ಯೋಜನೆಯ ಉಪಯೋಗವನ್ನು ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ.
2023ರ ಜೂನ್ ತಿಂಗಳಿನಲ್ಲಿ ಆರಂಭವಾದಾಗ ಯಾವುದೇ ಅರ್ಜಿಗಳನ್ನು ಸರಿಯಾಗಿ ಪರೀಶೀಲನೆ ಮಾಡದೇ ಎಲ್ಲ ಅರ್ಜಿಗಳನ್ನು ಸ್ವೀಕರಿಸಲಾಯಿತು. ಆದರೆ ಇತ್ತೀಚಿನ ದಿನಗಳಲ್ಲಿ ಸರ್ಕಾರವೂ ಎಲ್ಲ ಅರ್ಜಿಗಳನ್ನು ಮರುಪರೀಶೀಲನೆಯನ್ನು ಮಾಡಲು ಮುಂದಾಗಿದ್ದು. ಇದರ ಅನುಸಾರ 1.8 ಲಕ್ಷ ಜನರನ್ನು ಗೃಹಲಕ್ಷಿ ಪಟ್ಟಿಯಿಂದ ಹೊರ ಹಾಕಲು ನಿರ್ಧರಿಸಿದೆ.
ಗೃಹಲಕ್ಷಿ ಹಣ ನಮ್ಮ ಬಿಪಿಎಲ್ ರೇಷನ್ ಕಾರ್ಡ್ ಮೇಲೆ ಅವಲಂಬಿತವಾಗಿರುತ್ತದೆ, ಸಾಮಾನ್ಯವಾಗಿ ತೆರಿಗೆದಾರರ ಪಟ್ಟಿ ಕಂಡುಹಿಡಿದಾಗ ಮೊದಲು ಅಂತವರ ಹೆಸರನ್ನು BPL ರೇಷನ್ ಕಾರ್ಡ್ ಪಟ್ಟಿಯಿಂದ ತೆಗೆದು ಹಾಕಲಾಗುತ್ತದೆ, ರೇಷನ್ ಕಾರ್ಡ್ ರದ್ದಾದರೆ ಗೃಹಲಕ್ಷಿ ಹಣವು ಸಹಿತ ರದ್ದಾಗುವ ಸಾಧ್ಯತೆ ಇದೆ.
