ಬೆಂಗಳೂರಿನಲ್ಲಿ ಸೂರ್ಯನ ಸುತ್ತ ಕಂಡದ್ದೇನು ?

ಬೆಂಗಳೂರಿನ ಯಲಹಂಕ ಪ್ರದೇಶದಲ್ಲಿ ಸೂರ್ಯನ ಸುತ್ತ ದೊಡ್ಡದಾದ ರಿಂಗ್‌ ಕಾಣುತ್ತಿದೆ. ಬಹಳ ಆಕರ್ಷಕವಾಗಿರುವ ಈ ರಿಂಗ್‌ ಗೆ ಹಾಲೋ ಸನ್‌ ಎಂದು ಕರೆಯಲಾಗುತ್ತದೆ. 

ತೆಳುವಾದ ಮೋಡದ ನಡುವೆ ಹಿಮದ ಕಣಗಳ ಮೂಲಕ ಬೆಳಕಿನ ವಕ್ರೀಭವನ , ಪ್ರತಿಫಲನದ ಕಿರಣವು ಸೂರ್ಯನ ಸುತ್ತ ಪ್ರಭಾವಲಯ ಉಂಟು ಮಾಡುತ್ತದೆ. ಈ ವಲಯವು   ತುಂಬಾ ಮಸುಕಾದ ಮಳೆಬಿಲ್ಲಿನಂತೆ ಕಾಣುವಂತೆ ಮಾಡುತ್ತದೆ, ಒಳಭಾಗದಲ್ಲಿ ಕೆಂಪು ಮತ್ತು ಹೊರಭಾಗದಲ್ಲಿ ನೀಲಿ ಬಣ್ಣದಿಂದ ಕೂಡಿರುತ್ತದೆ.

ಈ ಆಸಕ್ತಿದಾಯಕ ಹಾಗೂ ಕುತೂಹಲವು ಬೆಂಗಳೂರಿನ ಯಲಹಂಕ ಪ್ರದೇಶದಲ್ಲಿ ಹಾಗೂ ಆಸುಪಾಸಿನಲ್ಲಿ ಕಂಡುಬಂದಿದೆ.ಬೆಂಗಳೂರಿನಲ್ಲಿ ಖಾಸಗಿ ಕಂಪನಿಯಲ್ಲಿ  ಉದ್ಯೋಗದಲ್ಲಿರುವ  ಕಡಬ ತಾಲೂಕು ಏನೇಕಲ್ಲು  ಗ್ರಾಮದ ಬಾನಡ್ಕದ ಪುಟ್ಟಣ್ಣ ಗೌಡ ಅವರು ಫೋಟೊ ಹಾಗೂ ವಿಡಿಯೋ ಕಳುಹಿಸಿದ್ದಾರೆ.