ಇಸ್ರೇಲ್(Israel) ಮತ್ತು ಪ್ಯಾಲೆಸ್ತೀನ್(Palestine) ನಡುವೆ 45 ದಿನಗಳಿಂದ ಯುದ್ಧ ನಡೆಯುತ್ತಿದ್ದು, ಹಮಾಸ್(Hamas)ಅಧಿಕಾರಿಗಳು ಇಸ್ರೇಲ್ನೊಂದಿಗೆ ಯುದ್ಧ ಒಪ್ಪಂದಕ್ಕೆ ಸಮೀಪಿಸುತ್ತಿರುವುದಾಗಿ ಹಮಾಸ್ ನಾಯಕ ಇಸ್ಮಾಯಿಲ್ ಹನಿಯೆಹ್ ಹೇಳಿದ್ದಾರೆ. ಯುದ್ಧದ ಬಗ್ಗೆ ಕತಾರ್ನ(Qatar) ಮಧ್ಯವರ್ತಿಗಳ ಮೂಲಕ ಮಾತುಕತೆ ನಡೆಯುತ್ತಿದೆ. ಈಗ ಗಾಝಾದ(Gaza) ಹಮಾಸ್ ಗುಂಪಿನ ವಶದಲ್ಲಿರುವ 50 ಒತ್ತೆಯಾಳುಗಳ(hostages) ಬಿಡುಗಡೆಗೆ(release) ಪ್ರತಿಯಾಗಿ ನಾಲ್ಕು ದಿನಗಳ ಯುದ್ದ ವಿರಾಮಕ್ಕೆ(ceasefire) ಇಸ್ರೇಲ್ ಸರ್ಕಾರ ಮತ್ತು ಹಮಾಸ್ ಬುಧವಾರ ಒಪ್ಪಿಕೊಂಡಿವೆ.
ಹಮಾಸ್ ಗುಂಪು ವಿದೇಶಿಗರು ಸೇರಿದಂತೆ ಇಸ್ರೇಲ್ ಮೂಲದ 50 ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದರೆ, ಅತ್ತ ಇಸ್ರೇಲ್ ಸರ್ಕಾರ ಗಾಝಾದ 150 ಯುದ್ದ ಕೈದಿಗಳನ್ನು ಬಿಡುಗಡೆ ಮಾಡುವುದಾಗಿ ಒಪ್ಪಿಕೊಂಡಿದೆ ಎಂದು ತಿಳಿದು ಬಂದಿದೆ. ಕತಾರ್ ಮತ್ತು ಅಮೆರಿಕದ ಅಧಿಕಾರಿಗಳು ಇಸ್ರೇಲ್ ಸರ್ಕಾರ ಹಾಗೂ ಹಮಾಸ್ ನಡುವಿನ ಮಾತುಕತೆಗೆ ಮಧ್ಯಸ್ಥಿಕೆ ವಹಿಸಿದ್ದರು. ಎರಡೂ ಕಡೆಯ ಮಾತುಕತೆ ಸಫಲವಾದ ಬಳಿಕ ಗಾಝಾದ ಯುದ್ದ ಕೈದಿಗಳನ್ನು ಬಿಡುಗಡೆ ಮಾಡಲು ಇಸ್ರೇಲ್ ಸಂಸತ್ ಕೂಡ ಒಪ್ಪಿಕೊಂಡಿದೆ ಎಂದು ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ಕಾರ್ಯಾಲಯ ತಿಳಿಸಿದೆ.
ಬಿಡುಗಡೆಯಾಗುವ ಪ್ರತೀ 10 ಹೆಚ್ಚುವರಿ ಒತ್ತೆಯಾಳುಗಳಿಗೆ ಪ್ರತಿಯಾಗಿ ಯುದ್ಧ ವಿರಾಮವನ್ನು ಇನ್ನೊಂದು ದಿನಕ್ಕೆ ವಿಸ್ತರಿಸಲಾಗುವುದು. ಎಲ್ಲಾ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಲು ನಾವು ಬದ್ದರಾಗಿದ್ದೇವೆ ಎಂದು ಇಸ್ರೇಲ್ ಸರ್ಕಾರ ತಿಳಿಸಿದೆ. ಅಕ್ಟೋಬರ್ 7ರಂದು ಗಾಝಾದ ಹಮಾಸ್ ಗುಂಪು ಇಸ್ರೇಲ್ ಮೇಲೆ ಏಕಾಏಕಿ ದಾಳಿ ನಡೆಸಿತ್ತು. ಈ ದಾಳಿಯಲ್ಲಿ ಇಸ್ರೇಲ್ 1,200 ಜನರು ಬಲಿಯಾಗಿದ್ದರು. ಇದಕ್ಕೆ ಪ್ರತೀಕಾರವಾಗಿ ಇಸ್ರೇಲ್ ಸರ್ಕಾರ ಹಮಾಸ್ ಜೊತೆ ಯುದ್ದ ಸಾರಿದೆ. ಕಳೆದ ಒಂದುವರೆ ತಿಂಗಳಿನಿಂದ ನಡೆಯುತ್ತಿರುವ ಸಮರದಲ್ಲಿ ಗಾಝಾದ 11 ಸಾವಿರಕ್ಕೂ ಅಧಿಕ ನಾಗರಿಕರು ಬಲಿಯಾಗಿದ್ದಾರೆ.
ಹಮಾಸ್ ಇಸ್ರೇಲ್ ಮೇಲೆ ದಾಳಿ ಮಾಡಿದ್ದಾಗ ವಿದೇಶಿಗರು ಸೇರಿದಂತೆ 200 ಅಧಿಕ ಜನರನ್ನು ಅಪಹರಿಸಿ ಒತ್ತೆಯಾಳುಗಳನ್ನಾಗಿ ಇಟ್ಟುಕೊಂಡಿದೆ. ಅವರೆಲ್ಲರನ್ನು ಬಿಡುಗಡೆ ಮಾಡುವವರೆಗೆ ಯುದ್ಧ ನಿಲ್ಲಿಸುವುದಿಲ್ಲ ಎಂದು ಇಸ್ರೇಲ್ ಹೇಳಿದೆ.
The war between Israel and Palestine has been going on for 45 days, Hamas leader Ismail Haniyeh has said that Hamas officials are approaching a war agreement with Israel. The war is being negotiated through Qatari intermediaries. The government of Israel and Hamas on Wednesday agreed to a four-day ceasefire in exchange for the release of 50 hostages now held by the Hamas group in Gaza.
– ಅಂತರ್ಜಾಲ ಮಾಹಿತಿ
