ಅಡಿಕೆ ಹಾನಿಕಾರಕ ಎಂಬ ಮಾತುಗಳು ಪದೇ ಪದೇ ವಿವಿಧ ಮಾಧ್ಯಮಗಳ ಮೂಲಕ ಬಿಂಬಿಸಲಾಗುತ್ತಿದೆ. ಆದರೆ ಅಡಿಕೆಯಲ್ಲೂ ಔಷಧೀಯ ಗುಣ ಇದೆ, ಆರೋಗ್ಯಕ್ಕೆ ಪೂರಕವಾದ ಅಂಶಗಳು ಇವೆ ಎಂಬುದು ಅಧ್ಯಯನದ ಮೂಲಕ ಸಾಬೀತಾಗುತ್ತಿದೆ. ಇದೀಗ ಅಡಿಕೆ ಜಗಿಯುವುದರಿಂದ ಆಯಾಸ ಕಡಿಮೆಯಾಗುತ್ತದೆ ಹಾಗೂ ಕರುಳಿನ ಚಟುವಟಿಕೆ ಉತ್ತಮಗೊಳ್ಳುತ್ತದೆ ಎಂಬ ಅಧ್ಯಯನ ವರದಿಯು ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಫೈಟೊಥೆರಪಿ ಮತ್ತು ಫೈಟೊಫಾರ್ಮಾಕಾಲಜಿಯಲ್ಲಿ ದಾಖಲಾಗಿದೆ.
ಅಡಿಕೆಯ ಬಗ್ಗೆ ವಿವಿಧ ಅಧ್ಯಯನಗಳು ನಡೆಯುತ್ತಲೇ ಇರುತ್ತದೆ. ಅಡಿಕೆ ಸಿಪ್ಪಿಯೆ ಬಳಕೆ, ಅಡಿಕೆ ಸೋಗೆಯ ಬಳಕೆ, ಎಳೆ ಅಡಿಕೆ, ಚಾಲಿ ಅಡಿಕೆ, ಹೀಗೇ ಅಡಿಕೆ ಗುಣಧರ್ಮ ಹೀಗೇ ಹಲವು ಅಧ್ಯಯನಗಳು ನಡೆಯುತ್ತಿವೆ. ಇದೀಗ ಅಡಿಕೆ ಜಗಿಯುವ ಬಗ್ಗೆ ಇನ್ನೊಂದು ಅಧ್ಯಯನ ನಡೆದಿದೆ. ಇದು ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಫೈಟೊಥೆರಪಿ ಮತ್ತು ಫೈಟೊಫಾರ್ಮಾಕಾಲಜಿಯಲ್ಲಿ ದಾಖಲಾಗಿದೆ. ಅಡಿಕೆಯಿಂದ ಹೊರತೆಗೆಯಲಾದ ಪಾಲಿಫಿನಾಲ್ಗಳ ಬಗ್ಗೆ ಹೆಚ್ಚಿನ ಅಧ್ಯಯನ ಇಲ್ಲಿ ನಡೆದಿದೆ. ಅಡಿಕೆಯ ಈ ಗುಣಲಕ್ಷಣಗಳಿಗೆ ಆಧಾರವಾಗಿರುವ ಕಾರ್ಯವಿಧಾನಗಳನ್ನು ಇದುವರೆಗೆ ಹೆಚ್ಚಿನ ಅಧ್ಯಯನ ನಡೆಸಲಾಗಿರಲಿಲ್ಲ. ಈ ಪ್ರಕಾರ ಅಡಿಕೆ ಜಗಿಯುವುದರಿಂದ ಅಡಿಕೆಯಲ್ಲಿರುವ ಪಾಲಿಫಿನಾಲ್ಗಳು ಕರುಳಿನ ಶಕ್ತಿಯನ್ನು ಹೆಚ್ಚಿಸುತ್ತವೆ ಹಾಗೂ ಕರುಳಿನ ಚಟುವಟಿಕೆ ವೃದ್ಧಿಗೊಳಿಸುತ್ತವೆ ಮತ್ತು ಕರುಳಿನ ಮೈಕ್ರೋಬಯೋಟಾವನ್ನು ನಿಯಂತ್ರಿಸುವ ಮೂಲಕ ಮೈಟೊಕಾಂಡ್ರಿಯದ ಕಾರ್ಯವನ್ನು ಸುಧಾರಿಸುತ್ತದೆ.
ಅಷ್ಟೇ ಅಲ್ಲ, ಅಡಿಕೆ ಜಗಿಯುವುದರಿಂದ ರಕ್ತದಲ್ಲಿನ ಶಕ್ತಿಯನ್ನೂ ವಿವಿಧ ಕಾರಣಗಳಿಂದ ಹೆಚ್ಚಿಸುತ್ತವೆ, ಹೀಗಾಗಿ ದೇಹದ ಬಳಲಿಕೆಯೂ ಕಡಿಮೆಯಾಗುತ್ತದೆ ಎಂದು ವರದಿ ಹೇಳುತ್ತದೆ.ಈ ಅಧ್ಯಯನವು ಅಡಿಕೆ ಪಾಲಿಫಿನಾಲ್ಗಳ ಕಾರ್ಯವಿಧಾನಗಳ ಬಗ್ಗೆ ಮಾಹಿತಿ ಒದಗಿಸುತ್ತದೆ, ಚಿಕಿತ್ಸಕ ಏಜೆಂಟ್ ಆಗಿಯೂ ಅಡಿಕೆಯ ಸಾಮರ್ಥ್ಯವನ್ನು ಹೇಳುತ್ತದೆ.
ಅಡಿಕೆ ಮೇಲೆ ಇರುವ ಆರೋಪಗಳ ನಡುವೆ ಅಡಿಕೆಯ ಉತ್ತಮ ಗುಣಧರ್ಮಗಳ ಬಗ್ಗೆ ನಡೆದಿರುವ ಈ ಅಧ್ಯಯನವು ಅಡಿಕೆಯ ಮೇಲೆ ಧನಾತ್ಮಕ ಪರಿಣಾಮ ಬೀರುವುದಕ್ಕೆ ಮಹತ್ವದ ದಾಖಲೆಯೂ ಆಗಿದೆ.
Arecanut, also known as betel nut, has been a popular ingredient in many cultures for centuries. Despite the negative connotations associated with nuts, recent studies have shown that arecanut also possesses medicinal properties and health benefits. In fact, chewing arecanut has been linked to improved digestion, increased energy levels, and even potential anti-inflammatory effects. While it’s important to consume arecanut in moderation due to its stimulant properties, incorporating this nut into your diet can offer a unique blend of nutrients and potential health benefits.
