ನಿಮ್ಮ ದೇಹ ಉಷ್ಣ ಪ್ರಕೃತಿಯೇ? | ಬೇಸಗೆಯಲ್ಲಿ ದೇಹದ ಉಷ್ಣತೆ ವಿಪರೀತ ಹೆಚ್ಚೇ? ಹಾಗಾದರೆ ಈ ಉಪಾಯಗಳನ್ನು ಅನುಸರಿಸಿ…

ದೇಹದಲ್ಲಿನ ಅಧಿಕ ಉಷ್ಣತೆಯಿಂದ(Body Heat) ಅನೇಕ ಜನರು ಕೆಲವು ಸಮಸ್ಯೆಗಳನ್ನು ಎದುರಿಸುತ್ತಾರೆ. ಕಣ್ಣಲ್ಲಿ ಉರಿ, ಎದೆಯುರಿ(heartburn), ಸೆಕೆ ತಡೆಯಲಾಗದು, ಹೆಚ್ಚು ಬೆವರುವುದು(sweating), ಮೂತ್ರದಲ್ಲಿ ಉರಿ(burning in urine), ದೇಹದ ಮೇಲೆ ಉಷ್ಣತೆಯ ಗುಳ್ಳೆಗಳಂತಹ ಸಮಸ್ಯೆಗಳಾಗುತ್ತವೆ. ಅನೇಕ ಜನರು ತಮ್ಮ ದೇಹದಲ್ಲಿ ಹೆಚ್ಚಿನ ಉಷ್ಣತೆಯನ್ನು ಹೊಂದಿರುತ್ತಾರೆ. ಆದ್ದರಿಂದ, ಅಂತಹ ವ್ಯಕ್ತಿಗಳು ಯಾವುದೇ ಋತುವಿನಲ್ಲಿ ಉಷ್ಣತೆಯ ಸಮಸ್ಯೆಗಳನ್ನು ಅನುಭವಿಸಬಹುದು, ವಿಶೇಷವಾಗಿ ಬೇಸಿಗೆಯಲ್ಲಿ(Summer). ಈ ಅವಧಿಯಲ್ಲಿ ಅನೇಕ ಜನರು ಸುಡುವ ಕಣ್ಣುಗಳು(Burning Eyes), ಎದೆಯುರಿ, ದೇಹದ ಮೇಲೆ ಉಷ್ಣತೆಯ ಗುಳ್ಳೆಗಳನ್ನು ಅನುಭವಿಸುತ್ತಾರೆ. ಆದ್ದರಿಂದ, ದೇಹದ ಉಷ್ಣತೆಯನ್ನು ಕಡಿಮೆ ಮಾಡಲು ಕೆಲವು ಮನೆಮದ್ದುಗಳಿವೆ.

Advertisement

ಒಣದ್ರಾಕ್ಷಿ: ಇದು ಅತ್ಯುತ್ತಮ ಪರಿಹಾರವಾಗಿದೆ. ಇದಕ್ಕಾಗಿ, ಪ್ರತಿ ರಾತ್ರಿ 100 ಗ್ರಾಂ ಒಣದ್ರಾಕ್ಷಿಗಳನ್ನು ಬೆಚ್ಚಗಿನ ನೀರಿನಲ್ಲಿ ನೆನೆಸಿಡಿ. ಬೆಳಗ್ಗೆ ಎದ್ದ ನಂತರ ಈ ಒಣದ್ರಾಕ್ಷಿಯನ್ನು ಅಗಿದು ತಿನ್ನಿ ಮತ್ತು ಆ ನೀರನ್ನೂ ಕುಡಿಯಿರಿ. ದೇಹದ ಉಷ್ಣತೆ ಅಥವಾ ಪಿತ್ತವನ್ನು ಕಡಿಮೆ ಮಾಡಲು ನಿಮ್ಮ ಆಹಾರದಲ್ಲಿ ತಣ್ಣನೆಯ ಆಹಾರವನ್ನು ಸೇರಿಸಬೇಕು. ಇದಕ್ಕಾಗಿ ನೀವು ನಿಮ್ಮ ಆಹಾರದಲ್ಲಿ ಸೌತೆಕಾಯಿ, ನೆಲ್ಲಿಕಾಯಿ, ಕಲ್ಲಂಗಡಿ, ಕೋಸುಗಡ್ಡೆ, ಇತ್ಯಾದಿಗಳನ್ನು ಸೇವಿಸಬಹುದು. ಇದರಿಂದ ದೇಹದ ಉಷ್ಣತೆ ಕಡಿಮೆಯಾಗುತ್ತದೆ, ಆರೋಗ್ಯಕ್ಕೂ ಅನುಕೂಲವಾಗಲಿದೆ.

ಜೀರಿಗೆ: ಜೀರಿಗೆ ತುಂಬಾ ತಂಪಾಗಿರುತ್ತದೆ. ರಾತ್ರಿ ಒಂದು ಕಪ್ ನೀರಿಗೆ ಅರ್ಧ ಚಮಚ ಜೀರಿಗೆ ಸೇರಿಸಿ. ಬೆಳಿಗ್ಗೆ ಈ ನೀರನ್ನು ಸೇವಿಸಿ. ಇದರಿಂದ ದೇಹ ತಂಪಾಗುತ್ತದೆ. ಇದರಿಂದಾಗಿ ತೂಕ ಕೂಡ ನಿಯಂತ್ರಣದಲ್ಲಿರುತ್ತದೆ. ಅಧಿಕ ನೀರಿರುವ ಆಹಾರವನ್ನು ಸೇವಿಸಿ. ದೇಹದ ಉಷ್ಣತೆಯನ್ನು ತೊಡೆದುಹಾಕಲು, ನೀವು ಸಾಕಷ್ಟು ನೀರು ಕುಡಿಯಬೇಕು. ಸಾಕಷ್ಟು ಅಂದರೆ ದಿನಕ್ಕೆ ಐದಾರು ಬಾರಿ ನೀರಿನ ಬಣ್ಣದ ಮೂತ್ರ ವಿಸರ್ಜನೆಯಾಗಬೇಕು. ಇದರ ಹೊರತಾಗಿ ನೀರಿನಂಶವಿರುವ ಆಹಾರವನ್ನು ಮಾತ್ರ ತೆಗೆದುಕೊಳ್ಳಬೇಕು. ಇದಕ್ಕಾಗಿ ಸೌತೆಕಾಯಿ, ಕಲ್ಲಂಗಡಿ, ಸ್ಟ್ರಾಬೆರಿ, ತೆಂಗಿನ ನೀರು, ಹಣ್ಣಿನ ರಸ ಇತ್ಯಾದಿಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಿಕೊಳ್ಳಬಹುದು. ಸೂಪ್ ಜೊತೆಗೆ, ತರಕಾರಿ ರಸ, ಕಬ್ಬಿನ ರಸ ಸಹ ಪ್ರಯೋಜನಕಾರಿಯಾಗಿದೆ.

ಸಬ್ಜಾ (ತುಳಸಿ ಬೀಜಗಳು): ರಾತ್ರಿ ಗಾಜಿನ ಜಾರ್ನಲ್ಲಿ ಸಬ್ಜಾವನ್ನು ನೆನೆಸಿ ಮತ್ತು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕಲ್ಲು ಸಕ್ಕರೆಯೊಂದಿಗೆ ಕುಡಿಯಿರಿ ಅಥವಾ ನೀವು ಮಧ್ಯಾಹ್ನ ಹೆಚ್ಚು ಬಿಸಿಲಿನ ಬೇಗೆ ಇರುವ ಸಮಯದಲ್ಲೂ ಇದನ್ನು ಸೇವಿಸಬಹುದು. ಇದು ದೇಹವನ್ನು ಒಳಗಿನಿಂದ ತಂಪಾಗಿರಿಸಲು ಉತ್ತಮ ಉಪಾಯವಾಗಿದೆ.

ಸಮಯಕ್ಕೆ ತಿನ್ನಿರಿ : ದೇಹದಿಂದ ಶಾಖವನ್ನು ತೆಗೆದುಹಾಕಲು ಸಮಯಕ್ಕೆ ತಿನ್ನುವುದು ಸಹ ಬಹಳ ಮುಖ್ಯ. ಆದ್ದರಿಂದ, ದೇಹದಲ್ಲಿನ ಶಾಖವನ್ನು ಸರಿಯಾಗಿ ಬಳಸಲಾಗುತ್ತದೆ. ಜೀರ್ಣಕಾರಿ ರಸವನ್ನು ಸಹ ಸರಿಯಾಗಿ ಸ್ರವಿಸಿ ಉಪಯೋಗಿಸಲ್ಪಡುತ್ತದೆ. ದೇಹವನ್ನು ತಂಪಾಗಿಸಲು ಆಹಾರದೊಂದಿಗೆ ತರಕಾರಿಗಳನ್ನು (ಸಲಾಡ್) ತಿನ್ನಿರಿ.

ನೆಲ್ಲಿಕಾಯಿ : ದೇಹದ ಶಾಖವನ್ನು ತಂಪು ಮಾಡಲು ಆಮ್ಲಾ ತುಂಬಾ ಪ್ರಯೋಜನಕಾರಿಯಾಗಿದೆ. ಉಷ್ಣತೆಯನ್ನು ಹೆಚ್ಚಿಸುವ ಆಹಾರವನ್ನು ತಪ್ಪಿಸಿ. ನಿಮ್ಮ ಅಡುಗೆ ಮನೆಯಲ್ಲಿ ಇರುವ ಉಷ್ಣಕಾರಕ ಆಹಾರಗಳು ಯಾವವು? ಕರಿಮೆಣಸು, ದಾಲ್ಚಿನ್ನಿ, ಲವಂಗದಂತಹ ಬಿಸಿ ಮಸಾಲೆಗಳು, ಎಳ್ಳು, ಸಜ್ಜೆ, ಇವು ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತವೆ. ಆದ್ದರಿಂದ, ಈ ಪದಾರ್ಥಗಳ ಬಳಕೆಯನ್ನು ತಪ್ಪಿಸಿ.

ಪುದೀನಾ : ತಿನ್ನುವಾಗ ಪುದೀನಾವನ್ನು ಹೆಚ್ಚು ಬಳಸಬೇಕು. ಇದನ್ನು ಚಟ್ನಿ ಮಾಡುವ ಮೂಲಕ ನಿಮ್ಮ ಆಹಾರದಲ್ಲಿ ಸೇರಿಸಿಕೊಳ್ಳಬಹುದು.

ಕೋಕಮ್ ರಸ : ನೀವು ಎಂದಾದರೂ ಮಸಾಲೆಯುಕ್ತ ಅಥವಾ ಜಂಕ್ ಆಹಾರವನ್ನು ಸೇವಿಸಿದರೆ ಅಥವಾ ತುಂಬಾ ಮಸಾಲೆಯುಕ್ತ ಆಹಾರವನ್ನು ಸೇವಿಸಿದರೆ, ಸ್ವಲ್ಪ ಸಮಯದ ನಂತರ ತಕ್ಷಣವೇ ಕೋಕಮ್ ರಸ ಅನ್ನು ಕುಡಿಯಿರಿ. ಕೊಂಕಣಿ ಜನ, ಕೋಕಂ ನಿಂದ ತಯಾರಿಸಿದ “ಸೋಲ್ಕಡಿ” ಎಂಬ ಪಾನೀಯವನ್ನು ಬಳಸುತ್ತಾರೆ. ಇದು ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ಒಳ್ಳೆಯ ಆಹಾರವಾಗಿದೆ.

ತೆಂಗಿನ ನೀರು : ತಾಪಮಾನದಲ್ಲಿ ತ್ವರಿತ ಏರಿಕೆ ದೇಹಕ್ಕೆ ಒಳ್ಳೆಯದಲ್ಲ. ಅಂತಹ ಸ್ಥಿತಿಯಲ್ಲಿ ನೀವು ತೆಂಗಿನ ನೀರನ್ನು ಸೇವಿಸಬಹುದು. ಇದು ವಿವಿಧ ಜೀವಸತ್ವಗಳು ಮತ್ತು ಖನಿಜಗಳಿಂದ ಕೂಡಿದೆ. ಬೇಸಿಗೆಯಲ್ಲಿ ದೇಹವನ್ನು ರೋಗಗಳಿಂದ ರಕ್ಷಿಸಲು ಅವು ಸಹಾಯ ಮಾಡುತ್ತವೆ. ಜೊತೆಗೆ, ಎಳೆನೀರು ದೇಹದ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ.

ಪುದೀನ ನೀರು: ಪುದೀನಾ ಎಲೆಗಳು ದೇಹಕ್ಕೆ ತಂಪು ನೀಡುವುದರ ಜೊತೆಗೆ ಉಲ್ಲಾಸವನ್ನು ನೀಡುತ್ತದೆ. ಇದರ ಹೊರತಾಗಿ, ಅದರ ಬ್ಯಾಕ್ಟೀರಿಯಾ ಮತ್ತು ಉರಿಯೂತರೋಧಕ ಗುಣಲಕ್ಷಣಗಳು ದೇಹವನ್ನು ಅನೇಕ ರೋಗಗಳಿಂದ ರಕ್ಷಿಸುತ್ತದೆ. ಅದಕ್ಕಾಗಿಯೇ ನೀವು ದೇಹವನ್ನು ಕ್ರಮೇಣ ತಂಪಾಗಿಸಲು ಪುದೀನಾ ನೀರನ್ನು ಕುಡಿಯಬಹುದು. ಇದು ದೇಹವನ್ನು ಜಲ್ಲಿಕರಿಸುವುದರ ಜೊತೆಗೆ ಸ್ನಾಯುವಿನ ಬಲವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಮಜ್ಜಿಗೆ : ಬೇಸಿಗೆಯಲ್ಲಿ ಮಜ್ಜಿಗೆ ನೀರು ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಮಜ್ಜಿಗೆಯ ತಂಪಾಗಿಸುವ ಪರಿಣಾಮವು ದೇಹದ ಉಷ್ಣತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮಜ್ಜಿಗೆ ಕೂಡ ಪೋಷಣೆ ನೀಡುತ್ತದೆ. ಶಾಖವನ್ನು ಎದುರಿಸಲು, ನೀವು ಪ್ರತಿದಿನ ಒಂದು ಲೋಟ ತಣ್ಣನೆಯ ಮಜ್ಜಿಗೆಯನ್ನು ಕುಡಿಯಬೇಕು. ಆದರೆ, ಯಾವುದೇ ಪಾನೀಯವನ್ನು ಫ್ರಿಜ್ಜಿನಲ್ಲಿ ಇರಿಸಿ ಕುಡಿಯಬೇಡಿ. ಪಾನಿಯಗಳನ್ನು ತಂಪುಗೊಳಿಸಲು ಮಣ್ಣಿನ ಮಡಕೆಯ ನೀರನ್ನು ಬಳಸಿ.

ಸಂಗ್ರಹ ಮತ್ತು ಸಂಪಾದನೆ: ಡಾ. ಪ್ರ. ಅ. ಕುಲಕರ್ಣಿ