ಜೂನ್ ತಿಂಗಳಲ್ಲಿ ದೇಶದ ಹಲವು ಭಾಗಗಳಲ್ಲಿ ಸುಮಾರು 40% ಮಳೆಯ ಕೊರತೆ ದಾಖಲಾಗಿದ್ದರೂ, ಜುಲೈ ಆರಂಭದಲ್ಲೇ ಸುರಿದ ಭಾರೀ ಮಳೆಯಿಂದ ಆ ಕೊರತೆ ವೇಗವಾಗಿ ಕಡಿಮೆಯಾಗುತ್ತಿದೆ. ದೇಶದ ಬಹುತೇಕ ಭಾಗಗಳಲ್ಲಿ ನೈಋತ್ಯ ಮುಂಗಾರು ಮತ್ತೆ ಚುರುಕುಗೊಂಡಿದ್ದು, ಮುಂದಿನ 7 ರಿಂದ 15 ದಿನಗಳವರೆಗೆ ಹಲವು ರಾಜ್ಯಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ತಜ್ಞರು ತಿಳಿಸಿದ್ದಾರೆ.
ಸ್ಕೈಮೆಟ್ ವೆದರ್‌ನ ಪಾಡ್‌ಕಾಸ್ಟ್‌ನಲ್ಲಿ ಸ್ಕೈಮೆಟ್ ಸಂಸ್ಥೆಯ”ಹವಾಮಾನ ಶಾಸ್ತ್ರ ಮತ್ತು ಹವಾಮಾನ ಬದಲಾವಣೆ” ವಿಭಾಗದ ಅಧ್ಯಕ್ಷ ಜಿ.ಪಿ. ಶರ್ಮಾ ಅವರು ಮಾತನಾಡುತ್ತಾ, ಮುಂಗಾರಿನ ಇತ್ತೀಚಿನ ಬೆಳವಣಿಗೆಗಳ ಕುರಿತು ವಿವರಿಸಿದ್ದಾರೆ.
ಮುಂದಿನ 7–15 ದಿನ ಏನಿರಲಿದೆ? : ದೇಶದ ಹಲವು ರಾಜ್ಯಗಳಲ್ಲಿ ಮುಂದಿನ ಒಂದು ವಾರ ಭಾರೀ ಮಳೆಯ ಮುನ್ಸೂಚನೆ ಇದೆ. ಕೆಲವು ಪ್ರದೇಶಗಳಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಗುವ ಸಾಧ್ಯತೆಯೂ ಇದೆ. ರಾಜಸ್ಥಾನ, ಹರಿಯಾಣ, ಪಂಜಾಬ್ ಹಾಗೂ ಸೌರಾಷ್ಟ್ರ ಭಾಗಗಳಿಗೆ ಮುಂಗಾರು ಸಂಪೂರ್ಣವಾಗಿ ವಿಸ್ತರಿಸುವ ಸಾಧ್ಯತೆ ಇದ್ದು ಜುಲೈ ಎರಡನೇ ವಾರದಲ್ಲಿ ಮುಂಗಾರು ಇನ್ನಷ್ಟು ಬಲಗೊಳ್ಳುವ ನಿರೀಕ್ಷೆ ಎಂದಿದ್ದಾರೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಫಾಲೋಮಾಡಲು ಇಲ್ಲಿ ಕ್ಲಿಕ್‌ ಮಾಡಿ
ಮುಂಗಾರು ಬಲಗೊಳ್ಳಲು ಕಾರಣವಾದ ಪ್ರಮುಖ ವ್ಯವಸ್ಥೆಗಳು ಏನು ? : ಜಿ.ಪಿ ಶರ್ಮಾ ಅವರ ಪ್ರಕಾರ, ಈ ಬಾರಿ ಮುಂಗಾರು ಚುರುಕಾಗಲು ಹಲವು ಹವಾಮಾನ ವ್ಯವಸ್ಥೆಗಳು ಒಟ್ಟಾಗಿ ಕೆಲಸ ಮಾಡುತ್ತಿವೆ. ಅವುಗಳು ಹೀಗಿವೆ,
- ಮಾನ್ಸೂನ್ ಟ್ರಫ್ (Monsoon Trough): ದೇಶದ ಉತ್ತರ ಭಾಗದಲ್ಲಿ ಮಳೆಯ ಪಟ್ಟಿಯನ್ನು ಸಕ್ರಿಯವಾಗಿರಿಸುತ್ತದೆ.
- ಬಂಗಾಳ ಕೊಲ್ಲಿಯ ವಾಯುಭಾರ ಕುಸಿತ (Low Pressure): ಹೆಚ್ಚಿನ ತೇವಾಂಶವನ್ನು ಒಳನಾಡಿನತ್ತ ಸೆಳೆದು ಮಳೆಯ ತೀವ್ರತೆಯನ್ನು ಹೆಚ್ಚಿಸುತ್ತದೆ.
- ಟ್ರಾಪಿಕಲ್ ಈಸ್ಟರ್‌ಲಿ ಜೆಟ್ (Tropical Easterly Jet): ಮೇಲ್ಮಟ್ಟದ ಗಾಳಿಯ ವೇಗ ಹೆಚ್ಚಿಸಿ ಮೋಡಗಳ ಬೆಳವಣಿಗೆಗೆ ನೆರವಾಗುತ್ತದೆ.
- ಟಿಬೆಟಿಯನ್ ಆಂಟಿಸೈಕ್ಲೋನ್ (Tibetan Anticyclone): ಮುಂಗಾರಿನ ವ್ಯವಸ್ಥೆಯನ್ನು ಸ್ಥಿರಗೊಳಿಸಲು ನೆರವಾಗುತ್ತದೆ.
- ಎಲ್ ನಿನೋ (El Niño): ಈ ಬಾರಿ ಇದರ ಪ್ರಭಾವ ಸೀಮಿತವಾಗಿರುವುದರಿಂದ ಮುಂಗಾರು ಚಟುವಟಿಕೆಗೆ ಹೆಚ್ಚಿನ ಅಡ್ಡಿಯಾಗಿಲ್ಲ.
ಮುಂದಿನ ಎರಡು ವಾರಗಳ ಅವಧಿಯಲ್ಲಿ ಮಳೆ ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ನದಿ ತೀರ ಪ್ರದೇಶಗಳು, ತಗ್ಗು ಪ್ರದೇಶಗಳು ಹಾಗೂ ಭೂಕುಸಿತ ಸಾಧ್ಯತೆಯಿರುವ ಗುಡ್ಡ ಪ್ರದೇಶಗಳಲ್ಲಿ ಮುನ್ನೆಚ್ಚರಿಕೆ ವಹಿಸುವಂತೆ ಕೂಡಾ ಅವರು ಸಲಹೆ ನೀಡಿದ್ದಾರೆ.
After a nearly 40% rainfall deficit in June, the southwest monsoon has made a strong comeback in early July. Heavy to very heavy rainfall is expected across several parts of India over the next 7–15 days as multiple weather systems strengthen monsoon activity.
