ಭಾರತದ ಬಂದರುಗಳು ಚೇತರಿಕೆ..! 915 ಮಿಲಿಯನ್ ಟನ್ ಸರಕು ಸಾಗಣೆ – ಶೇ.7 ಹೆಚ್ಚಳ ದಾಖಲೆ

2025-26ನೇ ಹಣಕಾಸು ವರ್ಷದಲ್ಲಿ ದೇಶದ ಪ್ರಮುಖ ಬಂದರುಗಳು ಒಟ್ಟು 915 ಮಿಲಿಯನ್ ಟನ್ ಸರಕು ಸಾಗಣೆ ದಾಖಲಿಸಿ, ವಾರ್ಷಿಕ ಗುರಿಯನ್ನು ಮೀರಿ ಶೇ.7ರಷ್ಟು ಹೆಚ್ಚಳ ಸಾಧಿಸಿವೆ. ಇದು ಸಾಗರ ವ್ಯಾಪಾರ ವಲಯದಲ್ಲಿ ಸ್ಪಷ್ಟವಾದ ಚೇತರಿಕೆ ಹಾಗೂ ಭಾರತವು ಜಾಗತಿಕ ಕಡಲ ವ್ಯಾಪಾರದಲ್ಲಿ ತನ್ನ ಸ್ಥಾನವನ್ನು ಬಲಪಡಿಸುತ್ತಿರುವುದಕ್ಕೆ ಸೂಚಕವಾಗಿದೆ.

ಬಂದರುಗಳು, ಹಡಗು ಸಾಗಣೆ ಮತ್ತು ಜಲಮಾರ್ಗಗಳ ಸಚಿವಾಲಯದ ಪ್ರಕಾರ, ಈ ಸಾಧನೆ ದಕ್ಷತೆ ಹೆಚ್ಚಳ, ಆಧುನಿಕ ಮೂಲಸೌಕರ್ಯ ಮತ್ತು ಸರಕಾರದ ಕಾರ್ಯತಂತ್ರದ ಹೂಡಿಕೆಗಳ ಫಲವಾಗಿದೆ. ಬಂದರುಗಳ ಆಧುನೀಕರಣ, ಲಾಜಿಸ್ಟಿಕ್ಸ್ ಸುಧಾರಣೆ ಮತ್ತು ವೇಗವಾದ ಸಾಗಣೆ ವ್ಯವಸ್ಥೆ ಅಭಿವೃದ್ಧಿ ಈ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸಿವೆ.

ಪ್ರಮುಖ ಬಂದರುಗಳ ಸಾಧನೆ:  ಈ ವರ್ಷದಲ್ಲಿ ಉತ್ತಮ ಕಾರ್ಯಕ್ಷಮತೆಯನ್ನು ತೋರಿದ ಬಂದರುಗಳಲ್ಲಿ, ದೀನದಯಾಳ್ ಬಂದರು ಪ್ರಾಧಿಕಾರ – ಮೊದಲ ಸ್ಥಾನ,  ಪಾರದೀಪ್ ಬಂದರು ಪ್ರಾಧಿಕಾರ – ದ್ವಿತೀಯ ಸ್ಥಾನ, ಜವಾಹರಲಾಲ್ ನೆಹರು ಬಂದರು ಪ್ರಾಧಿಕಾರ – ತೃತೀಯ ಸ್ಥಾನ.ಈ ಬಂದರುಗಳ ನಿರಂತರ ಬೆಳವಣಿಗೆ ದೇಶದ ಸಮಗ್ರ ಸಾಗರ ಆರ್ಥಿಕತೆಯ ಬಲವರ್ಧನೆಗೆ ಕಾರಣವಾಗಿದೆ.

ಕೇಂದ್ರ ಬಂದರುಗಳು, ಹಡಗು ಸಾಗಣೆ ಮತ್ತು ಜಲಮಾರ್ಗಗಳ ಸಚಿವ ಸರ್ಬಾನಂದ ಸೋನೋವಾಲ್  ಅವರು,  “ಈ ದಾಖಲೆಯ ಸರಕು ನಿರ್ವಹಣೆ ಭಾರತದ ಕಡಲ ವಲಯದ ಶಕ್ತಿಯನ್ನು ತೋರಿಸುತ್ತದೆ. Narendra Modi ಅವರ ನೇತೃತ್ವದಲ್ಲಿ, ವಿಶ್ವದರ್ಜೆಯ ಬಂದರು ಮೂಲಸೌಕರ್ಯ ನಿರ್ಮಾಣ ಮತ್ತು seamless ಲಾಜಿಸ್ಟಿಕ್ಸ್ ವ್ಯವಸ್ಥೆ ನಿರ್ಮಾಣ ನಡೆಯುತ್ತಿದೆ,” ಎಂದು ತಿಳಿಸಿದ್ದಾರೆ.

India’s major ports handled a record 915 million tonnes of cargo in FY 2025–26, achieving a 7% growth beyond targets. This reflects strong recovery in the maritime sector, improved efficiency, and strategic investments in port infrastructure. Deendayal Port ranked first, followed by Paradip and JNPT. The government credits reforms and modernization under PM Narendra Modi’s leadership for this achievement.