ಪಶ್ಚಿಮ ಏಷ್ಯಾ ಯುದ್ಧದ ಪರಿಣಾಮ | ಭಾರತೀಯ ಟಯರ್ ಉದ್ಯಮಕ್ಕೆ ತುರ್ತು ನೆರವಿನ ಬೇಡಿಕೆ

ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧದ ಪರಿಣಾಮವಾಗಿ ಭಾರತೀಯ ಟಯರ್ ಉದ್ಯಮದ ಮೇಲೆ ಗಂಭೀರ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಉದ್ಯಮ ಸಂಘಟನೆ ಸರ್ಕಾರದ ನೆರವು ಕೋರಿ ಮನವಿ ಸಲ್ಲಿಸಿದೆ.

ಯುದ್ಧದಿಂದ ಟಯರ್ ರಫ್ತು ವ್ಯತ್ಯಯಗೊಳ್ಳುವ ಸಾಧ್ಯತೆ, ಕಚ್ಚಾ ವಸ್ತುಗಳ ವೆಚ್ಚ ಏರಿಕೆ ಹಾಗೂ ಲಾಜಿಸ್ಟಿಕ್ಸ್ ಸವಾಲುಗಳು ಹೆಚ್ಚಾಗುವ ಆತಂಕ ವ್ಯಕ್ತವಾಗಿದೆ ಎಂದು ಉದ್ಯಮ ಸಂಘಟನೆ ತಿಳಿಸಿದೆ.

ಭಾರತವು ಪ್ರತಿವರ್ಷ ಸುಮಾರು 250–260 ಮಿಲಿಯನ್ ಡಾಲರ್ ಮೌಲ್ಯದ ಟಯರ್ ಗಳನ್ನು ಪಶ್ಚಿಮ ಏಷ್ಯಾಕ್ಕೆ ರಫ್ತು ಮಾಡುತ್ತದೆ, ಈ ಮಾರುಕಟ್ಟೆ ಯುದ್ಧದಿಂದ ಹೊಡೆತ ಅನುಭವಿಸುವ ಸಾಧ್ಯತೆ ಇದೆ ಎಂದು ತಿಳಿಸಲಾಗಿದೆ.

ಇದೇ ವೇಳೆ, ನೈಸರ್ಗಿಕ ಅನಿಲ ಮತ್ತು LPG ಮುಂತಾದ ಇಂಧನಗಳು ಟಯರ್ ಉತ್ಪಾದನೆಯಲ್ಲಿ ಪ್ರಮುಖವಾಗಿರುವುದರಿಂದ ಟಯರ್ ಉದ್ಯಮ ಹಾಗೂ ಅದರ ಸರಬರಾಜು ಸರಪಳಿಯನ್ನು ಅತ್ಯಾವಶ್ಯಕ ಕ್ಷೇತ್ರ ಎಂದು ವರ್ಗೀಕರಿಸುವಂತೆ ಸರ್ಕಾರವನ್ನು ಉದ್ಯಮ ಸಂಘಟನೆ ಮನವಿ ಮಾಡಿದೆ.

ಕ್ರೂಡ್ ಆಯಿಲ್ ಬೆಲೆ ಅಸ್ಥಿರತೆಯೂ ಟಯರ್ ಉತ್ಪಾದನೆಗೆ ದೊಡ್ಡ ಹೊಡೆತ ನೀಡಬಹುದು. ಏಕೆಂದರೆ ಟಯರ್ ಉತ್ಪಾದನೆ ವೆಚ್ಚದಲ್ಲಿ 60–70% ವರೆಗೆ ಕ್ರೂಡ್ ಆಯಿಲ್ ಉತ್ಪನ್ನಗಳ ಪಾಲು ಇದೆ, ಇದರಿಂದ ವೆಚ್ಚ ಒತ್ತಡ ಹೆಚ್ಚಾಗುತ್ತಿದೆ ಎಂದು ತಿಳಿಸಲಾಗಿದೆ.

ಇದೇ ವೇಳೆ, ಹಾರ್ಮುಜ್ ಜಲಸಂಧಿ ಹಾಗೂ ಸೂಯೆಝ್ ಕಾಲುವೆ ಮಾರ್ಗಗಳಲ್ಲಿ ಉಂಟಾಗುವ ವ್ಯತ್ಯಯಗಳು ಯುರೋಪ್, ಅಮೆರಿಕಾ ಮತ್ತು ಆಫ್ರಿಕಾ ಮಾರುಕಟ್ಟೆಗಳಿಗೂ ರಫ್ತಿಗೆ ತೊಂದರೆ ಉಂಟುಮಾಡಬಹುದು ಎಂದು ಉದ್ಯಮ ಎಚ್ಚರಿಸಿದೆ.

India’s tyre industry has sought government support amid the ongoing West Asia conflict, citing risks of export disruptions, rising crude-linked input costs and logistical challenges. The industry has urged policy measures and essential sector classification to ensure uninterrupted fuel supply and maintain competitiveness.