ರಬ್ಬರ್ (Rubber) ಬೆಳೆಗಾರರಿಗೆ ಮತ್ತೆ ನಿರೀಕ್ಷೆ ಹುಟ್ಟಿಸಿದೆ. ರಬ್ಬರ್ ಧಾರಣೆ ನಿಧಾನವಾಗಿ ಏರಿಕೆ ಕಾಣುತ್ತಿದೆ. ರಬ್ಬರ್ ಉತ್ಪಾದನೆಗಿಂತ ಬೇಡಿಕೆ ಹೆಚ್ಚಾಗಿದೆ ಕಳೆದ 10 ವರ್ಷಗಳಿಂದ ಭಾರತದಲ್ಲಿ ರಬ್ಬರ್ ಬೆಲೆಗಳು ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಬೆಲೆಗಳನ್ನು ಮೀರಿ ಏರಿಕೆ ಕಂಡಿದೆ.ರಬ್ಬರ್ ಉತ್ಪಾದನೆಯು ಶೇ.2 ಹೆಚ್ಚಾಗಿದ್ದರೆ ಬಳಕೆ ಶೇ.5.4 ರಷ್ಟು ಏರಿಕೆಯಾಗಿದೆ.
ಭಾರತೀಯ ರಬ್ಬರ್ ಬೆಲೆ ಹತ್ತು ವರ್ಷಗಳಿಗಿಂತಲೂ ಹೆಚ್ಚು ಕಾಲ ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಬೆಲೆಗಳಿಗಿಂತ ಕಡಿಮೆ ಇತ್ತು. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಉತ್ಪಾದನೆಯು ಏಪ್ರಿಲ್-ಜನವರಿ ಅವಧಿಯಲ್ಲಿ ಹಿಂದಿನ ವರ್ಷದ ಉತ್ಪಾದನೆಯನ್ನು ಮೀರಿಸಿದೆ. ಧಾರಣೆಯೂ ಏರಿಕೆ ಕಂಡಿದೆ. ಈ ವರ್ಷ ಭಾರತವು ಶೇಕಡಾ 11.2 ರಷ್ಟು ಕಡಿಮೆ ನೈಸರ್ಗಿಕ ರಬ್ಬರ್ ಆಮದು ಮಾಡಿಕೊಂಡಿದೆ ಎಂದು ರಬ್ಬರ್ ಮಂಡಳಿಯ ಕಾರ್ಯನಿರ್ವಾಹಕ ನಿರ್ದೇಶಕ ಎಂ.ವಸಂತೇಶನ್ ಹೇಳಿದ್ದಾರೆ.
2022-23ರ ಏಪ್ರಿಲ್-ಜನವರಿ ಅವಧಿಯಲ್ಲಿ ದೇಶದಲ್ಲಿ ರಬ್ಬರ್ ಉತ್ಪಾದನೆ 7,25,000 ಮೆಟ್ರಿಕ್ ಟನ್ ಆಗಿತ್ತು ಮತ್ತು 2023-24ರಲ್ಲಿ ಇದು 7,39,000 ಮೆಟ್ರಿಕ್ ಟನ್ಗೆ ಏರಿದೆ. 2023-24ರ ಏಪ್ರಿಲ್-ಜನವರಿ ಅವಧಿಯಲ್ಲಿ ರಬ್ಬರ್ ಬಳಕೆ ಶೇಕಡಾ 5.4 ರಷ್ಟು ಏರಿಕೆಯಾಗಿ 1,17,900 ಮೆಟ್ರಿಕ್ ಟನ್ ತಲುಪಿದೆ.2023-24ರ ಏಪ್ರಿಲ್ನಿಂದ ಜನವರಿವರೆಗೆ ಭಾರತವು 4,10,770 ಮೆಟ್ರಿಕ್ ಟನ್ ರಬ್ಬರ್ ಅನ್ನು ಆಮದು ಮಾಡಿಕೊಂಡಿದೆ. ಇದು ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇಕಡಾ 11.2 ರಷ್ಟು ಕಡಿಮೆಯಾಗಿದೆ.
ಬೆಲೆಗಳು ಸ್ಪರ್ಧಾತ್ಮಕವಾಗಿಲ್ಲದ ಕಾರಣದಿಂದ ಕಳೆದ ಕೆಲ ವರ್ಷಗಳಿಂದ ಭಾರತದ ರಬ್ಬರ್ ರಫ್ತು ಪ್ರಮಾಣ ನಗಣ್ಯವಾಗಿದೆ. ಮಾರುಕಟ್ಟೆ ಅವಕಾಶವನ್ನು ಅನ್ವೇಷಿಸಲು, ರಬ್ಬರ್ ಮಂಡಳಿಯ ಕಾರ್ಯನಿರ್ವಾಹಕ ನಿರ್ದೇಶಕ ಎಂ.ವಸಂತೇಶನ್ ಅವರು ಮಾರ್ಚ್ 15 ರಂದು ಕೊಟ್ಟಾಯಂ (ಕೇರಳ) ನಲ್ಲಿರುವ ಮಂಡಳಿಯ ಪ್ರಧಾನ ಕಚೇರಿಯಲ್ಲಿ ಹೈಬ್ರಿಡ್ ಮೋಡ್ ಕುರಿತು ರಬ್ಬರ್ ರಫ್ತುದಾರರು ಮತ್ತು ರಬ್ಬರ್ ಮಂಡಳಿ ಕಂಪನಿಗಳ ಸಭೆ ನಡೆಸಲಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಅನೇಕ ಸಮಯಗಳ ನಂತರ, ಭಾರತೀಯ ರಬ್ಬರ್ ಬೆಲೆ ಏರಿಕೆಯಾಗಿದೆ ಮತ್ತು ಜನವರಿ 2024 ರಲ್ಲಿ ಬ್ಯಾಂಕಾಕ್ ಬೆಲೆಗಳಿಗಿಂತ ಹೆಚ್ಚಳವಾಗಿತ್ತು. ಆಗ್ನೇಯ ಏಷ್ಯಾದ ದೇಶಗಳಲ್ಲಿ ಚಳಿಗಾಲ ಮತ್ತು ನವೆಂಬರ್-ಡಿಸೆಂಬರ್ ಅವಧಿಯಲ್ಲಿನ ಪ್ರತಿಕೂಲ ಹವಾಮಾನದ ಕಾರಣದಿಂದಾಗಿ ಉತ್ಪಾದನೆಯು 2023-24ರ ಅವಧಿಯಲ್ಲಿ 7,39,000 ಟನ್ಗಳಿಗೆ ಏರಿಕೆಯಾಗಿದೆ.
ಸದ್ಯ ಶೀಟ್ ರಬ್ಬರ್ ರಫ್ತಿಗೆ, ಭಾರತ ಸರ್ಕಾರವು ಪ್ರೋತ್ಸಾಹವನ್ನು ನೀಡುತ್ತಿದೆ. ರಬ್ಬರ್ ಬೋರ್ಡ್ ‘ಇಂಡಿಯನ್ ನ್ಯಾಚುರಲ್ ರಬ್ಬರ್’ ಬ್ರಾಂಡ್ ಅಡಿಯಲ್ಲಿ ಭಾರತೀಯ ರಬ್ಬರ್ ಉತ್ತೇಜಿಸುತ್ತಿದೆ.
A senior Rubber Board official said that 11.2 per cent less natural rubber was imported by India this year. He said that India’s rubber production during the current fiscal surpassed the previous year’s production in the April-January period.During April-January 2022-23, rubber production in the country was 7,25,000 metric tons and it increased to 7,39,000 metric tonnes during 2023-24.
ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಮುಂದಿನ ಕೆಲವು ದಿನಗಳ ಕಾಲ ಉ ತ್ತಮ ಮಳೆಯ…
ಕರ್ನಾಟಕದಲ್ಲಿ ಮಳೆಯ ಚಟುವಟಿಕೆ ಮತ್ತೆ ಹೆಚ್ಚಾಗುವ ಸೂಚನೆ ದೊರೆತಿದ್ದು, ಮುಂದಿನ ಏಳು ದಿನಗಳ…
ಭಾರತದ ತೆಂಗಿನಕಾಯಿ ರಫ್ತು ಮೌಲ್ಯ ಒಂದೇ ವರ್ಷದಲ್ಲಿ ಶೇ.62ರಷ್ಟು ಏರಿಕೆಯಾಗಿ ₹7,038 ಕೋಟಿಗೆ…
ಒಡಿಶಾದ ಬಾಲಸೋರ್ನಲ್ಲಿ ಸಮುದ್ರ ಮಾರ್ಗದ ಮೂಲಕ ಅಡಿಕೆ ಸಾಗಾಟದ ಹಲವು ಪ್ರಕರಣಗಳು ಪತ್ತೆಯಾಗಿದ್ದು,…
ಕರ್ನಾಟಕದ ಹಲವು ಭಾಗಗಳಲ್ಲಿ ಮಳೆ ಮುಂದುವರಿಯುವ ಸೂಚನೆ ಇದ್ದು, ಸೆ.22ರಿಂದ ಕರಾವಳಿ–ಮಲೆನಾಡಿನಲ್ಲಿ ಮಳೆ…
ತಂದೆಯ ನೆನಪಿಗಾಗಿ ಇಂದೋರ್ನ ವ್ಯಕ್ತಿಯೊಬ್ಬರು ಗೋಮಯದಿಂದ ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳನ್ನು ತಯಾರಿಸಿ…