ಕೊರೋನಾ ವೈರಸ್‌ ಲಸಿಕೆ| 60 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ನಾಲ್ಕನೇ ಡೋಸ್ ನೀಡಲು ಅನುಮೋದಿಸಿದ ಇಸ್ರೇಲ್ |

January 3, 2022

11:06 AM

ಮಿರರ್‌ ಡೆಸ್ಕ್‌

ಇಸ್ರೇಲ್ ದೇಶವು 50,000 ಹೊಸ ಕೊರೋನಾ ವೈರಸ್ ಪ್ರಕರಣಗಳನ್ನು ನೋಡುವ ಸಾಧ್ಯತೆಯಿದೆ. ಆದುದರಿಂದ ಪೈಜರ್ ಅಭಿವೃದ್ಧಿಪಡಿಸಿದ ಲಸಿಕೆಯ ನಾಲ್ಕನೇ ಡೋಸ್ ಅನ್ನು ದೇಶದ ಆರೋಗ್ಯ ಸಚಿವಾಲಯವು 60 ವರ್ಷಕ್ಕಿಂತ ಮೇಲ್ಪಟ್ಟ ಜನರಿಗೆ ಮತ್ತು ಕನಿಷ್ಠ ನಾಲ್ಕು ತಿಂಗಳ ಹಿಂದೆ ಮೂರನೇ ಡೋಸ್ ಪಡೆದ ವೈದ್ಯಕೀಯ ಸಿಬ್ಬಂದಿಗೆ ಅನುಮೋದಿಸಿದೆ ಎಂದು ಇಸ್ರೇಲಿ ಪ್ರಧಾನಿ ನಫ್ತಾಲಿ ಬೆನೆಟ್ ಹೇಳಿದರು.

ಇಸ್ರೇಲ್‌ನ 9.45 ಮಿಲಿಯನ್ ಜನಸಂಖ್ಯೆಯ ಸುಮಾರು 70 ಪ್ರತಿಶತದಷ್ಟು ಜನರು ಕನಿಷ್ಠ ಒಂದು ಡೋಸ್ ಲಸಿಕೆಯನ್ನು ಪಡೆದಿದ್ದಾರೆ ಮತ್ತು ಸುಮಾರು 45 ಪ್ರತಿಶತ ಇಸ್ರೇಲಿಗಳು ಎಲ್ಲಾ ಮೂರು ಡೋಸ್‌ಗಳನ್ನು ಸ್ವೀಕರಿಸಿದ್ದಾರೆ ಎಂದು ಆರೋಗ್ಯ ಸಚಿವಾಲಯವು ಭಾನುವಾರ ಮಾಹಿತಿಯನ್ನು ನೀಡಿದೆ.

ಗುರುವಾರದಂದು ಇಸ್ರೇಲ್ ಕಡಿಮೆ ರೋಗ ನಿರೋಧಕ ಶಕ್ತಿ ಹೊಂದಿರುವ ಜನರಿಗೆ ಹಾಗೂ ಮನೆಗಳಲ್ಲಿ ವಾಸಿಸುವ ವಯಸ್ಸಾದವರಿಗೆ ನಾಲ್ಕನೇ ಲಸಿಕೆ ಶಾಟ್ ಅನ್ನು ನೀಡಲಾಗಿದೆ ಎಂದು ತಿಳಿದು ಬಂದಿದೆ.