ಇಸ್ರೋ ಸಾಟಲೈಟ್ ಮೂಲಕ ಕಳುಹಿಸುವ ಭೂಮಿಯ ಹಲವಾರು ಚಿತ್ರಗಳನ್ನು, ವಿಡಿಯೋಗಳನ್ನು ಕಂಡಿದ್ದೇವೆ. ಹಸಿರು ಮತ್ತು ನೀಲಿಯಿಂದ ಸಂಪೂರ್ಣಗೊಂಡಿದ್ದ ಭೂಮಿ ಇದೀಗ ಕೆಂಪು ಬಣ್ಣಕ್ಕೆ ತಿರುಗಿದ್ಯಂತೆ.
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಇತ್ತೀಚೆಗೆ ಭೂಮಿಗೆ ಸಂಬಂಧಿಸಿದ 5 ಚಿತ್ರಗಳನ್ನು ಬಿಡುಗಡೆ ಮಾಡಿದೆ. ಆ ಫೋಟೋಗಳಲ್ಲಿ ಭೂಮಿ ಕೆಂಪಾಗಿ ಕಾಣುತ್ತದೆ. ನೈಸರ್ಗಿಕ ನೀಲಿ ಬಣ್ಣಕ್ಕೆ ಬದಲಾಗಿ ಕೆಂಪು ಬಣ್ಣ ಯಾವುದು ಎಂದು ಎಲ್ಲರೂ ಆಶ್ಚರ್ಯ ಪಡುತ್ತಿದ್ದಾರೆ. ಬಾಹ್ಯಾಕಾಶದಲ್ಲಿರುವ ಉಪಗ್ರಹಗಳಿಂದ ಭೂಮಿಯನ್ನು ನೋಡಿದಾಗ ಈ ರೀತಿ ಕಾಣುತ್ತದೆ ಎಂದು ಇಸ್ರೋ ಹೇಳಿದೆ.
ಇಸ್ರೋ ಶೇರ್ ಮಾಡಿದ ಫೋಟೋ ಈಗ ಭಾರೀ ಸದ್ದು ಮಾಡ್ತಾ ಇದೆ. ಯಾಕಂದರೆ ಭೂಮಿ ಹಸಿರು, ನೀಲಿಯಿಂದ ಕೂಡಿತ್ತು. ಆದರೆ, ಈ ಫೋಟೋದಲ್ಲಿ ಕೆಂಪಾಗಿ ಕಾಣಬಹುದು. ನೆಟಿಜನ್ಗಳು ನಿಜಕ್ಕೂ ಶಾಕ್ ಆಗಿದ್ದಾರೆ.
ವಾಸ್ತವವಾಗಿ ಇವು ನಿಜವಾದ ಭೂಮಿಯ ಬಣ್ಣಗಳಲ್ಲ. ಆದರೆ, EOS-06 ಉಪಗ್ರಹದಿಂದ ಭೂಮಿಯನ್ನು ಈ ಬಣ್ಣಗಳಲ್ಲಿ ನೋಡಲಾಗಿದೆ. ಈ ಉಪಗ್ರಹವು ಸಾಗರ ಬಣ್ಣದ ಮಾನಿಟರ್ ಹೊಂದಿದೆ. ಅದರ ಮೂಲಕ ಭೂಮಿಯು ಹೇಗಿತ್ತು ಎಂಬುದನ್ನು ಆ ಉಪಗ್ರಹ ಒದಗಿಸಿದ ದತ್ತಾಂಶವನ್ನು ತೆಗೆದುಕೊಂಡು ನ್ಯಾಷನಲ್ ರಿಮೋಟ್ ಸೆನ್ಸಿಂಗ್ ಸೆಂಟರ್ (NRSC) ಜೊತೆಗೂಡಿ ISRO 2939 ಫೋಟೋಗಳನ್ನು ಒಟ್ಟುಗೂಡಿಸಿ ಈ 5 ಫೋಟೋಗಳನ್ನು ರಚಿಸಿದೆ.
2939 ಫೋಟೋಗಳಲ್ಲಿ ಪ್ರತಿಯೊಂದೂ 1 ಕಿಲೋಮೀಟರ್ ರೆಸಲ್ಯೂಶನ್ ಹೊಂದಿದೆ. ಒಟ್ಟು 300 GB ಡೇಟಾವನ್ನು ಪ್ರಕ್ರಿಯೆಗೊಳಿಸಲಾಗಿದೆ. ಭೂಮಿಯು ಹೊಚ್ಚಹೊಸದಾಗಿ ಕಾಣುತ್ತಿತ್ತು. ಈ ಫೋಟೋಗಳನ್ನು ಫೆಬ್ರವರಿ 1 ಮತ್ತು 15, 2023 ರ ನಡುವೆ ತೆಗೆದುಕೊಳ್ಳಲಾಗಿದೆ ಎಂದು ಇಸ್ರೋ ಹೇಳಿದೆ.
ಇಸ್ರೋದ ಓಷನ್ ಕಲರ್ ಮಾನಿಟರ್ (OCM) ನಮ್ಮ ಭೂಮಿಯನ್ನು 13 ವಿಭಿನ್ನ ತರಂಗಾಂತರಗಳಲ್ಲಿ ಗಮನಿಸುತ್ತದೆ. ಹೀಗಾಗಿ ಇದು ಭೂಮಿ, ನೀರು ಮತ್ತು ಸಾಗರಗಳ ಅತ್ಯಂತ ವಿವರವಾದ ಡೇಟಾವನ್ನು ಒದಗಿಸುತ್ತದೆ. OCM ಎಷ್ಟು ಚೆನ್ನಾಗಿ ಕೆಲಸ ಮಾಡುತ್ತದೆ ಎಂದರೆ ಅದು ಸಾಗರಗಳ ಒಳಗೆ ಎಲ್ಲೋ ಕಾಡುಗಳನ್ನು ಪತ್ತೆ ಮಾಡುತ್ತದೆ.
ಇಸ್ರೋ ಈ ಫೋಟೋಗಳನ್ನು ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿದೆ. ಇವು ನೆಟಿಜನ್‌ಗಳಿಗೆ ಇಷ್ಟವಾಗಿವೆ. ಅದೇ ಸಮಯದಲ್ಲಿ ಆಶ್ಚರ್ಯ. ಒಬ್ಬ ಬಳಕೆದಾರರು, “ಈ ಫೋಟೋಗಳು ಮನಸ್ಸಿಗೆ ಮುದನೀಡುತ್ತವೆ” ಎಂದು ಕಾಮೆಂಟ್ ಮಾಡಿದ್ದಾರೆ.
ಭೂಮಿಯ ಸಾಮಾನ್ಯ ಬಣ್ಣಗಳ ಹೊರತಾಗಿ, ಅಂತಹ ಬಣ್ಣಗಳನ್ನು ಏಕೆ ಹೊಂದಿದೆ? ಅದಕ್ಕೂ ಮೇಲಾಗಿ ಸಮುದ್ರದೊಳಗಿನ ಕಾಡುಗಳನ್ನು ಗುರುತಿಸಲು ಈ ಬಣ್ಣಗಳಿವೆ ಎಂದು ತಿಳಿಸಿದ್ದಾರೆ ವಿಜ್ಞಾನಿಗಳು. ಆದ್ದರಿಂದ ಇವು ಭೂಮಿಗೆ ಸೂಕ್ತವಾದ ಬಣ್ಣಗಳು ಎಂದು ಅವರು ಹೇಳುತ್ತಾರೆ. ಇದರ ಮೂಲಕ ಆಳವಾದ ನೀಲಿ ಸಮುದ್ರಗಳು ಮತ್ತು ದಟ್ಟವಾದ ಕಾಡುಗಳು ಎಲ್ಲವೂ ಸ್ಪಷ್ಟವಾಗಿ ಗೋಚರಿಸುತ್ತವೆ ಎಂದು ಹೇಳಲಾಗುತ್ತದೆ.
