ಬೇಕಾಗುವ ಸಾಮಗ್ರಿಗಳು : ಹಲಸಿನ ಕಾಯಿ – 1 ¼ ಕಪ್ (ಕಟ್ ಮಾಡಿ ಕ್ಲೀನ್ ಮಾಡಿದದ್ದು), ಗರಂ ಮಸಾಲಾ – ½ ಚಮಚ, ಚಾಟ್ ಮಸಾಲಾ – ¼ ಚಮಚ, ಜೀರಿಗೆ ಪುಡಿ – 1 ಚಮಚ, ಕೊತ್ತಂಬರಿ ಪುಡಿ – 1 ಚಮಚ, ಕಸೂರಿ ಮೇತಿ – ಸ್ವಲ್ಪ, ಜೀರಿಗೆ – ಸ್ವಲ್ಪ, ಅರಿಶಿನ ಪುಡಿ – ಸ್ವಲ್ಪ, ಓಂ ಕಾಳು – ¼ ಚಮಚ, ಉಪ್ಪು – ರುಚಿಗೆ ತಕ್ಕಷ್ಟು, ಹಸಿಮೆಣಸಿನ ಕಾಯಿ – 2 (ಚಿಕ್ಕದಾಗಿ ಕಟ್ ಮಾಡಿದದ್ದು), ಶುಂಠಿ–ಬೆಳ್ಳುಳ್ಳಿ ಪೇಸ್ಟ್ – ¼ ಚಮಚ, ಕರಿಬೇವಿನ ಸೊಪ್ಪು – ಸ್ವಲ್ಪ, ಈರುಳ್ಳಿ – 1 (ಚಿಕ್ಕದಾಗಿ ಕಟ್ ಮಾಡಿದದ್ದು)
ಹಿಟ್ಟು ತಯಾರಿಸಲು
- ಕಡಲೆ ಹಿಟ್ಟು – ½ ಕಪ್
- ಅಕ್ಕಿ ಹಿಟ್ಟು – 2 ಚಮಚ
- ಮೆಣಸಿನ ಪುಡಿ – ಸ್ವಲ್ಪ
- ಹಿಂಗು – ಸ್ವಲ್ಪ
- ಉಪ್ಪು – ಸ್ವಲ್ಪ
- ನೀರು – ಅಗತ್ಯಕ್ಕೆ ತಕ್ಕಷ್ಟು
- ಚೀಸ್ ಕ್ಯೂಬ್ಗಳು – ಅಗತ್ಯಕ್ಕೆ ತಕ್ಕಷ್ಟು (ಬೇಕಾದರೆ ಮಾತ್ರಾ)
ಮಾಡುವ ವಿಧಾನ : ಮೊದಲಿಗೆ ಹಲಸಿನ ಕಾಯಿಗೆ ಸ್ವಲ್ಪ ಉಪ್ಪು, ನೀರು ಮತ್ತು ¼ ಚಮಚ ಎಣ್ಣೆ ಹಾಕಿ ಚೆನ್ನಾಗಿ ಬೇಯಿಸಿ. ಬೇಯಿಸಿದ ನಂತರ ನೀರನ್ನು ತೆಗೆದು, ಹಲಸಿನ ಕಾಯಿಯನ್ನು ನುಣ್ಣಗೆ ಹುಡಿ ಮಾಡಿ. ಇದಕ್ಕೆ ಗರಂ ಮಸಾಲಾ, ಚಾಟ್ ಮಸಾಲಾ, ಜೀರಿಗೆ ಪುಡಿ, ಕೊತ್ತಂಬರಿ ಪುಡಿ, ಕಸೂರಿ ಮೇತಿ, ಜೀರಿಗೆ, ಅರಿಶಿನ ಪುಡಿ ಸೇರಿಸಿ. ನಂತರ ಓಂ ಕಾಳು, ಹಸಿಮೆಣಸಿನ ಕಾಯಿ, ಶುಂಠಿ–ಬೆಳ್ಳುಳ್ಳಿ ಪೇಸ್ಟ್, ಕರಿಬೇವಿನ ಸೊಪ್ಪು ಮತ್ತು ಈರುಳ್ಳಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಈ ಮಿಶ್ರಣವನ್ನು ಸಣ್ಣ ಉಂಡೆಗಳಾಗಿ ಮಾಡಿ ಇಟ್ಟುಕೊಳ್ಳಿ.
ಹಿಟ್ಟು ತಯಾರಿ : ಒಂದು ಪಾತ್ರೆಯಲ್ಲಿ ಕಡಲೆ ಹಿಟ್ಟು, ಅಕ್ಕಿ ಹಿಟ್ಟು, ಮೆಣಸಿನ ಪುಡಿ, ಹಿಂಗು, ಉಪ್ಪು ಹಾಕಿ. ನೀರು ಸೇರಿಸಿ ಮಧ್ಯಮ ಗಟ್ಟಿತನದ ಹಿಟ್ಟನ್ನು ತಯಾರಿಸಿ.
ಬೋಂಡಾ ಕರಿಯುವುದು : ತಯಾರಿಸಿದ ಉಂಡೆಗಳನ್ನು ಹಿಟ್ಟಿನಲ್ಲಿ ಅದ್ದಿ. ಕಾದ ಎಣ್ಣೆಯಲ್ಲಿ ಹಾಕಿ ಕೆಂಪಾಗಿ, ಕರಕರೆಯಾಗುವವರೆಗೆ ಕರಿಯಿರಿ. ಚೀಸ್ ಬೋಂಡಾ ಮಾಡಲು, ಉಂಡೆಯ ಮಧ್ಯದಲ್ಲಿ ಚೀಸ್ ತುಂಡು ಇಟ್ಟು ಉಂಡೆ ಮಾಡಿ, ಹಿಟ್ಟಿನಲ್ಲಿ ಅದ್ದಿ ಕರಿಯಿರಿ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿ ಬಿಸಿ ಹಲಸಿನ ಕಾಯಿ ಬೋಂಡಾವನ್ನು ತೆಂಗಿನ ಚಟ್ನಿ ಅಥವಾ ಟೊಮ್ಯಾಟೊ ಸಾಸ್ ಜೊತೆ ಸರ್ವ್ ಮಾಡಿದರೆ ಇನ್ನಷ್ಟು ರುಚಿಯಾಗಿರುತ್ತದೆ.
Jackfruit bonda is a crispy and delicious snack made using boiled jackfruit mixed with spices, coated in gram flour batter, and deep fried. It can also be made with a cheese filling for extra flavor. It is a perfect traditional evening snack.