ಚಳಿಗಾಲದಲ್ಲಿ ತ್ವಚೆಯನ್ನು ಪೋಷಿಸುವ “ಕೋಕಮ್ ಎಣ್ಣೆ” : ಏನಿದರ ಪ್ರಯೋಜನ..?

ಕೋಕಮ್(Kokum) ಇದು ಮರಾಠಿ, ಗುಜರಾತಿ ಶಬ್ದ, ಇಂಗ್ಲೀಷ್‌ನಲ್ಲೂ ಬಳಕೆಯಾಗುತ್ತದೆ. ಇದನ್ನು ತಮಿಳು ಹಾಗೂ ಕನ್ನಡದಲ್ಲಿ ಮುರುಗಲ, ಕನ್ನಡ ಹಾಗೂ ತುಳುವಿನಲ್ಲಿ ಪುನರ್ಪುಳಿ ಎಂದು ಕರೆಯಲಾಗುತ್ತದೆ. ಉತ್ತರ ಕರ್ನಾಟಕದಲ್ಲಿ ಆಮ್ಸುಲ್ ಎಂದು ಕೂಡ ಕರೆಯುತ್ತಾರೆ. ಇದು ಮರಾಠಿ ಮೂಲದ ಶಬ್ದ. ಕರ್ನಾಟಕದ(Karnataka) ಬೇರೆ ಬೇರೆ ಭಾಗಗಳಲ್ಲಿ ಇನ್ನೂ ಅನೇಕ ಹೆಸರಿನಿಂದ ಕೋಕಮ ಅನ್ನು ಕರೆಯಲಾಗುತ್ತದೆ.

Advertisement

ಚಳಿಗಾಲ(Winter) ಬಂತೆಂದರೆ ಟಿವಿಯಲ್ಲಿ ‘ವ್ಯಾಸಲಿನ್’, ‘ಬಾಡಿ ಲೋಷನ್(Body Lotion0)’ ಜಾಹೀರಾತುಗಳು ಸಾಕಷ್ಟು ಕಂಡು ಬರುತ್ತವೆ. ಏಕೆಂದರೆ, ಚಳಿಗಾಲದಲ್ಲಿ ನಮ್ಮ ಚರ್ಮವು(Skin) ಒರಟಾಗಲು ಪ್ರಾರಂಭಿಸುತ್ತದೆ. ಪರಿಣಾಮವಾಗಿ ಶುಷ್ಕ ಮತ್ತು ಫ್ಲಾಕಿ ಚರ್ಮವನ್ನು ಪೋಷಿಸಲು, ದೇಹಕ್ಕೆ ಅದರ ನಯಗೊಳಿಸುವ ಗುಣಗಳನ್ನು ನೀಡಲು ನಾವು ಬಾಡಿ ಲೋಷನ್ ಅಥವಾ ವ್ಯಾಸಲಿನ್ ಅನ್ನು ಉಪಯೋಗಿಸುತ್ತೇವೆ. ಆದಾಗ್ಯೂ, ವ್ಯಾಸಲಿನ್ ತಯಾರಿಕೆಯ ಮೊದಲು ಜನರು ತಮ್ಮ ಚರ್ಮವನ್ನು ಹೇಗೆ ಪೋಷಿಸುತ್ತಿದ್ದರು ಎಂಬುದು ನಿಮಗೆ ತಿಳಿದಿದೆಯೆ…? ಹೆಚ್ಚಿನ ಜನರು, ತೆಂಗಿನ ಎಣ್ಣೆ ಅಥವಾ ಎಳ್ಳೆಣ್ಣೆಯನ್ನು ಉಪಯೋಗಿಸುತ್ತಿದ್ದರು ಎಂದು ಉತ್ತರಿಸಬಹುದು. ಯಾವುದು ಸರಿ…?

ಆದಾಗ್ಯೂ, ಶೀತ ವಾತಾವರಣದಿಂದ ಉಂಟಾಗುವ ಚರ್ಮದಲ್ಲಿನ ಕೊರೆತ ಅಥವಾ ಬಿರುಕುಗಳನ್ನು ಸರಿಪಡಿಸಲು ಒಂದು ವಿಶಿಷ್ಟ ಮತ್ತು ವಿಶೇಷವಾದ ಎಣ್ಣೆ ಲಭ್ಯವಿದೆ. ಅದುವೆ “ಪುನರ್ಪುಳಿ ಎಣ್ಣೆ”. ಪುನರ್ಪುಳಿ ಎಣ್ಣೆಯನ್ನು ಇಂದಿನ ಪರಿಭಾಷೆಯಲ್ಲಿ ‘ಕೋಕಮ್ ಬಟರ್’ ಅಥವಾ ‘ಕೋಕಮ್ ಆಯಿಲ್’ ಎಂದು ಕರೆಯಲಾಗುತ್ತದೆ… ಅಮ್ಸೂಲ್ ಆಯಿಲ್ ಚರ್ಮಕ್ಕೆ ಹೆಚ್ಚು ಔಷಧೀಯ ಮತ್ತು ಪೋಷಣೆಯ ನೈಸರ್ಗಿಕ ಮಾಯಿಶ್ಚರೈಸರ್ ಆಗಿದೆ. ಈ ಹೆಸರು ಹೊಸದು ಎಂದು ನೀವು ಭಾವಿಸಬಹುದು, ಆದರೆ ಕೊಂಕಣ ಮತ್ತು ಪಕ್ಕದ ಪ್ರದೇಶಗಳಲ್ಲಿ ಇದನ್ನು ಇನ್ನೂ ಬಳಸಲಾಗುತ್ತದೆ. ಶೀತದ ವಾತಾವರಣದಲ್ಲಿ ಚರ್ಮದ ಬಿರುಕುಗಳು, ಬಿರುಕುಗಳು ಪಾದಗಳು ಇತ್ಯಾದಿ ಸಮಸ್ಯೆಗಳನ್ನು ಇದು ನಿವಾರಿಸುತ್ತದೆ. ಇದನ್ನು ಇಂದಿನ ಪರಿಭಾಷೆಯಲ್ಲಿ ‘ಕೋಕಂ ಬೆಣ್ಣೆ’ ಎಂದೂ ಕರೆಯಬಹುದು. ಅಂತರ್ಜಾಲದಲ್ಲಿ ‘ಕೋಕಮ್ ಬಟರ್’ ಎಂದು ಹುಡುಕಿದರೆ ನೀವು ಅದನ್ನು ಅಲ್ಲಿ ಕಾಣಬಹುದು. ಆದಾಗ್ಯೂ, ನಾವು ಅದನ್ನು ಆಧುನಿಕ ಯುಗದಲ್ಲಿ ಮರೆತಿದ್ದೇವೆ ಎಂಬ ಅಂಶದಿಂದಾಗಿ, ಅದರ ಉತ್ಪಾದನೆಯು ಕಡಿಮೆಯಾಗುತ್ತಿದೆ. ಪರಿಣಾಮವಾಗಿ, ಇದು ಸ್ವಲ್ಪ ದುಬಾರಿಯಾಗುತ್ತದೆ.

ಮುರುಗಲ ಎಣ್ಣೆಯನ್ನು ಹೇಗೆ ತಯಾರಿಸಲಾಗುತ್ತದೆ…? ಪುನರ್ಪುಳಿ ಕೊಂಕಣದಲ್ಲಿ ಕಂಡುಬರುವ ಒಂದು ಸಸ್ಯವಾಗಿದೆ. ಕೋಕಮ್ ಹಣ್ಣುಗಳಿಂದ ವಿವಿಧ ಆಹಾರಗಳನ್ನು ತಯಾರಿಸಲಾಗುತ್ತದೆ. ಅವುಗಳಲ್ಲಿ ಅಮ್ಸೂಲ್ ಎಣ್ಣೆ ಕೂಡ ಒಂದು. ಪುನರ್ಪುಳಿ ಬೀಜಗಳನ್ನು ಪುನರ್ಪುಳಿ ಎಣ್ಣೆಯನ್ನು ತಯಾರಿಸಲು ಬಳಸಲಾಗುತ್ತದೆ. ಅದಕ್ಕಾಗಿ ಸೂರ್ಯನ ಬೆಳಕಿನಲ್ಲಿ ಪುನರ್ಪುಳಿ ಬೀಜಗಳನ್ನು ಡ್ರೈಯರ್‌ನಲ್ಲಿ ಒಣಗಿಸಿ. ನಂತರ ಬೀಜದ ಹೊರ ಆವರಣವನ್ನು ತೆಗೆದುಹಾಕಿ ಬೀಜಗಳನ್ನು ಅವುಗಳ ಪುಡಿಯನ್ನು ತಯಾರಿಸಲು ಗ್ರೈಂಡರ್‌ನಲ್ಲಿ ಪುಡಿಮಾಡಬೇಕು. ಅಂತಹ ಪುಡಿಯನ್ನು ಕುದಿಯುವ ನೀರಿನಲ್ಲಿ ಎರಡು-ಮೂರು ಗಂಟೆಗಳ ಕಾಲ ಇರಿಸಲಾಗುತ್ತದೆ. ನಂತರ ದ್ರಾವಣವನ್ನು ತಂಪಾಗಿಸಲಾಗುತ್ತದೆ. ದ್ರಾವಣವು ತಣ್ಣಗಾದ ನಂತರ, ಎಣ್ಣೆಯ ನೀರಿನ ಮೇಲೆ ಏರುತ್ತದೆ. ಈ ಪದರನ್ನು ಎಚ್ಚರಿಕೆಯಿಂದ ಸಂಗ್ರಹಿಸಿ ಅದನ್ನು ಬಿಸಿ ಮಾಡುವ ಮೂಲಕ, ಅನಗತ್ಯ ಅಂಶಗಳನ್ನು ತೆಗೆದುಹಾಕಲಾಗುತ್ತದೆ. ಮತ್ತೆ ಅದು ತಂಪಾಗುತ್ತದೆ. ಇದನ್ನು ಕೋಕಮ್ ಎಣ್ಣೆ, ಅಮ್ಸೂಲ್ ಎಣ್ಣೆ ಅಥವಾ ಬೆಣ್ಣೆ ಎಂದು ಕರೆಯಲಾಗುತ್ತದೆ. ತೈಲ ಉತ್ಪಾದನೆಯನ್ನು ಹೆಚ್ಚಾಗಿ ಗುಡಿ ಕೈಗಾರಿಕೆಯಾಗಿ ಮಾಡಲಾಗುತ್ತದೆ.

 ಅಮ್ಸೂಲ್ ಆಯಿಲ್ ಹೇಗಿರುತ್ತದೆ…? ಈ ಎಣ್ಣೆಯ ಬಣ್ಣವು ತಿಳಿ ಬೂದು ಅಥವಾ ಹಳದಿ ಬಣ್ಣದ್ದಾಗಿದೆ. ಇದು ಬೆಣ್ಣೆಯಂತೆ ಮೃದುವಾಗಿರುತ್ತದೆ ಮತ್ತು ರುಚಿಯಲ್ಲಿ ಸ್ವಲ್ಪ ಸೌಮ್ಯವಾಗಿರುತ್ತದೆ. ಶುದ್ಧ ಮತ್ತು ವಾಸನೆಯಿಲ್ಲದ ತೈಲವು ಬಿಳಿ ಬಣ್ಣದ್ದಾಗಿದೆ ಮತ್ತು ಉತ್ತಮ ಗುಣಮಟ್ಟದ ಹೈಡ್ರೋಜನೀಕರಿಸಿದ (ಜಲಜನೀಕರಿಸಿದ) ತೈಲ (ಪಾಮ್) ನಂತೆ ಕಾಣುತ್ತದೆ. ಕೋಕಮ್ ಎಣ್ಣೆಯು ಇತರ ಗಾರ್ಸಿನಿಯಾ ಜಾತಿಗಳ ಬೀಜಗಳಲ್ಲಿನ ಎಣ್ಣೆಯಂತೆಯೇ ಸ್ಟಿಯರಿಕ್ ಮತ್ತು ಒಲೀಕ್ ಆಮ್ಲಗಳಲ್ಲಿ ಸಮೃದ್ಧವಾಗಿದೆ. ತೈಲದ ದ್ರವ ಬಿಂದು 400 – 430 ಸೆಂ. ಇದೆ. ಈ ಎಣ್ಣೆಯನ್ನು ಇತರ ಕೊಬ್ಬಿನ ಪದಾರ್ಥಗಳೊಂದಿಗೆ ಬೆರೆಸಬಹುದು ಮತ್ತು ಮಿಠಾಯಿ ಉದ್ಯಮದಲ್ಲಿ ಬೆಣ್ಣೆಯ ಬದಲಿಗೆ ಬಳಸಬಹುದು. ಹೊಸ ಸಂಶೋಧನಾ ವಿಧಾನದಲ್ಲಿ ಈ ತೈಲದಿಂದ 45 ರಷ್ಟು ಸ್ಟಿಯರಿಕ್ ಆಮ್ಲವನ್ನು ಪಡೆಯಬಹುದು. ಈ ಎಣ್ಣೆಯನ್ನು ಅಂಡಾಕಾರದ ಚೆಂಡುಗಳು ಅಥವಾ ತುಂಡುಗಳ ರೂಪದಲ್ಲಿ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತದೆ.

ಗುಣಧರ್ಮಗಳು… ಸ್ನಿಗ್ಧತೆ ಅದರ ಮೂಲ ಲಕ್ಷಣ ಇದು ಉರಿತವನ್ನು ಕಡಿಮೆಗೊಳಿಸುತ್ತದೆ. ಚರ್ಮದ ತುರಿಕೆಯಾಗಿದ್ದರೂ ಅಥವಾ ಚರ್ಮವು ಚಿಪ್ಪಿನಿಂದ ಕೂಡಿದ್ದರೂ ಸಹ ಪುನರ್ಪುಳಿ ತೈಲವನ್ನು ಹೆಚ್ಚಲಾಗುತ್ತದೆ. ಇದನ್ನು ಹರಿದು ಮತ್ತು ಬಿರುಕು ಬಿಟ್ಟ ಪಾದಗಳಿಗೆ ಬಳಸಲಾಗುತ್ತದೆ. ಇದಲ್ಲದೆ, ಇದನ್ನು ಇನ್ನೂ ಅನೇಕ ಮುಲಾಮುಗಳಲ್ಲಿ ಬಳಸಲಾಗುತ್ತದೆ. ಇದಲ್ಲದೇ, ಚಳಿಯಲ್ಲಿ ಕಾಲುಗಳು ಮತ್ತು ಕೈ ಮತ್ತು ಮೊಣಕಾಲುಗಳ ಮೂಲೆಗಳ ಚರ್ಮವು ಕಪ್ಪಾಗುತ್ತದೆ. ಆಮ್ಸೂಲ್ ಎಣ್ಣೆಯ ಬಳಕೆಯಿಂದ, ಕಪ್ಪಾಗಿದ್ದ ಚರ್ಮವು ಶುದ್ಧವಾಗುತ್ತದೆ ಮತ್ತು ಚರ್ಮವು ಮೃದುವಾಗಿರುತ್ತದೆ ಮತ್ತು ಸುಂದರವಾಗಿ ಕಾಣುತ್ತದೆ.

ಬಳಸುವುದು ಹೇಗೆ…? ಪುನರ್ಪುಳಿ ತೈಲ ಉಂಡೆ ರೂಪದಲ್ಲಿ ಕಂಡುಬರುತ್ತದೆ. ಹಾಗಾಗಿ ಗಟ್ಟಿಯಾಗಿರುತ್ತದೆ. ರಾತ್ರಿ ಮಲಗುವ ಮುನ್ನ ಸಣ್ಣ ಬಟ್ಟಲಿನಲ್ಲಿ ಇದನ್ನು ಎರಡು ನಿಮಿಷಗಳ ಕಾಲ ಗ್ಯಾಸ್ ಮೇಲೆ ಕುದಿಸಿ. ಇದು ತಕ್ಷಣವೇ ತೆಳ್ಳಗಾಗುತ್ತದೆ. ರಾತ್ರಿ ಮಲಗುವಾಗ ಬಿಸಿಯಾಗಿ, ಮುಖ, ಕುತ್ತಿಗೆ, ಕೈಕಾಲು ಅಥವಾ ಒಡೆದ ಚರ್ಮಕ್ಕೆ ಈ ಎಣ್ಣೆಯನ್ನು ಹಚ್ಚಿಕೊಳ್ಳಿ. ಬೆಳಿಗ್ಗೆ ಸ್ನಾನ ಮಾಡಿ.

ಕನ್ನಡಕ್ಕೆ: ಡಾ. ಕುಲಕರ್ಣಿ ಪಿ. ಎ.