ಮುಂಬೈ ವಿಮಾನ ನಿಲ್ದಾಣ ಇಂದು ಬೆಳಿಗ್ಗೆ 11 ರಿಂದ ಸಾಯಂಕಾಲ 5 ಗಂಟೆಯವರೆಗೆ ಬಂದ್..!

October 18, 2022

11:33 AM

ಮಿರರ್‌ ಡೆಸ್ಕ್‌

ಮುಂಬೈನ ಛತ್ರಪತಿ ಮಹರಾಜ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಅ.18 ಬೆಳಿಗ್ಗೆ 11 ಗಂಟೆಯಿಂದ ಸಾಯಂಕಾಲ 5 ಗಂಟೆವರೆಗೆ ಬಂದ್ ಇರಲಿದೆ.

ವಿಮಾನ ನಿಲ್ದಾಣದ RWY 14/32 ಮತ್ತು 9/27 ಎರಡು ರನ್ವೇಗಳ ವಾರ್ಷಿಕ ದುರಸ್ತಿ ಮತ್ತು ನವೀಕರಣ ಕಾರ್ಯ ನಡೆಯುವುದರಿಂದ ಬಂದ್ ಇರಲಿದೆ ಎಂದು ಮುಂಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ನಿಯಮಿತ ಅಧಿಕಾರಿಗಳು ತಿಳಿಸಿದ್ದಾರೆ. 14/32 ಮತ್ತು 9/27 ಎರಡು ರನ್ವೇಗಳಲ್ಲಿ ಎಡ್ಜ್ ಲೈಟ್ಗಳ ದುರಸ್ತಿ, ಎಜಿಎಲ್ (ಏರೋನಾಟಿಕಲ್ ಗ್ರೌಂಡ್ ಲೈಟ್ಸ್) ನವೀಕರಣ ಕಾರ್ಯಗಳು ನಡೆಯುವುದರಿಂದ 6 ಗಂಟೆಗಳ ಕಾಲ ವಿಮಾನ ನಿಲ್ದಾಣ ಬಂದ್ ಇರಲಿದೆ.

ಇನ್ನೂ ಪ್ರಯಾಣಿಕರಿಗೆ ಅನಾನುಕೂಲತೆಯಿಂದ ತಪ್ಪಿಸಲು ಅ.18ರ ವಿಮಾನ ವೇಳಾಪಟ್ಟಿಯನ್ನು ಆಯಾ ವಿಮಾನಯಾನ ಸಂಸ್ಥೆಗಳೊಂದಿಗೆ ಪರಿಶೀಲಿಸುವಂತೆ ಮುಂಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ತಿಳಿಸಿದೆ.