ಜು.30 ರಂದು ನಿಸಾರ್ ಭೂ ವಿಶ್ಲೇಷಣಾ ಉಪಗ್ರಹ ಉಡಾವಣೆ

July 23, 2025

6:13 AM

The Rural Mirror ಸುದ್ದಿಜಾಲ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೋ, ಜುಲೈ 30 ರಂದು ಶ್ರೀಹರಿಕೋಟಾದ, ಷಾರ್ ಬಾಹ್ಯಾಕಾಶ ನೆಲೆಯಿಂದ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಸಹಯೋಗದಲ್ಲಿ ಅಭಿವೃದ್ಧಿಪಡಿಸಿರುವ, ನಿಸಾರ್ ಭೂ ವಿಶ್ಲೇಷಣಾ ಉಪಗ್ರಹವನ್ನು ಉಡಾವಣೆ ಮಾಡಲಿದೆ. 2 392 ಕೆ.ಜಿ ತೂಕದ ಉಪಗ್ರಹವನ್ನು, GSLV F-16 ರಾಕೆಟ್ ಉಪಗ್ರಹವನ್ನು ಹೊತ್ತೊಯ್ಯಲಿದೆ. ನಿಸಾರ್ ಸಿಂಥಟಿಕ್ ಅಪಾರ್ಚರ್ ರೆಡಾರ್ ತರಂಗಾಂತರದ ಮೂಲಕ, ಭೂಗ್ರಹವನ್ನು ವಿಶ್ಲೇಷಿಸಲಿರುವ ಮೊದಲ ಉಪಗ್ರಹವಾಗಿದೆ. ನಾಸಾದ L BAND ಮತ್ತು ಇಸ್ರೋದ S BAND ರೆಡಾರ್ ಅನ್ನು ಇದು ಬಳಸಿಕೊಳ್ಳಲಿದೆ. ಅಲ್ಲದೆ ಇದು, ಪ್ರತಿ 12 ದಿನಗಳಿಗೊಮ್ಮೆ ಇಡೀ ಭೂಗ್ರಹವನ್ನು ಸ್ಕ್ಯಾನ್ ಮಾಡಿ, ಅಲ್ಲಿಂದ ಚಿತ್ರಗಳು, ಹವಾಗುಣ ಹಾಗೂ ಅಗತ್ಯ ದತ್ತಾಂಶವನ್ನು ರವಾನಿಸಲಿದೆ.