ಭಾರತೀಯ ಖಾದ್ಯಗಳಲ್ಲಿ ಈರುಳ್ಳಿ ಇಲ್ಲದೆ ಹೋದರೆ ಅಡುಗೆ ಪರಿಪೂರ್ಣ ಅಂತ ಅನ್ನಿಸಿಕೊಳ್ಳುವುದೇ ಇಲ್ಲ. ಪ್ರತಿಯೊಬ್ಬರ ಅಡುಗೆ ಮನೆಯ ಕಾಯಂ ನಿವಾಸಿ ಈರುಳ್ಳಿ. ಈರುಳ್ಳಿಯಲ್ಲೂ ಅನೇಕ ವಿಧಗಳಿವೆ. ನಾವು ಸಾಮಾನ್ಯವಾಗಿ ಕೆಂಪು ಈರುಳ್ಳಿಯನ್ನು ಹೆಚ್ಚಾಗಿ ಬಳಸುತ್ತೇವೆ. ಹಾಗೇ ಬಿಳಿ ಈರುಳ್ಳಿಯನ್ನು ನೀವು ನೋಡಿರುತ್ತೀರಿ. ಈ ಎರಡರಲ್ಲಿ ಯಾವ ಬಣ್ಣದ ಈರುಳ್ಳಿ ಹೆಚ್ಚು ಆರೋಗ್ಯಕರ?
ಆರೋಗ್ಯದ ದೃಷ್ಟಿಯಲ್ಲಿ, ಎಲ್ಲಾ ರೀತಿಯ ಈರುಳ್ಳಿಗಳು ಸಲ್ಫರ್, ಖನಿಜಗಳು ಮತ್ತು ವಿವಿಧ ವಿಟಮಿನ್ ಗಳನ್ನು ಹೊಂದಿದೆ. ಇದು ಕ್ಯಾನ್ಸರ್ ನಂತಹ ಮಾರಕ ಕಾಯಿಲೆಗಳನ್ನು ದೂರವಿಡಲು ಸಹಾಯ ಮಾಡುತ್ತದೆ. ಎರಡು ಬಣ್ಣದ ಈರುಳ್ಳಿಗಳ ನಡುವಿನ ವ್ಯತ್ಯಾಸಕ್ಕೆ ಬಂದಾಗ, ಕೆಂಪು ಈರುಳ್ಳಿ ಆಂಥೋಸಯಾನಿನ್ ಎಂಬ ಉತ್ಕರ್ಷಣ ನಿರೋಧಕವನ್ನು ಹೊಂದಿರುತ್ತದೆ. ಅದರಿಂದಲೇ ಅದು ಕೆಂಪು ಬಣ್ಣವನ್ನು ನೀಡುತ್ತದೆ. ಇದು ಹೊಟ್ಟೆ, ಸ್ತನ, ಪ್ರಾಸ್ಟೇಟ್ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತದೆ. ಹಾಗೆಂದು ಕ್ಯಾನ್ಸರ್ ಗೆ ಈರುಳ್ಳಿಯೇ ಔಷಧಿ ಅಲ್ಲ.
ಪಿಸಿಒಡಿಯಿಂದ ಬಳಲುತ್ತಿರುವ ಮಹಿಳೆಯರು 8 ವಾರಗಳ ಕಾಲ ಕೆಂಪು ಈರುಳ್ಳಿಯನ್ನು ಸೇವಿಸಿದ್ರೆ ರೋಗಲಕ್ಷಣಗಳು ಕಡಿಮೆಯಾಗುತ್ತವೆ. ಕೆಟ್ಟ ಕೊಲೆಸ್ಟ್ರಾಲ್ ಸಹ ನಿಯಂತ್ರಣದಲ್ಲಿರುತ್ತದೆ ಎಂದು 2014 ರ ಸಂಶೋಧನೆಯು ತಿಳಿಸಿದೆ.
ಇದಲ್ಲದೆ ಕೆಂಪು ಈರುಳ್ಳಿಯಲ್ಲಿ ಕ್ಯಾಲೋರಿಗಳು ಬಹಳ ಕಡಿಮೆ ಕಂಡುಬರುತ್ತವೆ. ವಿಟಮಿನ್ ಸಿ, ವಿಟಮಿನ್ ಬಿ ಮತ್ತು ಪೊಟ್ಯಾಸಿಯಮ್ ಅನ್ನು ಹೇರಳವಾಗಿ ಹೊಂದಿರುತ್ತದೆ. ಇನ್ನು ಬಿಳಿ ಈರುಳ್ಳಿ ಹೃದ್ರೋಗದ ಅಪಾಯವನ್ನು ಕಡಿಮೆ ಮಾಡಲು ಕೆಲಸ ಮಾಡುತ್ತದೆ. ಇದು ಮಧುಮೇಹದ ಸಮಸ್ಯೆಯನ್ನು ದೂರವಿಡಲು, ತೂಕವನ್ನು ಕಡಿಮೆ ಮಾಡಲು, ಪಾರ್ಶ್ವವಾಯು ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ವಿಟಮಿನ್ ಸಿ ಕೆಂಪು ಈರುಳ್ಳಿ ಮತ್ತು ಬಿಳಿ ಈರುಳ್ಳಿ ಎರಡರಲ್ಲೂ ಹೇರಳವಾಗಿ ಕಂಡುಬರುತ್ತದೆ. ಇದು ನೀರು ಆಧಾರಿತ ಸೋಬರ್ ವಿಟಮಿನ್ ಆಗಿದ್ದು ದೇಹದಲ್ಲಿ ಕಾಲಜನ್ ಅನ್ನು ಹೆಚ್ಚಿಸುವ ಮೂಲಕ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಕೆಲಸ ಮಾಡುತ್ತದೆ.
(ಲೇಖನ ಸಂಗ್ರಹ ಅಂತರ್ಜಾಲ : ಆರೋಗ್ಯಕ್ಕೆ ಸಂಬಂಧಿಸಿದಂತೆ ವೈದ್ಯರನ್ನು ಸಂಪರ್ಕಿಸಿ ಮುಂದುವರೆಯಿರಿ)
