ಪ್ರಧಾನಿ ಮೋದಿಯವರು ಅನೇಕ ವಿದೇಶ ಪ್ರವಾಸಗಳನ್ನು ಕೈಗೊಳ್ಳುತ್ತಾರೆ. ಕೆಲವರು ಟೀಕಿಸುತ್ತಾರೆ, ಮೋದಿಯವರು ಸುಮ್ಮನೆ ದೇಶ ಸುತ್ತುತ್ತಾರೆ ಎಂದು. ನಮ್ಮ ದೇಶದಲ್ಲಿ ಮಾಡಲು ಬೇಕಾದಷ್ಟು ಕೆಲಸಗಳಿರುತ್ತವೆ. ಅದು ಬಿಟ್ಟು ಕೋಟಿ ಗಟ್ಟಲೆ ಖರ್ಚು ಮಾಡಿಕೊಂಡು ವಿದೇಶ ಸುತ್ತಲು ಹೋಗುತ್ತಾರೆ ಎಂದು. ಆದರೆ ಅವರ ಭೇಟಿ ಹಿಂದೆ ಅನೇಕ ರಾಜ ತಾಂತ್ರಿಕ ಉದ್ದೇಶಗಳಿರುತ್ತವೆ. ಅದರಿಂದ ನಮ್ಮ ದೇಶಕ್ಕೂ ಅಷ್ಟೇ ಲಾಭಗಳಿರುತ್ತವೆ.
ಈ ಬಾರಿ ಪ್ರಧಾನಿ ಮೋದಿಯವರು ಅಮೆರಿಕಾ ಪ್ರವಾಸ ಕೈಗೊಂಡಿದ್ದಾರೆ. ಇದು ಬಹಳ ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಅದರಂತೆ ನಿರುದ್ಯೋಗಿಗಳಿಗೆ ಕೇಂದ್ರ ಸರ್ಕಾರ ಗುಡ್ ನ್ಯೂಸ್ ನೀಡಿದ್ದು, 80 ಸಾವಿರ ಉದ್ಯೋಗಗಳ ಲೈನ್ ಕ್ಲಿಯರ್ ಆಗಿದೆ. 2024 ರ ವೇಳೆಗೆ 80 ಸಾವಿರಕ್ಕೂ ಹೆಚ್ಚು ಉದ್ಯೋಗಗಳು ಸೃಷ್ಟಿಯಾಗುವ ಬಗ್ಗೆ ಕೇಂದ್ರ ಸಚಿವರು ತಿಳಿಸಿದ್ದಾರೆ. ಇದಕ್ಕೆ ಕಾರಣ ಮೋದಿಯವರ ಅಮೇರಿಕ ಭೇಟಿ.
ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಮಾತನಾಡಿ, ಪ್ರಧಾನಿ ನರೇಂದ್ರ ಮೋದಿ ಅವರ ಅಮೆರಿಕಾ ಪ್ರವಾಸದ ವೇಳೆ ಮೈಕ್ರಾನ್, ಅಪ್ಲೈಡ್ ಮೆಟೀರಿಯಲ್ಸ್, ಲ್ಯಾಮ್ ರಿಸರ್ಚ್ ಸೇರಿದಂತೆ ಹಲವು ದೊಡ್ಡ ಕಂಪನಿಗಳು ನಮ್ಮ ದೇಶದಲ್ಲಿ ಸೆಮಿ ಕಂಡಕ್ಟರ್ ಉದ್ಯಮದಲ್ಲಿ ಹೂಡಿಕೆ ಮಾಡುವುದಾಗಿ ಘೋಷಿಸಿದ್ದು, ಇದರಿಂದ 80 ಸಾವಿರ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ತಿಳಿಸಿದರು. ಪರೋಕ್ಷವಾಗಿ ಹೆಚ್ಚು ಜನರಿಗೆ ಉದ್ಯೋಗ ಸಿಗಲಿದೆ ಎಂದರು. ಈ ಕಂಪನಿಗಳು ಭಾರತಕ್ಕೆ ಬರುವುದರಿಂದ ಎಲೆಕ್ಟ್ರಾನಿಕ್ ಮತ್ತು ಸೆಮಿಕಂಡಕ್ಟರ್ ಪರಿಸರ ವ್ಯವಸ್ಥೆಯು ಬೃಹತ್ ಪ್ರಮಾಣದಲ್ಲಿ ಅಭಿವೃದ್ಧಿ ಹೊಂದಲಿದೆ ಎಂದು ಹೇಳಿದರು.
ಯುಎಸ್ ಮೆಮೊರಿ ಚಿಪ್ ಕಂಪನಿ ಮೈಕ್ರಾನ್ ಟೆಕ್ನಾಲಜಿ ತನ್ನ ಸೆಮಿಕಂಡಕ್ಟರ್ ಅಸೆಂಬ್ಲಿ ಪರೀಕ್ಷಾ ಘಟಕವನ್ನು ಗುಜರಾತ್ ನಲ್ಲಿ ಸ್ಥಾಪಿಸಲಿದೆ ಎಂದು ಸಚಿವರು ಬಹಿರಂಗಪಡಿಸಿದರು. ಇದಕ್ಕಾಗಿ 2.75 ಬಿಲಿಯನ್ ಡಾಲರ್ (ಸುಮಾರು 22,540 ಕೋಟಿ ರೂ.) ಹೂಡಿಕೆ ಮಾಡುವುದಾಗಿ ಕಂಪನಿ ಹೇಳಿದೆ. ಮುಂದಿನ ಕೆಲವು ವರ್ಷಗಳಲ್ಲಿ ಸ್ಥಾವರವು 5,000 ಹೊಸ ಮತ್ತು 15,000 ಸಮುದಾಯ ಉದ್ಯೋಗಗಳನ್ನು ಸೃಷ್ಟಿಸುತ್ತದೆ ಎಂದು ಮೈಕ್ರಾನ್ ಹೇಳಿದೆ. ಅಪ್ಲೈಡ್ ಮೆಟೀರಿಯಲ್ಸ್ 400 ಮಿಲಿಯನ್ ಡಾಲರ್ ಹೂಡಿಕೆ ಮಾಡುತ್ತದೆ.
ಇದು ಬೆಂಗಳೂರಿನಲ್ಲಿ ಇಂಜಿನಿಯರಿಂಗ್ ಕೇಂದ್ರವನ್ನು ನಿರ್ಮಿಸಲಿದೆ. ಲ್ಯಾಮ್ ರಿಸರ್ಚ್ ಸೆಮಿಕಂಡಕ್ಟರ್ ಅಭಿವೃದ್ಧಿ ಕುರಿತು 60,000 ಭಾರತೀಯ ಎಂಜಿನಿಯರ್ ಗಳಿಗೆ ತರಬೇತಿ ನೀಡಲಿದೆ ಎಂಬ ಮಾಹಿತಿಯನ್ನು ಸಚಿವರು ಹಂಚಿಕೊಂಡರು. ಇದೇ ವೇಳೆ ಅರೆವಾಹಕಗಳ ತಯಾರಿಕೆಗೆ ವೇದಾಂತ-ಫಾಕ್ಸ್ ಕಾನ್ ನೀಡಿರುವ ಪ್ರಸ್ತಾವನೆ ಪರಿಶೀಲನೆಯಲ್ಲಿದೆ ಎಂದು ಸಚಿವ ಕೇಂದ್ರ ಸಚಿವ ರಾಜೀವ್ ತಿಳಿಸಿದ್ದಾರೆ. ಒಂದೂವರೆ ವರ್ಷಗಳ ಹಿಂದೆ ಭಾರತದಲ್ಲಿ ಸೆಮಿಕಂಡಕ್ಟರ್ ಉದ್ಯಮದಲ್ಲಿ ಶೂನ್ಯ ಸ್ಟಾರ್ಟ್ ಅಪ್ ಗಳು ಇದ್ದವು. ಈಗ ಅದು 2024 ರ ವೇಳೆಗೆ 100 ಸ್ಟಾರ್ಟ್ ಅಪ್ ಗಳ ಹಂತದಲ್ಲಿದೆ ಎಂದು ಅದು ವಿವರಿಸಿದೆ. ಸರ್ಕಾರ ತಂದಿರುವ 76 ಕೋಟಿ ರೂ.ಗಳ ಪಿಎಲ್ ಐ ಯೋಜನೆ ದೇಶದ ಅರೆವಾಹಕ ಕ್ಷೇತ್ರದ ಮುಖವನ್ನೇ ಬದಲಿಸುತ್ತಿದೆ.
