ಭಾರತಕ್ಕೆ ಆಮದು ಮಾಡಲಾಗುವ ರೋಸ್ಟೆಡ್ ಅಡಿಕೆ ವರ್ಗೀಕರಣ ಕುರಿತಾಗಿ ಈಗಾಗಲೇ ಹೈಕೋರ್ಟ್ ನೀಡಿದ ತೀರ್ಪು ಅಂತಿಮವಾಗಿರುವ ಹಿನ್ನೆಲೆಯಲ್ಲಿ, ಕಸ್ಟಮ್ಸ್ ಪ್ರಾಧಿಕಾರ (CAAR), ಹೊಸದಾಗಿ ಮುಂಗಡ ತೀರ್ಪು ನೀಡಲು ನಿರಾಕರಿಸಿದೆ. ಈ ನಿರ್ಧಾರವು ಅಡಿಕೆ ಆಮದು ಮತ್ತು ಅಡಿಕೆ ವ್ಯಾಪಾರ ಕ್ಷೇತ್ರದಲ್ಲಿ ಮಹತ್ವದ ಬೆಳವಣಿಗೆಯಾಗಲಿದೆ. ಅಡಿಕೆ ಬೆಳೆಗಾರರಿಗೆ ಮಾರುಕಟ್ಟೆ ಸ್ಥಿರತೆಯ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ.
ಖಾಸಗಿ ಸಂಸ್ಥೆಯೊಂದು ಇಂಡೋನೇಷ್ಯಾದಿಂದ ರೋಸ್ಟೆಡ್ ಅಡಿಕೆಯನ್ನು ಭಾರತಕ್ಕೆ ಆಮದು ಮಾಡುತ್ತಿದ್ದು, ಈ ಉತ್ಪನ್ನವನ್ನು Customs Tariff Heading 2008 ಅಡಿಯಲ್ಲಿ ವರ್ಗೀಕರಿಸಬೇಕು ಎಂದು CAAR ಮುಂದೆ ಅರ್ಜಿ ಸಲ್ಲಿಸಿತ್ತು. ಈ ರೋಸ್ಟಿಂಗ್ ಪ್ರಕ್ರಿಯೆಯಲ್ಲಿ ಅಡಿಕೆಯನ್ನು ಸುಮಾರು 130°C ರಿಂದ 150°C ತಾಪಮಾನದಲ್ಲಿ ಬಿಸಿ ಮಾಡಲಾಗುತ್ತದೆ. ಇದರಿಂದ ಅಡಿಕೆಯ ತೇವಾಂಶ ಕಡಿಮೆಯಾಗುತ್ತದೆ ಮತ್ತು ಅದರ ಭೌತಿಕ ಹಾಗೂ ರಾಸಾಯನಿಕ ಗುಣಲಕ್ಷಣಗಳಲ್ಲಿ ಬದಲಾವಣೆ ಉಂಟಾಗುತ್ತದೆ. ಈ ರೀತಿಯ ರೋಸ್ಟೆಡ್ ಅಡಿಕೆ ನೇರವಾಗಿ ಬಳಕೆಗೆ ಯೋಗ್ಯವಾಗಿದ್ದು, ಮಾರುಕಟ್ಟೆಯಲ್ಲಿ “Roasted Supari” ರೂಪದಲ್ಲಿ ಮಾರಾಟವಾಗುತ್ತದೆ ಎಂದು ಹೇಳಿತ್ತು.
ಆದರೆ, ಮದ್ರಾಸ್ ಹೈಕೋರ್ಟ್ ಈ ವಿಷಯವನ್ನು ಈಗಾಗಲೇ ಪರಿಶೀಲಿಸಿ, ರೋಸ್ಟಿಂಗ್ ಪ್ರಕ್ರಿಯೆ ಮೂಲಕ ಅಡಿಕೆ ಮೂಲ ಉತ್ಪನ್ನದಿಂದ ಸಂಪೂರ್ಣವಾಗಿ ಬದಲಾಗುತ್ತದೆ ಎಂದು ಸ್ಪಷ್ಟಪಡಿಸಿದೆ. ಆದ್ದರಿಂದ, ಇದನ್ನು ಸಾಮಾನ್ಯ ಒಣ ಅಡಿಕೆ (Chapter 8) ಎಂದು ಪರಿಗಣಿಸಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯ ಹೇಳಿದೆ. ಬದಲಾಗಿ, ರೋಸ್ಟೆಡ್ ಅಡಿಕೆ “Prepared or roasted nuts” ವರ್ಗಕ್ಕೆ ಸೇರಿದ್ದು, Customs Tariff Heading 2008 (Chapter 20) ಅಡಿಯಲ್ಲಿ ವರ್ಗೀಕರಿಸಬೇಕು ಎಂದು ಹೈಕೋರ್ಟ್ ತೀರ್ಪು ನೀಡಿದೆ.
Customs Authority for Advance Rulings (CAAR) ಪ್ರಕಾರ, ಈ ವಿಷಯವನ್ನು ಈಗಾಗಲೇ ಹೈಕೋರ್ಟ್ ತೀರ್ಮಾನಿಸಿರುವುದರಿಂದ, Customs Act Section 28-I ಪ್ರಕಾರ ಅದೇ ವಿಷಯದಲ್ಲಿ ಮತ್ತೆ ತೀರ್ಮಾನ ನೀಡಲು ಅವಕಾಶ ಇಲ್ಲ. ಈ ಹಿನ್ನೆಲೆಯಲ್ಲಿ CAAR ಹೊಸ ತೀರ್ಪು ನೀಡಲು ನಿರಾಕರಿಸಿ ಅರ್ಜಿಯನ್ನು ವಜಾಗೊಳಿಸಿದೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಗೆ ಇಲ್ಲಿ ಕ್ಲಿಕ್ ಮಾಡಿ
ಈ ತೀರ್ಪು ವಿಶೇಷವಾಗಿ ಅಡಿಕೆ ಮಾರುಕಟ್ಟೆ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಧಾರಣೆ ಏರಿಕೆ ಅಥವಾ ಸ್ಥಿರತೆಯತ್ತ ಸಾಗುವ ಸಾಧ್ಯತೆ ಹೆಚ್ಚು. ರೋಸ್ಟಿಂಗ್ ಪ್ರಕ್ರಿಯೆ ಮೂಲಕ ಅಡಿಕೆ ಹೊಸ ಉತ್ಪನ್ನವಾಗಿ ಪರಿಗಣಿಸಲಾಗುತ್ತದೆ ಎಂಬುದನ್ನು ಕಾನೂನು ಸ್ಪಷ್ಟಪಡಿಸಿದೆ. ಇದರಿಂದ ಮುಂದಿನ ದಿನಗಳಲ್ಲಿ ರೋಸ್ಟೆಡ್ ಅಡಿಕೆ ಆಮದು ಮತ್ತು ಕಸ್ಟಮ್ಸ್ ವರ್ಗೀಕರಣದಲ್ಲಿ ಸ್ಪಷ್ಟತೆ ಸಿಗುವ ಸಾಧ್ಯತೆ ಇದೆ. ಹೀಗಾಗಿ ರೋಸ್ಟೆಡ್ ಅಡಿಕೆ ಅಥವಾ ಡ್ರೈ ಅಡಿಕೆ ಆಮದು ಕಷ್ಟವಾಗಲಿದೆ.
The Customs Authority for Advance Rulings (CAAR), Mumbai, has declined to issue a fresh ruling on roasted areca nut classification, stating that the matter has already been settled by the Madras High Court. The court ruled that roasted arecanut is a processed product and must be classified under Customs Tariff Heading 2008 (Chapter 20), not as raw areca nut under Chapter 8. This decision brings clarity to arecanut importers and the supari processing industry in India.
