ಸವಿರುಚಿ| ಬೆಂಡೆ ಕಾಯಿ ಪಲ್ಯ

ಬೇಕಾಗುವ ಸಾಮಾಗ್ರಿ: ಬೆಂಡೆ ಕಾಯಿ 8, ಮೆಣಸಿನ ಪುಡಿ 1/2 ಚಮಚ, ಅರಸಿನ ಪುಡಿ,1/4 ಚಮಚ, ಬೆಲ್ಲ ಚಿಕ್ಕ ತುಂಡು, ಕೊತ್ತಂಬರಿ ಸೊಪ್ಪು 1/4 ಕಪ್, ಹುಣಸೆ ರಸ 3 ಚಮಚ, ಕಾಯಿತುರಿ 4 ಚಮಚ, ಹಸಿಮೆಣಸಿನ ಕಾಯಿ 2. ನೀರು ಉಪ್ಪು ರುಚಿಗೆ ತಕ್ಕಷ್ಟು.

Advertisement

ಒಗ್ಗರಣೆಗೆ: ಸಾಸಿವೆ1/4 ಚಮಚ, ಎಣ್ಣೆ 2 ಚಮಚ, ಜೀರಿಗೆ 1/2 ಚಮಚ, ಉದ್ದಿನ ಬೇಳೆ 1/4 ಚಮಚ, ಕೆಂಪು ಮೆಣಸು 1, ಕರಿಬೇವಿನ ಸೊಪ್ಪು.

ಮಾಡುವ ವಿಧಾನ: ಬೆಂಡೆಕಾಯಿ ತೊಳೆದು ಒರೆಸಿ ರೌಂಡ್ ಆಗಿ ಕಟ್ ಮಾಡಿ. ಒಂದು ಬಾಣಲೆಗೆ ಸಾಸಿವೆ, ಜೀರಿಗೆ, ಎಣ್ಣೆ, ಉದ್ದಿನಬೇಳೆ, ಕೆಂಪು ಮೆಣಸು, ಕರಿಬೇವಿನ ಸೊಪ್ಪು ಹಾಕಿ ಒಗ್ಗರಣೆ ಮಾಡಿ. ಕಟ್ ಮಾಡಿದ ಬೆಂಡೆ ಕಾಯಿ, ಹಸಿಮೆಣಸು ಹಾಕಿ ಫ್ರೈ ಮಾಡಿ, ಉಪ್ಪು, ಬೆಲ್ಲ, ಅರಸಿನ ಪುಡಿ, ಮೆಣಸಿನ ಪುಡಿ, ಹುಣಸೆ ರಸ ಸ್ವಲ್ಪ ನೀರು ಹಾಕಿ ಬೇಯಿಸಿ.. ಬೆಂದ ನಂತರ ಕೊತ್ತಂಬರಿ ಸೊಪ್ಪು ಕಾಯಿ ತುರಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ರುಚಿಕರವಾದ ಬೆಂಡೆಕಾಯಿ ಪಲ್ಯ ರೆಡಿ

-ದಿವ್ಯ ಮಹೇಶ್.