ಜಾಗತಿಕ ಹವಾಮಾನ ವ್ಯವಸ್ಥೆಯನ್ನು ಪ್ರಭಾವಿಸುವ ಎಲ್ನಿನೊ (El Niño) ಅಧಿಕೃತವಾಗಿ ಆರಂಭಗೊಂಡಿದ್ದು, ಇದು ಇತಿಹಾಸದಲ್ಲೇ ಅತ್ಯಂತ ಪ್ರಬಲ ಎಲ್ನಿನೊಗಳಲ್ಲಿ ಒಂದಾಗುವ ಸಾಧ್ಯತೆ ಇದೆ ಎಂದು ಅಮೆರಿಕದ ಹವಾಮಾನ ಸಂಸ್ಥೆಗಳು ಎಚ್ಚರಿಕೆ ನೀಡಿವೆ. ಅಮೆರಿಕದ ರಾಷ್ಟ್ರೀಯ ಸಮುದ್ರ ಮತ್ತು ವಾತಾವರಣ ಆಡಳಿತ (NOAA) ಅಂದಾಜಿನ ಪ್ರಕಾರ, 2026ರ ಕೊನೆಯಲ್ಲಿ ಈ ಎಲ್ನಿನೊ “ಅತ್ಯಂತ ಪ್ರಬಲ” ಹಂತ ತಲುಪುವ ಸಾಧ್ಯತೆ 63% ಇದೆ.
ಪೆಸಿಫಿಕ್ ಮಹಾಸಾಗರದಲ್ಲಿ ಸಮುದ್ರ ಮೇಲ್ಮೈ ತಾಪಮಾನವು ಅಸಾಮಾನ್ಯವಾಗಿ ಏರಿಕೆಯಾಗಿರುವುದು ಎಲ್ನಿನೊ ಸ್ಥಿತಿಗೆ ಕಾರಣವಾಗಿದ್ದು, ಇದರ ಪರಿಣಾಮ ವಿಶ್ವದಾದ್ಯಂತ ಮಳೆ, ತಾಪಮಾನ, ಬರ, ಪ್ರವಾಹ ಮತ್ತು ಕೃಷಿ ಚಟುವಟಿಕೆಗಳ ಮೇಲೆ ಬೀಳುವ ಸಾಧ್ಯತೆ ಇದೆ.
ಭಾರತಕ್ಕೆ ಏನು ಪರಿಣಾಮ? : ಭಾರತೀಯ ಹವಾಮಾನ ಇಲಾಖೆ (IMD) ಈಗಾಗಲೇ 2026ರ ಮುಂಗಾರು ಮಳೆಯ ಬಗ್ಗೆ ಎಚ್ಚರಿಕೆ ನೀಡಿದೆ. ಎಲ್ನಿನೊ ಪರಿಣಾಮದಿಂದ ಈ ವರ್ಷದ ಮುಂಗಾರು ಅವಧಿಯಲ್ಲಿ ಸಾಮಾನ್ಯಕ್ಕಿಂತ ಕಡಿಮೆ ಮಳೆ ಬೀಳುವ ಸಾಧ್ಯತೆ ಹೆಚ್ಚಾಗಿದೆ ಎಂದು ಇಲಾಖೆ ಹೇಳಿದೆ.
ಹೆಚ್ಚಿನ ಎಲ್ನಿನೊ ವರ್ಷಗಳಲ್ಲಿ ಭಾರತದಲ್ಲಿ ಮುಂಗಾರು ಮಳೆ ದುರ್ಬಲವಾಗುವುದು, ಮಳೆಯ ಹಂಚಿಕೆ ಅಸಮವಾಗುವುದು, ಉಷ್ಣಾಂಶ ಹೆಚ್ಚಾಗುವುದು, ನೀರಿನ ಕೊರತೆ ಎದುರಾಗುವುದು ಹಾಗೂ ಕೃಷಿ ಉತ್ಪಾದನೆ ಮೇಲೆ ಪರಿಣಾಮ ಬೀಳುವುದು ಎಂಬುದು ಹಿಂದಿನ ಅನುಭವಗಳಿಂದ ತಿಳಿದುಬಂದಿದೆ. ಕರಾವಳಿ ಹಾಗೂ ಮಲೆನಾಡು ಭಾಗದ ರೈತರಿಗೆ ಈ ಬೆಳವಣಿಗೆ ವಿಶೇಷ ಗಮನಾರ್ಹವಾಗಿದೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ ನಮ್ಮ “ದ ರೂರಲ್ ಮಿರರ್.ಕಾಂ”WhatsApp Channel ಗೆ ಇಲ್ಲಿ ಕ್ಲಿಕ್ ಮಾಡಿ
“ಸೂಪರ್ ಎಲ್ನಿನೊ” ಎಂದರೇನು? : ಸಾಮಾನ್ಯ ಎಲ್ನಿನೊಗಿಂತ ಬಹಳ ಹೆಚ್ಚಿನ ತಾಪಮಾನ ಏರಿಕೆ ಪೆಸಿಫಿಕ್ ಸಾಗರದಲ್ಲಿ ದಾಖಲಾಗುವಾಗ ಅದನ್ನು “ಸೂಪರ್ ಎಲ್ನಿನೊ” ಎಂದು ಕರೆಯಲಾಗುತ್ತದೆ.
1997-98 ಹಾಗೂ 2015-16ರ ಸೂಪರ್ ಎಲ್ನಿನೊ ಘಟನೆಗಳು ವಿಶ್ವದಾದ್ಯಂತ ತೀವ್ರ ಹವಾಮಾನ ಬದಲಾವಣೆಗಳಿಗೆ ಕಾರಣವಾಗಿದ್ದವು. ಈಗ 2026ರ ಎಲ್ನಿನೊ ಕೂಡ ಆ ಮಟ್ಟದ ಪ್ರಭಾವ ಬೀರುವ ಸಾಧ್ಯತೆ ಇದೆ ಎಂದು ವಿಜ್ಞಾನಿಗಳು ಎಚ್ಚರಿಕೆ ನೀಡಿದ್ದಾರೆ.
ರೈತರು ಈಗಲೇ ಏನು ಮಾಡಬೇಕು? ಸಲಹೆ ಏನು ?
- ಮಳೆ ನೀರು ಸಂಗ್ರಹ ವ್ಯವಸ್ಥೆ ಬಲಪಡಿಸಿಕೊಳ್ಳಿ
- ತೋಟಗಳಲ್ಲಿ ಮಲ್ಚಿಂಗ್ಗೆ ಒತ್ತು ನೀಡಿ
- ನೀರಿನ ಸಮರ್ಪಕ ನಿರ್ವಹಣೆ ಮಾಡಿ
- ಸೂಕ್ಷ್ಮ ನೀರಾವರಿ ವ್ಯವಸ್ಥೆ ಅಳವಡಿಸಿಕೊಳ್ಳಿ
- ಕೃಷಿ ಇಲಾಖೆಯ ಮುಂಗಾರು ಸಲಹೆಗಳನ್ನು ಅನುಸರಿಸಿ ಎಂದು ತಜ್ಞರು ಸಲಹೆ ನೀಡಿದ್ದಾರೆ.
The United States weather agencies have officially confirmed the onset of El Niño, with a 63% probability of it becoming a very strong or “Super El Niño” event by late 2026. The development raises concerns for India’s monsoon, agriculture, water resources and plantation crops such as arecanut, rubber and pepper. IMD has already warned of below-normal rainfall and possible agricultural impacts during the current monsoon season.
View this post on Instagram
