ರೋಸ್ಟೆಡ್‌ ಅಡಿಕೆ- ಸುಪ್ರೀಂ ಕೋರ್ಟ್‌ ಮಹತ್ವದ ಆದೇಶ | “ರೋಸ್ಟೆಡ್‌ ಅಡಿಕೆ” ವರ್ಗೀಕರಣಕ್ಕೆ ಮುದ್ರೆ, ಜಪ್ತಿ ಸರಕುಗಳಿಗೆ ಮಾರ್ಗಸೂಚಿ

ಸುಪ್ರೀಂಕೋರ್ಟ್‌ ‘ರೋಸ್ಟೆಡ್‌ ಅಡಿಕೆ’ (Roasted Areca Nuts) ವರ್ಗೀಕರಣ ಕುರಿತ ಪ್ರಕರಣದಲ್ಲಿ ಅಲಹಾಬಾದ್‌ ಹೈಕೋರ್ಟ್‌ ತೀರ್ಪಿನ ವಿರುದ್ಧ ಸಲ್ಲಿಸಿದ್ದ ಎಸ್‌ಎಲ್‌ಪಿ (SLP) ಯನ್ನು ವಿಲೇವಾರಿ ಮಾಡಿದ್ದು, ಜಪ್ತಿ ಮಾಡಲಾದ ಸರಕುಗಳಿಗೆ “ಗಾಮಾ ಇರಾಡಿಯೇಷನ್‌” ಚಿಕಿತ್ಸೆ ನೀಡುವ ಕುರಿತು ವಿವರವಾದ ಪ್ರಕ್ರಿಯೆಯನ್ನೂ ಸೂಚಿಸಿದೆ.

ನ್ಯಾಯಮೂರ್ತಿಗಳಾದ ಜಸ್ಟೀಸ್‌ ಪಮಿಡಿಘಂಟಂ ಶ್ರೀ ನರಸಿಂಹ ಹಾಗೂ ಜಸ್ಟೀಸ್‌ ಅಲೋಕ್‌ ಆರಾಧೆ ಒಳಗೊಂಡ ಪೀಠ, “ರೋಸ್ಟೆಡ್‌ ಅಡಿಕೆ”ಗಳನ್ನು ‘ಒಣಗಿಸಿದ ಅಡಿಕೆ’ ಎಂದು ಪರಿಗಣಿಸಲಾಗುವುದಿಲ್ಲ ಎಂದು ಅಲಹಾಬಾದ್‌ ಹೈಕೋರ್ಟ್‌ ನೀಡಿದ್ದ ತೀರ್ಪಿಗೆ ತಾತ್ಕಾಲಿಕ ಮನ್ನಣೆ ನೀಡಿದೆ. ಆದರೆ ಈ ಪ್ರಕರಣದಲ್ಲಿರುವ ಕಾನೂನು ಪ್ರಶ್ನೆಗಳು ಭವಿಷ್ಯದಲ್ಲಿ ಕೆಲವು ಪ್ರಕರಣಗಳಲ್ಲಿ ಮತ್ತೆ ಪರಿಗಣಿಸಲ್ಪಡುತ್ತದೆ ಎಂದು ಸುಪ್ರೀಂ ಕೋರ್ಟ್‌ ಸ್ಪಷ್ಟಪಡಿಸಿದೆ.

ಈ ವಿವಾದವು ಇಂಡೋನೇಷ್ಯಾದಿಂದ ಆಮದು ಮಾಡಲಾದ “ರೋಸ್ಟೆಡ್‌ ಅಡಿಕೆ”ಗಳ ವರ್ಗೀಕರಣದ ಕುರಿತು ಉಂಟಾಗಿತ್ತು. ಕಸ್ಟಮ್ಸ್‌ ಅಥಾರಿಟಿ ಫಾರ್‌ ಅಡ್ವಾನ್ಸ್‌ ರೂಲಿಂಗ್‌ (CAAR) ಈ ಸರಕುಗಳನ್ನು ಚಾಪ್ಟರ್ 20 ಅಡಿಯಲ್ಲಿ “Other Roasted Nuts and Seeds” ಎಂದು ವರ್ಗೀಕರಿಸಿತ್ತು. ಅದರ ಆಧಾರದಲ್ಲೇ ಆಮದುದಾರ ಸಂಸ್ಥೆಯ ಸರಕುಗಳನ್ನು ಆಮದು ಮಾಡಿಕೊಂಡಿತ್ತು. ಆದರೆ ಕಸ್ಟಮ್ಸ್‌ ಇಲಾಖೆ ಅವುಗಳನ್ನು “ಒಣಗಿಸಿದ ಅಡಿಕೆ” ಎಂದು ವಾದಿಸಿ ಸರಕುಗಳನ್ನು ಜಪ್ತಿ ಮಾಡಿತ್ತು.

ಅಲಹಾಬಾದ್‌ ಹೈಕೋರ್ಟ್‌ ತನ್ನ ತೀರ್ಪಿನಲ್ಲಿ “ಒಣಗಿಸುವುದು” ಮತ್ತು “ಹುರಿಯುವುದು” ಎರಡೂ ಸಂಪೂರ್ಣ ವಿಭಿನ್ನ ಪ್ರಕ್ರಿಯೆಗಳಾಗಿವೆ ಎಂದು ಹೇಳಿತ್ತು. ಹುರಿಯುವ ಪ್ರಕ್ರಿಯೆಯಲ್ಲಿ ಹೆಚ್ಚಿನ ತಾಪಮಾನ ಬಳಕೆಯಾಗುವುದರಿಂದ ಉತ್ಪನ್ನದ ಗುಣಲಕ್ಷಣಗಳೇ ಬದಲಾಗುತ್ತವೆ ಎಂದು ನ್ಯಾಯಾಲಯ ಗಮನಿಸಿತ್ತು. ಹೀಗಾಗಿ “ರೋಸ್ಟೆಡ್‌ ಅಡಿಕೆ”ಗಳನ್ನು ಚಾಪ್ಟರ್‌ 20 ಅಡಿಯಲ್ಲಿ ವರ್ಗೀಕರಿಸುವುದು ಸರಿಯೆಂದು ಹೈಕೋರ್ಟ್‌ ಹೇಳಿತ್ತು.

ಇದಲ್ಲದೆ, ಸರಕುಗಳ ಮಾದರಿ ಸಂಗ್ರಹಿಸುವ ವೇಳೆ ಆಮದುದಾರರ ಸಮ್ಮುಖ ಇರಲಿಲ್ಲ, ಪರೀಕ್ಷಾ ವರದಿಗಳನ್ನು ಸರಿಯಾಗಿ ಹಂಚಿಕೊಳ್ಳಲಿಲ್ಲ ಎಂಬ ಕಾರಣಗಳಿಂದ ಕಸ್ಟಮ್ಸ್‌ ಇಲಾಖೆಯ ಕ್ರಮದ ಮೇಲೆ ಹೈಕೋರ್ಟ್‌ ತೀವ್ರ ಅಸಮಾಧಾನ ವ್ಯಕ್ತಪಡಿಸಿತ್ತು. ಇಲಾಖೆಯ ಕ್ರಮ “ಸಂದೇಹಾಸ್ಪದ” ಹಾಗೂ “ಪ್ರೇರಿತ” ಎಂದು ನ್ಯಾಯಾಲಯ ಟೀಕಿಸಿತ್ತು. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ-ಹವಾಮಾನ ಬದಲಾವಣೆ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

ಸುಪ್ರೀಂ ಕೋರ್ಟ್‌ ಇದೀಗ ಸರಕುಗಳನ್ನು ಬಿಡುಗಡೆ ಮಾಡುವ ಮುನ್ನ “ಗಾಮಾ ಇರಾಡಿಯೇಷನ್‌” ಚಿಕಿತ್ಸೆ ಕಡ್ಡಾಯವಾಗಿರಬೇಕು ಎಂದು ಹೇಳಿದ್ದು, ಸಾಗಣೆ ಮತ್ತು ಚಿಕಿತ್ಸೆ ಪ್ರಕ್ರಿಯೆ ಸಂಪೂರ್ಣವಾಗಿ ಆಮದುದಾರರ ವೆಚ್ಚ, ಹೊಣೆಗಾರಿಕೆ ಮತ್ತು ಅಪಾಯದಲ್ಲೇ ನಡೆಯಬೇಕು ಎಂದು ಸೂಚಿಸಿದೆ. ಕಸ್ಟಮ್ಸ್‌ ಇಲಾಖೆಗೆ ಯಾವುದೇ ಹೊಣೆಗಾರಿಕೆ ಇರದು ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿದೆ.

The Supreme Court of India disposed of the SLP challenging the Allahabad High Court ruling on the classification of roasted areca nuts. The apex court upheld the interim relief granted by the High Court and directed a detailed gamma irradiation procedure for seized goods before release. The case centered on whether imported roasted areca nuts should be classified as “roasted” under Chapter 20 or “dried” under Chapter 8 of the Customs Tariff.