#TomatoPrice| ಕೇಂದ್ರ ಸರ್ಕಾರದಿಂದ ಗ್ರಾಹಕರಿಗೆ ಸಿಹಿಸುದ್ದಿ | ದೇಶದಲ್ಲಿ ಟೊಮೆಟೊ ಬೆಲೆ ಇಳಿಸಲು ಪ್ಲಾನ್

ಕೇಂದ್ರ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯವು ಆಂಧ್ರಪ್ರದೇಶ, ಕರ್ನಾಟಕ ಮತ್ತು ಮಹಾರಾಷ್ಟ್ರದ ಮಂಡಿಗಳಿಂದ ಸಂಗ್ರಹಿಸಲಾದ ಟೊಮೆಟೊಗಳನ್ನು ಕಳೆದ ತಿಂಗಳಲ್ಲಿ ತೀವ್ರವಾಗಿ ಬೆಲೆ ಏರಿಕೆ ಆಗಿರುವ ಪ್ರದೇಶಗಳಲ್ಲಿ ವಿತರಿಸಲು ಸೂಚಿಸಿದೆ. ಈ ಶುಕ್ರವಾರದ ವೇಳೆಗೆ, ದೆಹಲಿ-ಎನ್‌ಸಿಆರ್ ಪ್ರದೇಶದ ಗ್ರಾಹಕರು ರಿಯಾಯಿತಿ ದರದಲ್ಲಿ ಟೊಮೆಟೊಗಳನ್ನು ಸಿಗಲಿವೆ.

ಕಳೆದ ತಿಂಗಳು ಭಾರತದಲ್ಲಿ ಚಿಲ್ಲರೆ ಬೆಲೆಗಳು ಸರಾಸರಿಗಿಂತ ಹೆಚ್ಚಿರುವ ಪ್ರದೇಶಗಳಿಗೆ ಟೊಮ್ಯಾಟೊಗಳನ್ನು ಸರಬರಾಜು ಮಾಡಲಾಗುವುದು ಎಂದು ಗ್ರಾಹಕ ವ್ಯವಹಾರಗಳ ಇಲಾಖೆ ತಿಳಿಸಿದೆ. ಕೇಂದ್ರ ಸರ್ಕಾರ ಗುರುತಿಸಿರುವ ಕೇಂದ್ರಗಳ ಪೈಕಿ ಅತಿ ಹೆಚ್ಚು ಟೊಮೆಟೊ ಬಳಕೆ ಇರುವ ಪ್ರದೇಶಗಳನ್ನು ಗುರುತಿಸಲು ಹೊರಟಿದೆ. ದೇಶದ ಎಲ್ಲಾ ರಾಜ್ಯಗಳಲ್ಲಿ ಟೊಮೆಟೊ ಬೆಳೆಯಲಾಗುತ್ತದೆ. ಆದಾಗ್ಯೂ, ಭಾರತದ ದಕ್ಷಿಣ ಮತ್ತು ಪಶ್ಚಿಮ ಭಾಗಗಳಲ್ಲಿ ಬೆಳೆ ಇಳುವರಿ ಹೆಚ್ಚಿರುತ್ತದೆ. ಇದು ಭಾರತದ ಒಟ್ಟು ಉತ್ಪಾದನೆಯ 56-58% ರಷ್ಟಿದೆ. ದಕ್ಷಿಣ ಮತ್ತು ಪಶ್ಚಿಮದ ರಾಜ್ಯಗಳು ಇತರೆ ರಾಜ್ಯಗಳು ಋತುವಿನ ಆಧಾರದ ಮೇಲೆ ಇತರ ಮಾರುಕಟ್ಟೆಗಳಿಗೆ ಟೊಮೆಟೊಗಳನ್ನು ಪೂರೈಸುತ್ತವೆ.

ಟೊಮೆಟೊ ಉತ್ಪಾದನೆಯ ಋತುಗಳು ಪ್ರದೇಶದಿಂದ ಪ್ರದೇಶಕ್ಕೆ ಭಿನ್ನವಾಗಿರುತ್ತವೆ. ಗರಿಷ್ಠ ಸುಗ್ಗಿಯ ಅವಧಿಯು ಡಿಸೆಂಬರ್‌ನಿಂದ ಫೆಬ್ರವರಿವರೆಗೆ ಇರುತ್ತದೆ. ಜುಲೈ-ಆಗಸ್ಟ್ ಮತ್ತು ಅಕ್ಟೋಬರ್-ನವೆಂಬರ್ ಸಾಮಾನ್ಯವಾಗಿ ಕಡಿಮೆ ಟೊಮೆಟೊ ಉತ್ಪಾದನೆಯ ತಿಂಗಳುಗಳಾಗಿವೆ. ಆದರೆ ಜುಲೈನಲ್ಲಿ ಮಳೆಯಾಗುವುದರಿಂದ ಬೆಳೆದ ಟೊಮೆಟೊ ಸಾಗಿಸಲು ಕಷ್ಟವಾಗುತ್ತದೆ. ಪರಿಣಾಮವಾಗಿ, ಉತ್ಪಾದನೆಯ ಹೊರತಾಗಿಯೂ ಬೆಲೆಗಳು ಏರಿಕೆ ಸಂಭವಿಸುತ್ತದೆ. ನಾಟಿ ಮತ್ತು ಕೊಯ್ಲು ಅವಧಿಗಳು ಪ್ರದೇಶದಿಂದ ಪ್ರದೇಶಕ್ಕೆ ಭಿನ್ನವಾಗಿರುತ್ತವೆ. ಇದೂ ಕೂಡ ಟೊಮೆಟೊ ಬೆಲೆ ಏರಿಕೆಗೆ ಕಾರಣ ಎನ್ನಲಾಗಿದೆ. ಟೊಮ್ಯಾಟೊ ಸಾಗಣೆಯಲ್ಲಿ ತಾತ್ಕಾಲಿಕ ಅಡಚಣೆಗಳು ಮತ್ತು ಪ್ರತಿಕೂಲ ಹವಾಮಾನ ಪರಿಸ್ಥಿತಿಗಳಿಂದ ಆಗುವ ಬೆಳೆ ನಷ್ಟವೂ ಸಹ ಬೆಲೆಯಲ್ಲಿ ಹಠಾತ್ ಏರಿಕೆಗೆ ಕಾರಣವಾಗಬಹುದು.