ಹೊಸರುಚಿ – ಎಳೆಯ ಹಲಸಿನ ಕಾಯಿ ಬಾಲ್ : ಕರಕರಾ, ರುಚಿಕರ ಮತ್ತು ಆರೋಗ್ಯಕರ ಸ್ನ್ಯಾಕ್

ಎಳೆಯ ಹಲಸಿನ ಕಾಯಿ ಬಳಸಿ ತಯಾರಿಸುವ ಈ ಬಾಲ್ಸ್ ತುಂಬಾ ರುಚಿಕರವಾಗಿದೆ. ಮನೆಯಲ್ಲಿ ಸುಲಭವಾಗಿ ಸಿಗುವ ಎಳೆಯ ಹಲಸಿನ ಕಾಯಿ ಬಳಸಿ ತಯಾರಿಸಬಹುದಾದ ಈ ಬಾಲ್ಸ್ ರುಚಿಯಲ್ಲೂ ಆರೋಗ್ಯದಲ್ಲೂ ಉತ್ತಮ ಆಯ್ಕೆಯಾಗಿವೆ. ಕರಕರಾ ತಳಹದಿ ಮತ್ತು ಸುವಾಸನೆಯ ಮಸಾಲೆ ಸಂಯೋಜನೆಯಿಂದ ಈ ತಿಂಡಿ ಎಲ್ಲರಿಗೂ ಇಷ್ಟವಾಗುವಂತಹದ್ದು. ವಿಶೇಷವಾಗಿ ಸಂಜೆ ಸಮಯದಲ್ಲಿ ಚಹಾ ಜೊತೆ ಸೇವಿಸಲು ಇದು ಅತ್ಯುತ್ತಮ ಸ್ನ್ಯಾಕ್.

ಬೇಕಾಗುವ ಸಾಮಗ್ರಿಗಳು:

• ಎಳೆಯ ಹಲಸಿನ ಕಾಯಿ – 1 ಕಪ್ (ಬೇಯಿಸಿ ನುಣ್ಣಗೆ ಪುಡಿ ಮಾಡಿದದ್ದು)
• ಕಡಲೆ ಹಿಟ್ಟು – 1/2 ಕಪ್
• ಅರಿಶಿನ ಪುಡಿ – ಸ್ವಲ್ಪ
• ಉಪ್ಪು – ರುಚಿಗೆ ತಕ್ಕಷ್ಟು

 ಮಸಾಲೆಗಾಗಿ:

• ಕೊತ್ತಂಬರಿ ಬೀಜ – 1 ಚಮಚ
• ಜೀರಿಗೆ – 1/2 ಚಮಚ
• ಕೊತ್ತಂಬರಿ ಸೊಪ್ಪು – 1/2 ಕಪ್
• ಶುಂಠಿ – ಸ್ವಲ್ಪ
• ಹಸಿಮೆಣಸು – 2-3

ಮಾಡುವ ವಿಧಾನ : ಮೊದಲು ಎಳೆಯ ಹಲಸಿನ ಕಾಯಿಯನ್ನು ಚೆನ್ನಾಗಿ ಬೇಯಿಸಿ, ನೀರು ಕಳಸಿ ನುಣ್ಣಗೆ ಪುಡಿ ಮಾಡಿಕೊಳ್ಳಿ. ಒಂದು ಪ್ಯಾನ್‌ನಲ್ಲಿ ಕೊತ್ತಂಬರಿ ಬೀಜ, ಜೀರಿಗೆ, ಶುಂಠಿ, ಹಸಿಮೆಣಸು ಹಾಕಿ ಸ್ವಲ್ಪ ಫ್ರೈ ಮಾಡಿ.  ನಂತರ ಇದಕ್ಕೆ ಕೊತ್ತಂಬರಿ ಸೊಪ್ಪು ಸೇರಿಸಿ, ಮಿಕ್ಸಿ ಜಾರಿನಲ್ಲಿ ನುಣ್ಣಗೆ ರುಬ್ಬಿಕೊಳ್ಳಿ. ಈಗ ಬೇಯಿಸಿದ ಹಲಸಿನ ಕಾಯಿಗೆ ಈ ಮಿಶ್ರಣ, ಕಡಲೆ ಹಿಟ್ಟು, ಅರಿಶಿನ ಪುಡಿ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಮಿಶ್ರಣವನ್ನು ಸಣ್ಣ ಉಂಡೆಗಳಾಗಿ ಮಾಡಿ. ಕಾದ ಎಣ್ಣೆಯಲ್ಲಿ ಈ ಉಂಡೆಗಳನ್ನು ಹಾಕಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಕರಿದು ತೆಗೆದುಕೊಳ್ಳಿ. ಬಿಸಿ ಬಿಸಿ ಹಲಸಿನ ಕಾಯಿ ಬಾಲ್ಸ್ ಅನ್ನು  ಟೊಮೇಟೋ ಸಾಸ್ ಜೊತೆ  ತೆಂಗಿನ ಚಟ್ನಿ ಜೊತೆ ಸರ್ವ್ ಮಾಡಿದರೆ ರುಚಿ ಡಬಲ್ ಆಗುತ್ತದೆ!

ಆರೋಗ್ಯ ಸಲಹೆ

• ಎಳೆಯ ಹಲಸಿನ ಕಾಯಿ ಫೈಬರ್ ಸಮೃದ್ಧವಾಗಿದೆ
• ವೆಜಿಟೇರಿಯನ್ ಪ್ರೋಟೀನ್ ಸ್ನ್ಯಾಕ್ ಆಗಿ ಸೂಕ್ತ
• ಡೀಪ್ ಫ್ರೈ ಬದಲು ಏರ್ ಫ್ರೈ ಮಾಡಿದರೂ ಚೆನ್ನಾಗಿರುತ್ತದೆ

ಚಿಕ್ಕ ಟಿಪ್ :  ಮಿಶ್ರಣ ಹೆಚ್ಚು ಸಡಿಲವಾಗಿದ್ದರೆ ಸ್ವಲ್ಪ ರವೆ ಅಥವಾ ಬ್ರೆಡ್ ಕ್ರಂಬ್ಸ್ ಸೇರಿಸಿದರೆ ಬಾಲ್ಸ್ ಕರುಕುರುತ್ತವೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

Tender jackfruit balls are a crispy and tasty snack made using boiled jackfruit, gram flour, and spices. Deep-fried to golden perfection, they make a perfect evening snack when served with chutney or sauce.